MICAH 1:8 - LEKHARABU INTHENG (BSI)

⁸ Khava sōa Micah’n ati, “Hiva jâra hin kei malung kanguia ṭajai kasui sik. Kei kake rōksaia khana pōnbōia kalôn sik eng. Ram-ui kapōhrep a inhrâm sik eng khana Valen kapōa kakhōng sik eng.

MICAH 1:8 ပူးပေါင်းရင်းမြစ်များ

RENGHEI INHNINA 18:13

Reng Hezekiah vairôn kum 14 tlukna, Assyria rengkalen Sennacherib in rekur a’ntuk-khum Judah khōpui heia re asōa ahlō jo hei.

ESTHER 4:1

Ṭōn a’ntlo senghei kha Mordecai in amanhret jo pha, athang tômna apōn akeihler jo. Khava sōa borapōn asia alu kha ravut akanoa, khōpui kalen shunga kalôna, inhnaktak a leh inrengtak a,

JOB LEKHARABU 30:29

Ram-ui leh vakalen ostrich hei ka-ông rasa kapōa kakare hi khōdeng theina leh binga kare rasa kha kae.

HLAHEI 102:6

Nêrdiram a va ka-ang jo eng, innram hleirama simbu ka-ang jo eng.

ISAIAH 13:21

Khava hmun kha nêrdiram shahei omna leh simbu vahei rabu chomna kachang sik jo. Valen va ka-om sik hei, khana sharja hei kha suksetna kâra inphut inhrâm sik jo hei.

ISAIAH 13:22

Inn inshâng hei leh reng-innpuihei kha ram-ui leh kahnehei inhrâm rasa jōn’thông sik jo. Babylon pha kha kajōng jo! Amanu kani inchai vet jo.”

ISAIAH 16:9

Tûn kei Jazer sik a kaleiṭapna kapōa Sibma vomhrui sik a kaṭap eng. Heshbon sik a leh Eleale sik jâra kahmit rathli katla, ajârchu mihei inpâkna sik om mak jo ning.

ISAIAH 21:3

Hmangtalâra kahmu leh katheihei seng khan ṭitna, natna amannei eng, khava nat dân khachu nuhmei naiha phut ka-ang.

ISAIAH 22:4

Tûnchu kamipuihei thi jâra malung kana tak a ṭapna sik a kabinga adahlon ruh. Amathlem mak ruh.

ISAIAH 32:11

Kahōitak a, inrengna neiloa ka-om jo chei; tâk tûnchu ṭitpum a innok ruh! Nanpōn sōt una nankhōna pōnse invei ruh.

JEREMIAH 4:19

Lung natna! Lung nat hi kei thōktor mak eng! Kamalung! Kamalung hi invaia tuk-tuk ati jo! Kei sip katia om tor mak jo eng; ke’n pengkun rasa hei leh rekōnna anpeng rasa kathei.

JEREMIAH 9:1

Kalu hi tuikhur aleichanga, kahmit hei hin tuiripût anleichang inchu, kami antatha jo hei sik a, sûn leh jân leikaṭap sik eng.

JEREMIAH 9:10

Ke’n kati, “Tlânghei sik a ralûm dena kanei sik ramhâng hei sik a kaṭap sik eng, ajârchu khahei kha kachârsō jo hei, khana tûte’m khana khan sele mak jo hei. Ranhring rasa intheimak jo, vahei leh ranhringhei katlânsō jo hei.”

JEREMIAH 9:19

Ziona ṭap rasa so rangei roh: “Keini inhmang jo ung! Keini katluk a inzak jo ung! Keini kanram kandahlon sik jo; Kan-innhei insetsō jo hei,” anti.

EZEKIEL 32:18

Ama’n ati, “Akathithei mihring, Egypt a mi rakip sik a ṭajai sui roh. Ratha kanei jât-hei leh inṭhōia kathirama tir jo hei roh.

MICAH 2:4

Khava pha kha ahong pha, mihe’n nangni thuhming kha inrengna tekhing inkhat a anhmang sik, nangni taleithōk chungchânga hiva inrengna hla hi anmani’n anhongsak sik: Keini inhmang cher jo ung! Rōngpu’n kanram alopek jo ung Keini rehringa anikasur hei hneng apek jo ung.”

SAMUEL INKHATNA 19:24

Apōn leh ader alosōt a Samuel hmaikunga kalâma ka-ông joa kae, khava ning sûn nilun leh jânsôt akarōkpet a inthlong jo. (Ṭongchîk, “Saul kapha sânkathem ahong kae jo mo?” tina hi hina a’nphut kae.)