MICAH 3:12 - LEKHARABU INTHENG (BSI)

¹² Khava jâra, nangnihei jâra, Zion hi hlei kapōa khōi sik kae. Jerusalem kha inram kapōa akatlek akakōi rōk in inbuk sik khana Bek-inn tlâng kha ratu ramhâng hongkachang sik jo.

MICAH 3:12 ပူးပေါင်းရင်းမြစ်များ

HLAHEI 107:34

Khava hmun a ka-om mihei kha anṭhatmak jâra anram ralei thai omna kha chi ramthōi amanchang pek hei.

HLAHEI 79:1

Eh Pathen, jât-hlop he’n naram re anhongsō jo, nabek-inn intheng kha anmanbōk jo, Jerusalem kha anmanset chera andahlon jo.

ISAIAH 32:14

Reng-innpui kapha dahlon sik kae khana khōpui kalûrhei dahlonpet sik jo hei kae. Innhei leh rekur ber antahngâk hei kha’n ahei tik a sik a manset kachang sik jo. Khana ram shakōrtung hei lônna leh kemōnghei phi sâkna hmun kachang sik jo.

JEREMIAH 17:3

khana ramhânga hmebung heia khan nami he’n ankamuk a kae. Nanram pumpuia nangni’n setna khaseng nantlo jâra khan ke’n nan-inrepuihei kha nannei leh nankarōi rakip kamanlosō sik jo hei.

JEREMIAH 22:5

Tâk-kha kaṭong pek nanjuimak inchu, ke’n nanhnenga a’ntep eng kae, hiva reng-innpui hi akatlu inhmang sik kae. Rōngpu ke’n kahri jo.

JEREMIAH 22:6

“Kei hnenga chu Judah reng-innpui hi Gilead kapōhrep a khana Lebanon tlânghei kapōhrep a akaṭha kae, tâk hiva hmun hi akarōksai, tûte omakna kamanchang sik kae.

JEREMIAH 26:18

“Hezekiah’n Judah reng achanglai, Moresheth a sânkathem Micah’n mipuihei hneng Chunghnung Rōngpu ṭonghri kha aleimanthei hei, ‘Hleipuk kapōa Zion kha ankhōi sik; Jerusalem kha sukset neinâk-hei manbukna hongkachang sik, khana Bek-inn hmebung kha ratu ramhâng hongkachang sik.’

JEREMIAH 35:17

Khava jâra tûnchu, Chunghnung Rōngpu, Israel Pathen ke’n, Judah leh Jerusalem mipuihei chunga ṭongtepna kaneidek jo inhmangna kha kahong masō sik jo kae. Hivahi kamasō sik kae ajârchu, ṭong kahri pha rangei mak chei, khana kabek chei pha amasôn mak cheia kae.”

JEREMIAH 44:2

Chunghnung Rōngpu Israel Pathen in ahri, “Jerusalem leh Judah khōpui ralak-hei seng chunga suksetna kajōng mathlung kha nangni khet in nanhmu jo. Tûn katlunga’m inhmanga laka-om hei, tûte la-omna mak hei

JEREMIAH 52:13

Ama’n Bek-inn, reng-innpui, Jerusalema ṭōnpui karônhei inn aro mathlâk jo hei;

JEREMIAH 9:10

Ke’n kati, “Tlânghei sik a ralûm dena kanei sik ramhâng hei sik a kaṭap sik eng, ajârchu khahei kha kachârsō jo hei, khana tûte’m khana khan sele mak jo hei. Ranhring rasa intheimak jo, vahei leh ranhringhei katlânsō jo hei.”

JEREMIAH 9:11

Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

ṬAJAISUINA 5:18

ajârchu Zion Tlâng abinga dahlona ka-om jo ram a ka-om ram-ui he’n khava suksetna kâra khan kalôn lele hei.

MICAH 1:6

Khava jâra Rōngpu’n ati, “Ke’n Samaria hi ramhânga sukset manbuk kamanchang sik, vomhrui theikung lingna kamanchang sik. Khōpuia hlunghar hei kha phaichamting kaheihlon sik, khana khōpui innhmun kha akarōksaia ka-om sik jo.

MATTHEW 24:2

Ama’n ati, “Kadik, nangni’n hihei seng hi kaṭha a nanhmu sik hei. Hivahi kahri pek chei kae: hinna hlunghei hi inkhatbek anhmun et a om mak jo hei ning, inkhat et a hlon mathlak sik hei kae.”