MICAH 4:1 - LEKHARABU INTHENG (BSI)

¹ Akahong sik kani heia Bek-inn ngirna tlâng kha tlâng rakip kâra a’nshângpen inkhat kachang sik. Jât katamtak hei khana khan hong katlân inhlut sik hei,

MICAH 4:1 ပူးပေါင်းရင်းမြစ်များ

A’NPHUTNA 49:1

Jacob in asahei abek heia anhnenga, “Kakimvea hei intûppet ruh, nanchunga ahong kasōk sik hei kha hripek chei rong:

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

HLAHEI 110:3

Na’nrepuihei leh nan-intuk ning khan, namihei ratha kahroktak a inṭang sik hei. Jîngkâr hmatak a radaitui kapōa naretherhei kha nahnenga, natlâng inthenga khan kahong sik hei.

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 48:1

Ni-Pathen khōpui kalen, atlâng intheng chunga khan, Rōngpu kha kalen khana inshângtak a choi manshâng sik kae.

HLAHEI 86:9

Naleisyem jât rakip hei kha kahong sik hei khana nahnenga hong-inkun sik hei; nalenna kha anchoi ka-ân sik jo.

ISAIAH 27:13

Khava kani ahong tlung pha, Egypt ram a leh Assyria ram a Israel sahei rekahringa antakei hei seng bekmalena sik a Pengkun inkhat intum sik. Anmani kahong sik heia kha, ahmebung intheng Jerusalema Rōngpu kha ankamuk sik.

ISAIAH 43:6

Anmani anhei manhongna sik a ke’n sak intong hneng kahri sik khana kamihei ankhâm makna sik thlâng hnenga kahri sik. Ram kahlatak heia inphut kamihei he’nle hei rasoh, ralei rakir rakip a inphut he’nle hei rasoh.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 54:2

Na-omna pōn-inn manlensa roh; ahrui khitna manseisa roh khana uchup kha manhnet roh!

ISAIAH 56:7

“Ke’n nangni katlâng intheng Ziona kaṭhōi sik chei, kei derna innshunga inpâkna kapek sik chei, khana kamaichâm chunga nan-inthoina tōknahei kha karahlâng sik jo. Kabek-inn hi vânhnōi jât rakip sik a derna inn a’nti sik kae.”

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

JEREMIAH 26:18

“Hezekiah’n Judah reng achanglai, Moresheth a sânkathem Micah’n mipuihei hneng Chunghnung Rōngpu ṭonghri kha aleimanthei hei, ‘Hleipuk kapōa Zion kha ankhōi sik; Jerusalem kha sukset neinâk-hei manbukna hongkachang sik, khana Bek-inn hmebung kha ratu ramhâng hongkachang sik.’

JEREMIAH 3:17

Khava pha kha ahong tlung pha Jerusalem hi ‘Rōngpu len in-ongna’ inti sik, khana jât pumpui in khana khan kei ankamuk sik jo eng. Anmalung kasak leh akaṭhamak in amanse hei kha tlomak jo hei ning.

JEREMIAH 31:12

Anmani kahong sik hei Zion tlâng chunga inpâkna hla ansak sik, kakutchoi pek hei chunga anmani katlâi sik hei sâng, ju, olive thai, kemōnghei leh sehei seng chunga. Anmani tui kaṭhatak a a’nchap rahōn kapō inkhat kachang sik hei; anmani’n antamadu rakip annei sik.

JEREMIAH 48:47

Kha’num akahong sik pha chu Rōngpu’n Moab-hei alamanhao nôk sik hei. Rōngpu tahri rakip hi Moab-hei chunga alakasōk sik kae.

EZEKIEL 38:16

Nang in kami Israelhei kha thlipui in ram chârna ajōngsem kapōa anchunga re natlo sik kae. Apha kha ahong tlung leh, jât he’n kei hi tu eng mo kae tia anmanhretna sik, khana nanga inphut ṭōn katlosōt sik heia inphut hin kei inthengna kha malârsōt theina sik a karam chunga re katlo sik a katir sik che kae.

