MICAH 2:12 - LEKHARABU INTHENG (BSI)

¹² “Tâk-kha nangni dahlona ka-om Israel mi seng, ke’n kakhôm manchun hi sik chei. Kemōng in anrōnga anhong inle kapōa ke’n nangni kaheiṭhōi manchun sik chei. Kemōng khemna hmun a kemōng kasip tlit kapōa, nanram hi vōi khat mi kasip tlit sik hei.”

MICAH 2:12 ပူးပေါင်းရင်းမြစ်များ

ISAIAH 11:11

Khava kani ajōng tlung pha, Rōngpu’n aratha hratna ahmang nôk sik, Assyria ram leh Egypt ram a dahlona ka-om amihei seng, khana Pathros, Ethiopia, Elam, Babylon khana Hamath khan chu tuipui panga ram leh tuipui kekhum ramheia amihei seng an-ina aheiṭhōi male nôk sik hei.

ISAIAH 27:12

Khava kani ning khan, Euphrates tuidunga inphut Egypt ramri katlunga, Rōngpu’n amipuihei, inkha-khat a, sarahmu leh sarasi ṭhen kapōa aṭhen mantûp sik hei.

ISAIAH 34:6

Ama chemjâm kha inthoina kemōng leh ketak thisen leh anthai in akatōm kapōa anthisen leh anthai khan akatōm sik, Rōngpu’n hiva inthoina hi Bozrah khōpui shunga atōk sik, khana Edom ram a tha manramna hi amasō sik kae.

ISAIAH 5:17

Khōpui inset hmun a khan kemōngte leh kete he’n phi ansâk sik.

JEREMIAH 23:3

Ke’n kami ralak-hei, kakathek manchaina hei ram a inphut, kabek mantûp sik hei, anmani innrama kaṭhōi male sik hei. Sa katamtak annei sik, kapung sik hei.

JEREMIAH 3:18

Israel in Judah leh inchun sik hei khana sak tinga ka-om ram a rehringa keina inphut kahong sik hei, khana nanpu sōnhei hneng ahei tik a ankarōi sik a kaleipek jo hei ram a khan hong inle sik hei.”

EZEKIEL 34:11

“Kei Chunghnung Rōngpu’n kamanthei chei hi kae, kakemōnghei kha kabinga kajong sik hei khana ka-ensui sik jo hei.

EZEKIEL 34:13

Mihei ram a inphut kaheiṭhōisōt sik hei, kamantûp sik hei, anrama kaheiṭhōi male nôk sik hei. Israel tlânghei leh kavadung heia kaheiṭhōi male sik hei khana ramhânga kavei mankhop sik hei.

EZEKIEL 34:22

Tâk-kha kakemōnghei kha kahuksōt sik hei khana avea êngset a intlo mak jo hei ning. Kakemōng inkha-khat chunga ṭong katan sik khana akaṭha leh akaṭhamak kaṭhensōt sik jo hei.

EZEKIEL 34:31

“Kakemōng nangni, kei takhem kemōng rup nangni, kami chei kae, khana kei nangni Pathen eng kae,” Chunghnung Rōngpu’n ati.

EZEKIEL 36:37

Chunghnung Rōngpu’n ahri, “Israel he’n inthōpuina sik a kahnenga derna vōi khat chu kalamannei sik hei khana kemōng rup-hei kapōa anja kamanpung sik hei.

EZEKIEL 37:21

Khana Chunghnung Rōngpu ke’n Israelhei kha jât rakip kâra anleiomna inphut kalosōt sik hei, kamantûp sik hei khana anrama kaheiṭhōi male sik hei tia anhnenga manthei hei roh.

HOSEA 1:11

Judah mi leh Israel mi lahong inchun sik hei. Anmani’n anhlam kakei sik inkhat anla kadei sik, khana vōi khat anmani’n anram shunga lahong kakhang sik hei khana lakahao sik heia kae. Kadik, Jezreel kani kha kani kalentak lahong kachang sik!

AMOS 1:12

Khava jâra Teman khōpui chunga hmei kamathlâk sik khana Bozrah rekur aro khum sik.”

MICAH 2:13

Pathen in anmani sik hlam amahlâng pek sik hei khana rehring sura an-omna inphut aheiṭhōisōt sik hei. Anmani khōpui kot khâr kha anvōkkhōia kasōksōt sik hei. Anrengpa, Rōngpu khet in aṭhōisōt sik hei.

MICAH 4:8

Khana Jerusalem nang, Pathen in kemōng kakhem inkhat kapōa amihei ahrungna hmun, vōi khat narengram sik a reng-innpui lakachang nôk sik che.

MICAH 5:7

Alakahring seng Israel mihei kha Rōngpu’n jât rakip sik a ajōngtir hlimsengna radaitui kapō kha ka-ang sik hei, phidông kakek chunga khō rahme kasûr kapō kae sik. Khahei kha mihring chunga changloa, Pathen chunga a’nngai sik hei kae.

MICAH 5:8

Jât-hei kâra dahlona aka-om hei kha ratu shunga a-emak leh ramhânga sâk kajong shabakkai kapō hei kha kae: kemōng rup kâra kahlut a anmani asur heia, ahar-ahak a akapirtan sik hei, inhukna sik a inhōrna om mak a kae.

MICAH 7:14

Namihei, nakadeisōt jo hei kemōng kakhempa inkhat kha chang roh, Rōngpu. Ramhânga an-inchai kathek a an-om inum ankimvea ram thai omna, ram kaṭha ka-om hei. Tenlaia kapōa, Bashan leh Gilead phidông kekna ramlena sehei sona invei hei rasoh.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

ZEPHANIAH 3:20

Apha kha kahong jo! Inchai kathek a ka-om nanmihei, inna kaheiṭhōi sik hei. Vânhnōia hin rahming inthang kamanchang sik chei khana nangni vōi khat kaman khang sōt hi sik chei.” Rōngpu’n ati jo.