MICAH 3:5 - LEKHARABU INTHENG (BSI)

⁵ Sêr kapek hei hneng mōngna ka-om sik antia inhâksêr hei, akapek mak hei hnenga re kahong sik tia maṭhitna annei heia kamipuihei kha sânkathem he’n anhōn heia kae. Khava kapō sânkathemhei hneng Rōngpu’n ati,

MICAH 3:5 ပူးပေါင်းရင်းမြစ်များ

ṬONGCHÎK-HEI 28:21

Mi kahnōise hi dikmak. Tâk-kha ṭongkatan ṭhahrep chu akasinpen marûk sêr lona sik a akadik mak kha antlo sik.

ISAIAH 3:12

Sêrpûk kasem he’n kamihei ansuk manrim hei, ansêr inpûk hei kha’n anhōn heia kae. Kamihei nanhlam kakei he’n hlamlea anṭhōi chei, khava jâra khonting mo ahe’nle sik chei ti, manhret mak jo chei.

JEREMIAH 23:27

Anpa he’n kei anmahngi enga, Baal kahnung antajui kapōa khan, anmani’n anrahmang antahri pek hei vânga khan kami he’n kei anmahngi tor sik eng tia anmandona kae.

JEREMIAH 23:32

Rōngpu kei ṭonghri hi rangei ruh! Rahmang kanei sânkathemhei, maleisei kasiptak kahri hei kha ke’n kadōihei. Anmani’n khava anrahmang kha anhria, maleisei leh inlensak pum a, kamihei hlamlea anṭhōi manhmak hei. Anmani ke’n tir mak hei eng khana ansena sik a ṭong pek mak hei eng, anmani mipui sik a hnemna kase hei kae. Rōngpu ke’n kahri jo kae.”

JEREMIAH 6:14

Anmani’n kamihei sungbi rôn kha vun karit mankhok hrep a anlopek hei. Anmani’n heite inkhatbek aṭhatmak jo pha kha’num, “Kaṭha jo,” anti ri.

JEREMIAH 6:4

Anmani’n anhri sik, “Jerusalem buhluna sik intluk jo ruh. Intluk ruh! Eini’n sûnṭima nibuhlu sik kae!” anti. Tâk-kha anmani’n anhri, “Tûn hi kasôt rei jo, sûn pha um kathlengvet jo, khōhlei inthimna kha kasôt hlok jo.

ṬAJAISUINA 2:14

Nasânkathem he’n, mihōnna tei loa hri sik neimak hei: Anṭong hrilena nasetna malârhêr loa anhōn jo che. Malung thleng sik rangei mak tia mandonna anpek che.

EZEKIEL 13:9

Hmangtalâr kadikmak leh hlamlea ṭhōi theina hnungṭong kahri sânkathem nangni ke’n karâkna kapek sik chei. Kami he’n inbektōna annei pha nangni chu khan leiom mak tin; Israelhei ram mi changna lekharabu shunga nanrahming inveisa mak ning; nangni nanrama inle hêrmak tin. Khan chu nangni’n kei hi Chunghnung Rōngpu eng kae tia nanhong manhret sik eng.

HOSEA 4:5

Sûn leh jân akae makjen nantloṭhak, khana sânkathemhei khan nangni kanek a akaṭha tlodek mak hei. Ke’n nannu Israel kha kasuk manhmang sik.

JOEL 3:9

“Hiva ṭong hi jât-hei hneng phôngsōt ruh: ti chu ‘Re tlona sik intluk ruh; nanre kahrânghei bek hei ruh; nanremi seng mantûp una injôk jo ruh!

MICAH 2:11

“Hiva mihei hin maleisei leh hōnna kasip sânkathem khana, ‘Nangni sik a ju leh theitui kalōng sik’ tia kasânsōt hei kha anmadua kae.’

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

MALACHI 2:8

“Tâk-kha tûnchu thempu nangni he’n akadik hlam a inphut inhesōt jo chei. Nanṭong mantheina khan mi katamtak akaletting aṭhōisōt jo hei, nangni leh ni’ntepna ṭong nanmakhōi jo.

MATTHEW 15:14

Anmani chunga nanmalung manrim mak ruh! Anmani hmitkachohei hi hmitkachohei hlamkakeihei kae; hmitkacho inkhat in hmitkacho inkhat hlam akei inchu, an-inhnibât a khur kōk a akatla sik hei kae.”

MATTHEW 7:15

“Sânkathem inhlem heia inphut insing thei ruh; avâng pônga chu kemōng kapōa nanhnenga kahong hei, tâk ashungting chu ram thōia kahne kapōtak hei kae.

ROMANHEI 16:18

Ajârchu khanga akatlo mihei khan ni-Rōngpu Christa ṭōn kha tlomak hei; tâk anbing von khopna sik antatlo kae. Anṭong hri manhōi leh anbei them jâra ṭhenakasehei kha anhōn mathlâk heia kae.