EZEKIEL 40:2

Hmangtalâra Pathen in Israel ram a aṭhōisōt enga tlâng inshângtak chunga ada eng. Kahmating ke’n inn inshâng ṭhahrep khōpui kapōa kahmu hei.

EZEKIEL 43:12

Hivahi Bek-inn sedân kae ti chu: tlâng bilik a akimve ram seng kha akaṭha leh a’ntheng kae.”

DANIEL 10:14

Namihei chunga hnunga heimo ahong kasōk sik kha manthei che rong tia akahong eng kae. Hivahi hnunga ahong kasōk sik hmangtalâr kha kae.”

DANIEL 2:28

Tâk a’n-ip kaphôngsōt tor marvân Pathen inkhat ka-om. Ama’n Reng Kalûr nahnenga hnunga ahong kasōk sik kha ahri pek che kae. Tûn narahmang kha hripek che rong, khava najelaia rahmang kha.

DANIEL 2:35

Khava phatak a thir, matlak, sum-êng, dangka khana sanahei kha kakōi heia khōlum pha saphōra akajōngsōt vuibō ka-ang jo heia kae. Khahei kha thli’n asêmsō jo hei, inkhatbek inhmu phâkmak jo hei. Tâk-kha hlung khachu tlângbung inkhat hong kachanga ralei pumpui ahongmakhu jo.

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

DANIEL 7:18

Khana Chunghnung Pathen sahe’n reng ratha neina kha anchen sik khana ahei tik a anta kachang sik.”

DANIEL 7:22

Khava pha ahei tik a akahring ṭhak inkhat kha kajōnga Chunghnung Pathen sahei sik a ṭong aleitan. “Pathen sahe’n reng ratha neina anchenna sik pha kha hong katlung jo.

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

HOSEA 3:5

Tâk-kha Israel mihe’n Rōngpu an-Pathen hneng, anrengpa David sōn hnenga avea anhei inhena pha kha anlanei sik. Khava pha Rōngpu kha anṭit sik jo,

MICAH 3:12

Khava jâra, nangnihei jâra, Zion hi hlei kapōa khōi sik kae. Jerusalem kha inram kapōa akatlek akakōi rōk in inbuk sik khana Bek-inn tlâng kha ratu ramhâng hongkachang sik jo.

ZECHARIAH 14:10

Sak tinga Geba inphut thlang tinga Rimmon katlung bit a, ramkei akhenga phaichama syem sik kae. Akimvea ka-om ramhei kanek a Jerusalem inn inshângpen sik; khōpui hin Benjamin Kekot a inphut hmalaia kekot leiomna Arakir Kekot kha aphâk sik, khana Hananel Ber a inphut reng innshunghei theitui epna hmun katlung kachang sik.

ZECHARIAH 2:11

Khava pha khan Rōngpu ângshunga jât katamtak hongkahlut sik jo hei khana ami hongkachang sik jo hei. Ama kha nankâra ka-om sik jo, khana ama’n kei hi nanhnenga ajōngtir eng kae tia nanmanhret sik jo.

ZECHARIAH 8:3

Kakhōpui intheng, Jerusalema kei inle sik eng, khana khan ka-om sik eng. Hivahi taksenthei khōpui, Akahratpen Rōngpu hmebung, khana hmebung intheng tia inhret sik.

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

ṬŌNTLOHEI 2:17

‘Kani hnung intonga katlo sik kha hivahi kae, Pathen in ati: Mi rakip chunga Karathla kajōng bun mathlâk sik. Nansanu leh nansapa he’n kaṭong anphông sik; Nankhangdông he’n hmangtalâr anhmu sik, khana nan-upahe’n rahmanghei annei sik.

HEBREWHEI 1:2

tâk a’nchaina pha hinchu asapa vâng eini a’nbekpui jo me. Pathen in vânhnōi ralei asyem hi ama vânga kae, Pathen in achaina neinâk rakip akapu sik a akadei hi ama hi kae.

PETER INHNINA 3:3

Ahma inkeipena, kani hnung intongting mi ṭhahrep, anbing tamadu leh tarangei in athlim hei ho’nlâr sik hi nantamanhret sik kae. Anmani’n sem antlo sik chei

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 15:4

Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.