MICAH 2:3 - LEKHARABU INTHENG (BSI)

³ Khava jâra Rōngpu’n ati, “Ke’n nanchunga khōdeng theina masōna sik intluk eng, khana nangni’n khana inphut inphesōt tor mak tin. Nangni khōdeng theina nanhmu sik, khana avea inlensaktak a lôntor mak jo tin.

MICAH 2:3 ပူးပေါင်းရင်းမြစ်များ

ISAIAH 29:20

Hivahi Pathen kahnōise hei leh mikasuk inrim hei inchaina kha kachang sik. Khana mikaset rakip suk manhmang sik hei kae.

ISAIAH 3:16

Rōngpu’n ati, “Enruh, Jerusalem nupuihei heituk-hrep a a’nlensak jo hei mo! Chungting anhnar anmantanga kalôn hei. Ahei tik a mihei keimathlâkna sik a antlo. Inṭhatsak a ke anchoi, ankea paisereng rasa anmasōk a kae.

ISAIAH 5:19

Nangni’n nanti, “Rōngpu’n atlo sik a ahri kha, nihmuna sik a, inranga tlo jo rasoh. Israelhei Pathen intheng khan aṭōn mantluk kha rôn sōt jo rasoh; ama lungria amandon kha eini’n en jo rih.”

JEREMIAH 18:11

Khava jâra tûnchu, Judah mihei leh Jerusalema ka-om mihei hneng anmani dōina sik a khana karâkna sik a intlukdek jo eng tia hripek hei roh. Anmani anset tlona kha anbângna sik, an-omchen leh anṭōn tlohei kha anthlengna sik a manthei hei roh.

JEREMIAH 27:12

Hivatak hi Judah rengpa Zedekiah hnenga kavahri, “Babylon rengpa hneng hlut roh. Ama leh amihei kha ansepa tlo roh, khan chu nang kahring sik che.

JEREMIAH 34:17

Khava jâra tûnchu, Rōngpu ke’n kaṭong juimak chei kati kae; nansōpui Israelhei kha ning leh hnōmpek mak hei chei. Khan chu kaṭha hêr jo, ke’n nangni ning leh hnōmpek jo chei rong: re shunga, hrisea khana vonṭâma thina sik a ning leh hnōm kha pek jo chei rong. Nanchunga katlo hei hin vânhnōia jât rakip kamanpir sik hei.

JEREMIAH 36:23

Jehudi’n arup 3 4 ateisō lim leh, rengpa khan chemcha kasintek inkhat vânga a-âttan heia hmeishunga ahlon manhlut jo hei. Lekha inze seng kha aro manvâm sō mak hma seng khang’khan aleitlo jo.

JEREMIAH 43:2

Khava sōa Hoshaiah sapa Azariah khana Kahrea sapa Johanan khana alak racham kase mihe’n kahnenga anhri, “Nang namalei kasei. Rōngpu ni-Pathen in keini hnenga Egypt ram a vase makna sik leh va-om makna sik a nang ahei tir mak.

JEREMIAH 8:3

Hiva jât kaṭhamak mi alakahring hei hi, ke’n kakathek manchaina hmun a alaka-om hei hi, kahringa anka-om sik kanek a kathi hnōm chet sik heia kae. Chunghnung Rōngpu ke’n kahri jo kae.”

ṬAJAISUINA 1:14

“Ama’n asetna rakip amazet a ada, khahei kha akhōp manchuna ada; Ama’n karînga khahei kha aman-or eng, khana khava rônkahrik dena khan katlasam jo eng. Rōngpu’n ka’nrepuihei hneng apeksot eng, khana anmani dōina ratha nei hêrmak eng.

ṬAJAISUINA 2:17

Rōngpu’n atlo sik a maṭhitna aleinei kha achaina chu atlosōt jo: Ama’n pha kasôttak gîkna aleipek ung kapōa, lungset inveiloa asuk manhmang jo ung. Ama’n kan-inrepuihei kha torna kha apek jo hei, keini thlûkna khan anmani inpâkna apek jo hei.

ṬAJAISUINA 5:5

Sakōrtung a-emak leh sharîngsei kapōhrep a anhnong unga kachâm hêr ung, kha’num inhngana pha apek mak hei.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

AMOS 2:14

Tlân kahrat he’m inphesōt tor mak hei ning; akahrat pa’m aratha katlasam sik, remi he’m anhringkhō huk tor dekmak hei ning.

AMOS 3:1

Israelhei, Egypt a inphut ama’n aheiṭhōisōt jât-hei, Rōngpu’n nanchungchânga ṭong ahri hi rangei ruh:

AMOS 3:2

“Raleichunga phung rakip kâra kamanhret leh ka-ensui jât kha nangni rōk chei kae. Khava khan nangni setnahei kha ṭit ka-om tak amanchang, khava jâra karâkna kapek sik chei kae.”

AMOS 5:13

Khava jâra, khang khava ṭhatmak pha khan sip tia om sik hi akasing ṭōn kachang jo!

MICAH 2:1

Hmit harpuma akaje khana akaṭhamak ṭōn mantlukna kaneihei sik a heituk a ṭitpek ka-om hei mo! Jîngkâr ahong pha, pha kaṭha anhmutak leh ṭhatmak anmantlukna kha antlosōt a kae.

ROMANHEI 16:4

anmani kei sik a anhringkhō ale’nkhang hei kae. Anchunga inpâk hêr eng, kei rōk changloa Jât-hlop bekrup rakip inum anmanpâk hei.

EPHESIANHEI 5:16

Tûnlai kanikhō hei aṭhatmak jâra, pha kaṭha nantachen rakip kha hmang kaṭha ruh.

DÂNRABU INHNINA 28:48

Khava jâra, nangni kadōia Rōngpu’n ajōngtir sik inrepuihei kha nanrazen sik hei. Vonṭâm tuihre, silo keiloa ka-om sik chei, heirakip nanmadu nanrangei sik. Nan-inhmangsō mak hma seng Rōngpu’n asuk manrim sik chei.

JAMES 2:13

Ajârchu maritna kaneimak mi kha Pathen in aṭong atan pha marit a tlomak ning; tâk maritna khan ṭong tanna kha ator.