MICAH 2:2 - LEKHARABU INTHENG (BSI)

² Anmani’n hlei anmadu pha, khavakha ansur; inn anmadu pha, anlo hei. Tûte inkhat innshung karōi kha hrung theina om mak a kae.

MICAH 2:2 ပူးပေါင်းရင်းမြစ်များ

RENGHEI INKHATNA 21:1

Jezreel a ka-om reng-innpui sira Naboth intipa vomhrui rahōn inkhat anei.

RENGHEI INHNINA 9:26

‘Ke’n jâning khan Naboth leh asahei leithina kha kahmu. Khana kei intep eng khachu hiva hlei mama hin nang karâkna kapek sik che kae,’ aleiti. Khava jâra Joram kalōng hi losōt roh.” Jehu’n a’nthōpuipa kha ṭong apek a, “Rōngpu intepna kha hui atlungna sik a khavakha Naboth hlei laia vahlon jo roh,” ati.

JOB LEKHARABU 31:38

Ke’n katathlō hlei kha akapu heia inphut kakasut hei-achang inchu,

SŌKSŌT 20:17

“Mihlop inkhat innhlō chunga nanthang manset mak ruh, anuhmei, asōk-hei, aranhei, asakōrtung hei, a-emak leh akarōi hei-inkhat chunga madu mak ruh.”

ISAIAH 3:14

Rōngpu’n amihei hlamkakeihei leh an-upahei kha ṭongtan hmun a aṭhōi hei. Ama’n hiva masetna hi anei hei: “Nangni’n vomhrui thei rahōn nanchom, khana misara khōdeng katheihei neinâk nanchoma nan-inna nanbuk mansip.

ISAIAH 5:8

Nangni inhmang jo chei! Nangni’n nanneina chunga inn leh hlei nanrachôksa. Inrangtak a khava khan tûte omna sik hmun neimak hei ning; khava ram a khan nabing rōk a ka-om sik che.

JEREMIAH 22:17

Tâk-kha nang chu nabinga phâmrai setna rōk kha nahmu; ṭhena kaneimak nathat hei khana namihei hnuk kasetak a nasuk manrim hei. Rōngpu’n ahri jo.

EZEKIEL 18:12

Sarahei hneng maleisei ahri, achom hei, sêr kapûk he’n bandhop antada kha aloa kae. Ama Khōvelhei kamukna hmun heia vakase, mater ka-om limhei akamuk hei,

EZEKIEL 22:12

Nanmi ṭhahrep in sêr pek a mikathat ka-om chei. Ṭhahrep in ansōpui Israelhei hnenga sêrpûk masōa sêrthōi kalo khana anmani heia inphut hnemna jonga mikahao ka-om jo chei. Anmani’n kei anmahngi jo eng.” Chunghnung Rōngpu’n ati jo.

EZEKIEL 22:13

“Nangni mikachom hei leh mikathat-hei chunga kakuttum hi kamathlâk sik jo kae.

EZEKIEL 33:26

Nanchemjâm nan-inngampui. Nanṭōn tlo hi mater ka-om chei. Mi rakip kajông chei. Ram hi heikhong inmo nanram manchang sik a nantamandon?

EZEKIEL 45:9

Chunghnung Rōngpu’n ahri, “Nangni Israelhei renghei, pha kasôttak setna nanheitlo jo! Nangni mivōk mithat, mi nantasuk manrim hei kha bâng jo ruh. Akadik leh a’ntheng kha tlo ruh. Nangni’n kamihei anrama inphut nantahnong sōt hêrmak sik hei kae. Chunghnung Rōngpu ke’n hi kahri jo.

EZEKIEL 46:18

Vaikarôn reng khan mipuihei karōi inkhatbek alo mak sik kae. Asahei hnenga apek ram heikhat kha ama ram chen shunga inphut akachang sik, hivahi kamihei ram alopek heia, asuk manrim makna sik heia kae.”

EZEKIEL 8:17

Rōngpu’n kahnenga ati, “Akathithei mihring, khavakha nahmu mo? Hiva Judah mihei hi nang in hina nahmu jo mater ka-om omchenhei hi antloa ram shunga intuk inthatna antamanpung rōk hin tlai tor mak hei. Changmak, anmani hiva Bek-inn shunga kapha lakahong nger sik heia kha khanga anvatlo hi sik a kae, khana kahnuk antamannat chet hi sik kae. Enroh, kei dōina heituk a akaethei chenna inzak antapek jo eng mo!

AMOS 2:7

Anmani’n mi katlasam hei, inthōpuina kaneimak hei, anchōn rachi hei khana sarahei kha hlamdunga inphut ankanok hlon heia kae. Apa leh asapa khan sōk nuhmei inkhat kha rakhum an-inchunpui sap, hiva jâra hin kei rahming intheng kha anmanbōk jo.

AMOS 4:1

Samaria nupuihei, Bashana kaṭhadek a antavei sehrat pui kapōa akathai hei, akatlasam êngset a akatlohei, sara kasuk inrim hei, anpuise he’n ju anta heichoi pek sik a akahngâk-hei, hiva ṭong hi rangei ruh!”

AMOS 8:4

Hivahi rangei ruh, mi kachâm akachōn rachi hei, ram shunga sarahei inhmangna katlohei.

MICAH 3:9

Kaṭong hri rangei ruh, Israel vaikarôn nangni, akadik kahōt hei, akadik kha akadik mak inchang hei.

MICAH 6:12

Mikahao nangni he’n misarahei nanmanbōi heia kae, nangni nankhenga malei kasei chei kae.

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

TIMOTHY INKHATNA 6:10

Sêr madu mankhôk hi ṭhatmak rakip inphutna kung kae. Khava jâra mi ṭhahrep in sêr anmadu manhlei jâra antaksenna inphut hlam invaina anneia inrimna katamtak leh malung kōina anratōa kae.