MICAH 2:11 - LEKHARABU INTHENG (BSI)

¹¹ “Hiva mihei hin maleisei leh hōnna kasip sânkathem khana, ‘Nangni sik a ju leh theitui kalōng sik’ tia kasânsōt hei kha anmadua kae.’

MICAH 2:11 ပူးပေါင်းရင်းမြစ်များ

RENGHEI INKHATNA 13:18

Khana Bethel a sânkathem katerpa khan ahnenga ati, “Kei um nang kapōa sânkathem inkhat eng kae, khana Rōngpu ṭongpek a ngeva inkhat in kahnenga ahri pek eng dungjuia nang hi ka-inna kaṭhōi chea sâk leh in pek sik chea ahei tir eng kae.” Sânkathem katerpa khan maleiseia ahri kae.

RENGHEI INKHATNA 22:6

Hiva Jâra sânkathem 400 kapō hei abek hei, khana ader hei, “Kei akase enga Ramoth kabuhlu sik mo, kabuhlu mak sik mo?” Anmani’n anmasôn, “Buhlu roh. Rōngpu’n torna apek sik che.”

JOB LEKHARABU 31:5

Ke’n akaṭhamak ṭōn tlomak eng tia khana tûte inkhatbek um hōnmak eng tia inhâksêr eng.

ṬONGCHÎK-HEI 25:14

Neinâk apek chu pek hêrlo, kapek sik tia intepna kaneiṭhak mi khachu tui karônmak sumtuk leh thli kapō kae.

ISAIAH 28:7

Sânkathemhei leh thempuhei kapha’m ju inrui heia anhek anhek a kalôn hei. Anmani’n ju an-inreia inhmak heia inpai inthlûk heia kae. Sânkathemhei kha ju inrui rei heia Pathen in hmangtalâr ajōngtir hei kha manhret mak jo hei, thempuhei kha inrui rei heia ṭongtan hi tanthei mak jo hei.

ISAIAH 9:15

Kater leh kaja ka-om mihei kha aluhei kae, khana sânkathem maleisei kahri hei kha arahmei hei kae.

JEREMIAH 14:14

Tâk-kha Rōngpu’n amasôn eng, “Sânkathemhei khan karahminga maleisei antahri kae; ke’n tir mak hei eng, anhnenga ṭongpekna heikhat achangmak leh mi hnenga ṭong inkhat avakahri sik pek mak hei eng. Anmani’n hnunga kasōk sik omchen antahrisōt kha kei hnenga inphut changmak, hmangna kase anmandonna kha antahrisōt kae.

JEREMIAH 23:14

Tâk-kha Jerusalema sânkathem he’n akaset chet antlona kha kahmu jo: kajông heia maleisei ṭong anhri; akadik mak tlona kha tûte inkhat in anbâng makna sik, akadik mak tlona sik a mi an-inthōpui hei. Kei sik a chu anmani seng hi, Sodom leh Gomorrah kapōa ṭhamak hei.

JEREMIAH 23:17

Kei ṭonghri inngei hnōm mak hei khan, heirakip injenpet sik antipek hei. Khana racham kase hei hneng inrengna khan tônhêr mak hei ning tia mi rakip hneng anhri pek hei.”

JEREMIAH 23:25

Khang khava sânkathem he’n anrahmanga sânsōt ṭong ke’n kajōng pek hei tia karahminga maleisei akahri, sânkathemhei ṭonghri hei kha ke’n kamanhret.

JEREMIAH 23:32

Rōngpu kei ṭonghri hi rangei ruh! Rahmang kanei sânkathemhei, maleisei kasiptak kahri hei kha ke’n kadōihei. Anmani’n khava anrahmang kha anhria, maleisei leh inlensak pum a, kamihei hlamlea anṭhōi manhmak hei. Anmani ke’n tir mak hei eng khana ansena sik a ṭong pek mak hei eng, anmani mipui sik a hnemna kase hei kae. Rōngpu ke’n kahri jo kae.”

JEREMIAH 28:15

Khava sōa ke’n Hananiah hneng hivahi kahri pek, kahrisa nôk a, “Rangei roh, Hananiah! Rōngpu’n nang heitir mak che, nang in hiva mihei hi maleisei naman taksen hei kae.

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

ṬAJAISUINA 2:14

Nasânkathem he’n, mihōnna tei loa hri sik neimak hei: Anṭong hrilena nasetna malârhêr loa anhōn jo che. Malung thleng sik rangei mak tia mandonna anpek che.

EZEKIEL 13:22

“Nangni maleisei hrina khan ke’n malung nat kapek hnōm mak hei, mikaṭhahei malung nanmathlâk pek hei. Mikaṭhamak he’n akaṭhamak tlona kha bâng sik leh anhringkhō inhuk sik kha nankhârpek hei.

HOSEA 7:14

Malung inthengtak a kahnenga adermak hei, tâk khōvelhei kapōa, raleia katlu heia ka-ông heia kae. Khana ju leh sâng sik a ander phale’m khōvelhei kapōa antak ankarittana kae. Anmani heikhonga a’nphin hei mo!

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

MICAH 3:5

Sêr kapek hei hneng mōngna ka-om sik antia inhâksêr hei, akapek mak hei hnenga re kahong sik tia maṭhitna annei heia kamipuihei kha sânkathem he’n anhōn heia kae. Khava kapō sânkathemhei hneng Rōngpu’n ati,

ROMANHEI 16:18

Ajârchu khanga akatlo mihei khan ni-Rōngpu Christa ṭōn kha tlomak hei; tâk anbing von khopna sik antatlo kae. Anṭong hri manhōi leh anbei them jâra ṭhenakasehei kha anhōn mathlâk heia kae.

PHILIPPIANHEI 3:19

Anmani hmeikhura a’nchai sik hei kae, ajârchu anmani Pathen chu antaksa tamadu kha kae. An-inzakna sik chunga khan inlensakna jôk annei, khana raleia neinâk-hei chunga rōk anmandon.

JOHN INKHATNA 4:1

Kaṭhōn marit hei, Rathla kachen ung kati rakip taksen mak hei ruh; tâk anmani rathla nei kha Pathena inphut mo enmansin hei ruh. Ajârchu sânkathem kadikmak katamtak hmun rakip a kasesōt jo heia kae.