MICAH 3:2 - LEKHARABU INTHENG (BSI)

² tâk nangni’n akaṭha kha nanhōt a akaṭhamak kha nanmadu. Kamihei anhring pum a anvun nanmahlip hei khana anrua inphut anravōi nankhoksōt a kae.

MICAH 3:2 ပူးပေါင်းရင်းမြစ်များ

RENGHEI INKHATNA 21:20

Ahab in Elijah ahmu pha ati, “Ka’nrepui, nang kahnenga akajōng nôk che mo?” Elijah’n amasôn, “Ôk, kei kahong eng, nang in Rōngpu hmit-enna akadik mak ṭōn tlona sik a nabinga pui katluk a inpek sōt jo che.

THUHMINGHEI INHNINA 19:2

Hanani sapa Jehu sânkathem in reng inhmupuia kasea ahnenga ati, “Mikaṭhamak inkhat inthōpui leh Rōngpu kahōt inkhat op a michang tlona hi kadik tia namandon mo? Nang ṭōntlo dungjuia Rōngpu hnuknat kha nachunga jōng katlung jo.

HLAHEI 15:4

Pathen tahlonsōt hei kha anmani’num anteitôm hei tâk Rōngpu ṭong kajuihei khachu ankaja hei. Heituk a’ntak achang inum, anṭong tepna kha ahei tik a antlosōt.

HLAHEI 53:4

Pathen in ader, “Anmani’n manhret mak hei mo? Hiva ṭhatmak katlohei hi heite inhret mak hei mo? Anmani hin kamihei anchom heia hringna annei, khana kahnenga adertet mak hei.” ati.

ṬONGCHÎK-HEI 28:4

Dân kha nakaja mak inchu, nang kha akaṭhamak-hei langa kakop jo che; tâk najui inchu, mikaṭhamak-hei kahnōm mak che kae.

ISAIAH 3:15

Nangni’n kamihei suk kahrot sik leh sara heia inphut hnemna jongna sik ratha neimak chei. Kei Ratha kaneipen, Chunghnung Rōngpu’n kahri kae.”

ISAIAH 5:20

Nangni inhmang jo chei! Nangni’n akaṭha kha ṭhamak, khana akaṭhamak kha kaṭha nanti. A’nthim kha akavâr, akavâr kha a’nthim nanmanchang. Nangni’n, akakha kha akathlum, akathlum kha akakha nanmanchang.

ISAIAH 57:12

Nangni’n naṭōntlo kha kadik tia nanmandon tâk-kha ke’n nan-omchen kha kamalâr sik, khana nansyemlim hei khan huk tor mak chei ning.

EZEKIEL 11:7

“Khava jâra Chunghnung Rōngpu ke’n hing’hin nanhnenga kahri kae. Hiva khōpui hi ansōngna khângbe kae, tâk-kha ahme kha heimo? Nangni tathat mi kalōnghei kha kae! Nangni hin om mak tin chei, khōpuia inphut kahlonsōt sik chei kae.

EZEKIEL 22:27

Ram vaikarônhei kha kahne’n anshathat antakeihler kapō hei kae. Mikahao changna sik a anmani’n mi anthat a kae.

EZEKIEL 24:4

Akaṭhapen hmeravōi kha thlâk ruh– Arakō leh adâr hei kha, kadeisōt aru he’m thlâk ruh.

EZEKIEL 34:3

Nangni’n kemōng ne chu nan-in, shahmepōn nansi, akathaipen kemōng nanthat a nansâk. Tâk-kha kemōng chu khem hêr mak chei.

AMOS 4:1

Samaria nupuihei, Bashana kaṭhadek a antavei sehrat pui kapōa akathai hei, akatlasam êngset a akatlohei, sara kasuk inrim hei, anpuise he’n ju anta heichoi pek sik a akahngâk-hei, hiva ṭong hi rangei ruh!”

AMOS 5:15

Akaṭhamak kha mater ruh, akadik kha madu ruh, khana ṭong tanna hmun a akadik manleng ruh. Kha achang inchu tûn katlunga kahringa dahlon jât-hei chunga Rōngpu’n lungset a alarônthei heia kae.

MICAH 2:8

Rōngpu’n amasôn, “Nankadōihei chunga nantatlo kapōa kamihei nanbuhlu hei. Inna inhukna kanchen sik tia a’ndon mihe’n rehmun a inphut hong inle hei, tâk nangni khana khan anzakkō kasut sik a nanhlō heia kae.

MICAH 7:2

Hiva ram a hin malung intheng om mak jo, Pathen ṭong kajui inkhatbek um om mak. Mi rakip in mi thatna sik a pha kaṭha anhngak a kae. Mi rakip in anram mi anhnong heia kae.

MICAH 7:3

Anmani ankhenga ṭhatmak tlona kathemhei. Vaikarôn leh ṭongkatan he’n sêrmarûk sâk sik ander. Aṭong kase, ratha kanei mi khan amanthei heia, anmani inchun heia ṭōn anmantluk a kae.

ZEPHANIAH 3:3

Aṭōnpui karônhei kha shabakkai inhrung kapō hei kae; aṭong katanhei kha jîngkâr katlunga sharu dahlon hnōmlo kahne kalôp hei kapō kae.

LUKE 19:14

Tûnchu, ama mikhet he’n anleihōt jo, khava jâra reng hmun kapek sikpa hneng tirle antira, ‘Ama kanreng kachang sik a madu mak ung’ anva manti jo.

JOHN 18:40

Anmani ka-ông heia, “Changmak, ama changmak! Barabbas jôk kanmadu!” tia anmasôn. (Barabbas hi inru mikachom inkhat kae.)

JOHN 7:7

Vânhnōi in nangni chu hōtmak hei chei, tâk kei chu anṭōnhlam kadikmak karakôk hei jâra anhōt eng.

ROMANHEI 1:32

Hinghiva omchen katlo mihei khachu anthi sik rahōi kasōk tia Pathen Dân tahri kha anmani’n amanhret. Achang ravâng anmani’n khava omchen kha antatlo manjōm rōk changloa khava omchen katlo milak-hei kha’m an-inteipui heia kae.

ROMANHEI 12:9

Lungsetna kha pui katluk a malung intheng chang rasoh. Akadik mak mater ruh, akaṭha kha matutlit ruh.

TIMOTHY INHNINA 3:3

lum lona kaneimak, lungsetna kase, mi kateitôm, innâk-inse katlo, khana mi kakhôk kachang sik hei; akaṭha kha anhōt sik;