MICAH 5:3 - LEKHARABU INTHENG (BSI)

³ Khava jâra sa kanei sik nuhmei khan asa kha aneimak hma seng Rōngpu’n amihei kha a-inrepuihei kut a adahlon sik heia kae. Khana rehring sura miram a aka-om Israelhei seng kha vōi khat anmihei leh inchun nôk sik jo hei.

MICAH 5:3 ပူးပေါင်းရင်းမြစ်များ

RENGHEI INKHATNA 14:16

Rōngpu’n Israel hi adahlon sik, ajârchu Jeroboam in setna atloa Israel mipuihei hi setna shunga aṭhōi manhlut heia kae.”

THUHMINGHEI INHNINA 30:7

Nanpu sōnhei leh nan-Israel u leh naihei, an-Pathen Rōngpu hnenga ṭong kajuimak hei kha pōmak hei ruh. Nantahmu jo kapōa, ama’n inhnaktak a karâkna apek heia kae.

HLAHEI 67:3

Mihe’n choi ka-ân hei che rasoh, Eh Pathen; mi rakip in choi manshâng hei che rasoh!

ISAIAH 11:11

Khava kani ajōng tlung pha, Rōngpu’n aratha hratna ahmang nôk sik, Assyria ram leh Egypt ram a dahlona ka-om amihei seng, khana Pathros, Ethiopia, Elam, Babylon khana Hamath khan chu tuipui panga ram leh tuipui kekhum ramheia amihei seng an-ina aheiṭhōi male nôk sik hei.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

JEREMIAH 23:5

Rōngpu’n ahri, “David sōn mikadik inkhat reng sik a kakadeina sik pha kha kahong jo. Khava reng khan ram pumpui chunga kasing tak a akaṭha leh akadik vânga vai arôn sik kae.

JEREMIAH 31:1

Rōngpu’n ahri, “Israel phung rakip hei Pathen kha kachangna sik, khana anmani kami anchangna sik pha kha hong katlung jo.

EZEKIEL 34:16

“A’nhmanghei kha kajongsōt sik hei, akalôn lele hei kha kaheiṭhōi male sik hei, an-intônbi hei kha kakatōm pek sik hei, akanahei kha kaman dam sik hei; tâk-kha khava akathai leh ratha kaneihei kha kamanhmang sik hei, ajârchu kei akadik katlo kemōng kakhem eng kae.

HOSEA 11:8

“Israel, ke’n heikhong mo kamasōtor sik che? Heikhong mo ke’n kadahlon tor sik che? Ke’n Adma kasuk manhmang kapōa, nang kasuk manhmang tor sik che mo, achangmak leh Zeboiim kapōa nachunga katlo tor sik mo? Kamalung in kha amantlo mak ning! Kalungsetna che kha kangar hêra kae.

HOSEA 2:14

Khava jâra ke’n ama nêrdiram a kaṭhōi nôk sik kae; khana khan lungsetna ṭong vânga kamanhnōm nôk sik.

HOSEA 2:9

Khava jâra salōk pha kei kutchoi sâng, vomhrui ju khana shahmepōn leh hruipōn innem a’nsi sik a kaleipek hei kha kakasut male sik jo hei.

AMOS 5:15

Akaṭhamak kha mater ruh, akadik kha madu ruh, khana ṭong tanna hmun a akadik manleng ruh. Kha achang inchu tûn katlunga kahringa dahlon jât-hei chunga Rōngpu’n lungset a alarônthei heia kae.

MICAH 4:4

Mi rakip ama ama vomhrui thei rahōn leh theichang kunghei kâra kamōnga ka-om sik hei khana ama kha tûte’n maṭhitna pek mak hei ning. Chunghnung Rōngpu’n hivahi atep jo kae.

MICAH 4:7

Anmani anke katlek a ram kahlatak a ka-om jo hei, tâk dahlona ka-om hei kha leh hringkhōther manphutna kanei sik, khana anmani jât kalentak hongkachang sik hei. Zion Tlâng chunga ke’n anmani khava pha khana inphut ahei tik a sik vai karôn sik.”

MICAH 5:7

Alakahring seng Israel mihei kha Rōngpu’n jât rakip sik a ajōngtir hlimsengna radaitui kapō kha ka-ang sik hei, phidông kakek chunga khō rahme kasûr kapō kae sik. Khahei kha mihring chunga changloa, Pathen chunga a’nngai sik hei kae.

MICAH 5:8

Jât-hei kâra dahlona aka-om hei kha ratu shunga a-emak leh ramhânga sâk kajong shabakkai kapō hei kha kae: kemōng rup kâra kahlut a anmani asur heia, ahar-ahak a akapirtan sik hei, inhukna sik a inhōrna om mak a kae.

MICAH 6:14

Nangni’n nansâk sik, tâk khoptor mak tin, kadiktak a chu nanvon kaṭâm ṭhak sik. Nangni’n ṭōn nantlosōt sik, tâk khahei kha damanbuk tor mak tin chei; nangni’n nantabuk hei kha ke’n rea kamanhmang sik hei.

MICAH 7:13

Tâk-kha raleichunga aka-om hei malung ṭhatmak jâra, ralei hi nêrdiram hongkachang sik jo.

ZECHARIAH 10:6

“Ke’n Judah mihei kamanhrat sik hei; ke’n Israel mihei kahuksōt sik hei. Ke’n anchunga lungsetna kanei sik hei, ankhenga innting kaheiṭhōi male sik hei. Anmani kha ke’n kahlonsōt hêrmak hei kapōa ka-om sik hei. Kei anmani Pathen Rōngpu eng kha kae. Anmani derna kamasôn pek sik jo hei.

MATTHEW 1:21

Amanu’n sapa inkhat anei sik, arahming Jesu napho sik kae, ajârchu amihei ansetna inphut ama’n ahuksōt sik hei,” ati.

MATTHEW 12:50

Tu achang inum marvâna ka-Pa lungdo katlo kha kasōpuipa, kasōpuinu leh kanuhei kae,” ati.

MATTHEW 25:40

Rengpa khan amasôn sik hei, ‘Kadiktak a kahri pek chei kae, hiva ka-innshung mihei kâra akasin pena a’ntei inkhat hneng nanta leitlo kha, kei hneng nantatlo kae!’

ROMANHEI 8:29

Sapa kha sōpui katamtak kâra upapen achangna sik, Pathen talei kadeisōtsa hei kha Sapa kapōa anhong changna sik, ahlop a aṭhensōt heia kae.