MICAH 3:8 - LEKHARABU INTHENG (BSI)

⁸ Tâk-kha kei sik a chu, Rōngpu’n arathla leh aratha neina kha amansip enga Israelhei setnahei manthei torna sik a akadik leh rathahrat kha apek eng.

MICAH 3:8 ပူးပေါင်းရင်းမြစ်များ

JOB LEKHARABU 32:18

Ṭong hrina sik a kahngâk hla jo. Ṭonghri loa om tor mak jo eng.

ISAIAH 58:1

Rōngpu’n ati, “Nator chenna ông roh; kami Israelhei kha ansetna chungchânga manthei hei roh.

ISAIAH 61:1

Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.

ISAIAH 61:2

Rōngpu’n amihei ahukna sik Khana An-inrepuihei antorna sik Apha kha hong katlung jo tia kaphôngle sik a ama’n kei atir eng Ama’n kei malung inrima ṭajai kasui hei lungmōng kathlâk sik a atir eng.

JEREMIAH 1:18

Rangei roh, Jeremiah! Hiva ram shunga mi rakip-Juda renghei, ṭōnkarônhei, thempuhei khana mipuihei seng in nang antadōi sik che kae. Tâk-kha tuning ke’n nang anmani inhngetpui torna sik a ratha kapek jo che; kurpui kahnettak, thir chopui, sum-êng bangrape khōpui inkhat kapō kachang sik che. Anmani’n nang tor mak hei tin; ajârchu nakahrung sik a ka-ompui sik che. Rōngpu ke’n kahri jo kae.”

JEREMIAH 20:9

Tâk-kha ke’n hinga, “Rōngpu hi kamahngi sik jo arahminga ṭong hri nôk mak jo ning,” kati pha, naṭong hin kashunga hmei kapōa inhnak a akâng ri eng. Torchena sip katia dena sik katlo, tâk-kha akasôt detor mak eng.

JEREMIAH 6:11

Anmani chunga nahnuk natna khan ke’m atôn eng, Rōngpu, ke’n, khavakha detor mak eng.” Khava sōa Rōngpu’n kahnenga ahri, “Hlampuia naipanghei leh rether intûp hei chunga kahnuknat kha sun mathla roh. Sanghram hei, annuhmei leh anpuisehei kha ṭhōisōt sik hei kae, akaterber hei kapha’m ṭhōisōt sik jo hei kae.

ṬAJAISUINA 2:14

Nasânkathem he’n, mihōnna tei loa hri sik neimak hei: Anṭong hrilena nasetna malârhêr loa anhōn jo che. Malung thleng sik rangei mak tia mandonna anpek che.

EZEKIEL 16:2

Ama’n ati, “Akathithei mihring, Jerusalem hneng heituk a mater ka-om omchen mo atlo kha hripek roh.

EZEKIEL 20:4

“Akathithei mihring, nang in anmani chunga ṭong tanna sik a’ntluk che mo? Khan chu khanga tlo jo roh. Anpu anpa he’n mater ka-om ṭōnse antatlo hei kha anmandonsōtna sik tlo roh.

EZEKIEL 22:2

Ama’n ati, “Akathithei mihring, mikathat-hei sipna khōpui kha ṭong tan sik a a’ntluk che mo? Amanu ṭōntlo mater ka-om rakip kha hrimanchên pek roh.

EZEKIEL 23:36

Rōngpu’n kahnenga ṭong ahri, “Akathithei mihring, Ohola leh Oholiba chunga ṭong tanna sik a’ntluk che mo? Anmani’n mater ka-om omchen antlo jâra dem hei roh.

EZEKIEL 3:14

Rōngpu rathla kha kachunga ratha kaneitak a jōng kachōng, khana ama rathla khan aṭhōisōt jo eng pha, hōimo kathei hêra kahnuk leikana.

EZEKIEL 43:10

Khana Rōngpu’n amanjōm a, “Akathithei mihring, Israel mipuihei hneng Bek-inn chungchânga hripek hei roh, hiva mantlukna chunga mandon hei rasoh. Anmani set tlona chunga inzakna pek hei roh.

MATTHEW 7:29

Ama chu Dân ojahei kapōa leichang mak; khava kanek a ratha kaneitak a aleimanthei hei.

MARK 3:17

Zebedi sahei, James leh anaipa John (Jesu’n ‘Boanerge,’ tia aphō hei ti chu “Khō inphe Mihei” tina kae);

CORINTHIANHEI INKHATNA 2:4

Kami manthei leh kaṭong hri kha mihring singna inphut ṭonghri themna vâng leichang mak, tâk Pathen Ratha hratna manchênna vâng kaleihri kae.