MICAH 4:3 - LEKHARABU INTHENG (BSI)

³ Ama’n hmun akahla leh akahnaia ratha kaneihei kâra innâk-insena ṭong atanpek sik hei. Anchemjâm hei lângkôn lôngkhuma ankheng sik ankasei hei theikung bâk manhlingna chemcha a ankheng sik hei. Jât he’n rea sehêr mak hei ning, re tlona sik intluk hêrmak jo hei ning.

MICAH 4:3 ပူးပေါင်းရင်းမြစ်များ

HLAHEI 46:10

Ama’n ati, “Retlo bâng ruh. Kei Pathen eng kae ti hi manhret ruh, jât-hei kâra torna kaneipen leh vânhnōia torna kaneipen eng kha kae.”

HLAHEI 46:9

Ama’n raleichung rakip a re kha amanbâng; Sai asuk mathlek hei, kasei asuk manhmang hei, khana pho kha hmeia aro hei.

HLAHEI 72:3

Ram shunga nei leh hao pung rasoh; akadik kha leng rasoh.

HLAHEI 72:7

Ahringkhō shunga dikna kha khang ṭhak rasoh, khana thla’n avârlai seng nei leh hao pung rasoh.

HLAHEI 82:8

Eh Pathen, jōng roh vânhnōi hi vai rôn roh; jât rakip hei hi natahei kae.

HLAHEI 96:13

raleichung vai karôn sik a Rōngpu kha ajōng pha. Ama’n raleichunga amihei kha kadik leh kaṭhatak a vai arôn sik jo hei.

HLAHEI 98:9

ajârchu ama kha raleichung vai karôn sik a kajōng! Ama’n ralei mi rakip chunga akadik leh akaṭha vâng vai arôn sik.

ISAIAH 2:4

Ama’n jât kalenhei kâra innâkna ṭong atanpek sik hei. Anmani’n anchemjâm hei kha lôngkhuma ankheng sik hei khan chu ankasei hei kha thing bâk thlâkna chemcha a ankheng sik hei. Jât-hei kha re katuk se nôk hêrmak jo hei ning, re tlona sik a intluk hêrmak jo hei ning.

ISAIAH 25:3

Ratha kahrattak jât-hei khan nang anmanpâk sik che; Mi kakhôk êngkase jât he’n khōpuia nang anṭit sik che.

ISAIAH 51:5

Kei inranga kajōng sik eng khana kahuk sik hei; kei retorna sik pha kahnai jo. Kei khet in jât-hei chunga vai karôn sik. Ram kahla mihe’n kei jōng sik kha anhngâk eng; anmani’n ankahuksōt sik a inhōrtak a anhngâk eng.

ISAIAH 60:12

Tâk-kha nang inzenmak jât-hei khachu Suk manhmang cher sik hei kae.

ISAIAH 65:25

Kahne leh kemōng he’n thlai ansâksap sik; shabakkai in sehrat kapōa sapôt asâk sik, khana mari he’n mi kasukset changmak jo hei ning. Katlâng intheng Zion chunga khan inhmangna leh akaṭhamak om mak jo ning.”

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

HOSEA 2:18

Khava pha kamihei suksetna annei makna sik a, ke’n ramsha leh va rakip kha ṭong intepna inkhat kaneipui sik hei. Khan nôk chu re hmangchâk rakip, chemjâm, the leh sai ram a inphut kalosōt sik, khana kamihei kha malung kamōnga kahōia ka-om sik jo hei.

HOSEA 2:20

Kaṭong tepna kajui sik, kata kamanchang sik che, nang in Rōngpu tia nahnōm sik eng.

JOEL 3:2

Jât rakip kamantûp sik hei Ṭong tanna Phaichama kaheiṭhōi sik hei. Kamihei chunga anleitlona rakip jâra khana khan anṭong katan sik. Anmani’n Israelhei kha mihlop-hei ram a anchai kathek hei, khana, Israel karam kha insemṭhen heia kae.

MICAH 5:15

Khana kahnuknat lôtna, kaṭong kajuimak jât rakip chunga phu kahlō sik hei.”

ZECHARIAH 14:3

Khava sōa Rōngpu kasesōt sik a kha tenlaia aretuk kapōa, khava jât-hei chunga re atuk sik jo.

ZECHARIAH 8:20

Chunghnung Rōngpu’n ati, “Khōpui katamtak a inphut mihei Jerusalema anhongna sik pha kha kahong jo.

ZECHARIAH 9:10

Rōngpu’n ahri, “Israel heia inphut re shakor gâri kha kalosōt sik jo khana Jerusalema inphut Shakor kalosōt sik jo; re tlona saihei kasuk manhmang sik jo. Narengpa khan jât-hei kâra intōk inchamna ajōng rôn sik jo; ama’n tuipui inkhat a inphut inkhat a vai arôn sik, Ephrath tuidunga inphut raleichung inchaina katlung.”

ṬŌNTLOHEI 17:31

Ajârchu akadeisōt mi inkhatpa jâra vânhnōi pumpui hi akadik a ṭong atanna sik kanikhō kha atep jo. Amapa kha thina inphut akei mathōi jo jâra khan hivahi mi rakip hneng malâr manchênna anei jo!”

ṬONGPHÔNG 19:11

Khava sōa marvân inhlânga, shakor kabang inkhat aka-om ke’n kahmu. Achunga kachōngpa kha Akadik leh Taksenthei inti; Ama’n akadik vâng ṭong atana, are kha atuk a kae.

SAMUEL INKHATNA 2:10

Rōngpu kadōihei kha suk manhmang kachang sik hei; marvâna inphut anmani kadôia khōjang jōng kapōk sik. Rōngpu’n vânhnōi pumpui ṭong atan sik, arengpa kha ratha apek sik, areng kadei kha torna amannei sik.”