MATTHEW 8:4 - LEKHARABU INTHENG (BSI)

⁴ Jesu’n ama hneng, “Rangei roh! Tûte hneng hrimak roh, tâk thempu hneng intlunhrek a se roh, en che rasoh, khana na’ntheng kha mi rakip hneng a’nchênna sik Moses ṭongpek dungjuia tōkna vanei roh,” ati.

MATTHEW 8:4 ပူးပေါင်းရင်းမြစ်များ

ISAIAH 42:21

Rōngpu kha mi kahuk a ratha kahroktak Pathen inkhat kae. khava jâra adânhei leh ami mansena kha achoi manshâng, khana amipui he’n ama antakaja sik kha amadu.

LEVI-DÂN 13:49

khavakha a’n-êm a-emak leh akasen a-om jo’nchu khavakha kaphâr kakop kae, thempu hneng malâr sik kae.

MATTHEW 10:18

Ajârchu kei jâra ram vaikarônhei leh renghei hmaikunga maher sik a anṭhōi sik chei, anmani hneng leh Jât-hlop hei hneng Ṭong Kaṭha hi hritheina sik a kae.

MATTHEW 16:20

Khan chu ama Messiah achang kha tûte hneng anhrimakna sik asonlehei inhnaktak a amanthei jo hei.

MATTHEW 17:9

Tlânga inphut anmani anjōng ṭumsuk lai, Jesu’n anhnenga ṭong aleipek hei, “Mihring Sapa thina athōisōt mak kârseng malârna nantahmu kha tûte hneng hrimak ruh.”

MATTHEW 3:15

Tâk Jesu’n, “Tûnhin chu ahnōm pek hi roh, ajârchu hing’hin Pathen lungdo rakip eini’n pui nimathluk sik kasōk,” tia amasôn. Khava pha John kahnōm jo.

MATTHEW 5:17

“Moses Dân leh sânkathemhei ṭonghei kha akasuk inhmang sik akajōng eng kae tia amandon mak ruh. Khava kasuk inhmang sik a kei akajōng changmak eng, tâk anmantheina kha hui atlungna sik a akajōng eng kae.

MATTHEW 6:1

“Nangni bekṭōn kha mihei tahmu sik a mipui kâra akatlo hnâm nanchang makna sik intluk nger ruh. Mipui hmaikunga nantatlo achang inchu marvâna nanpa a inphut tloman inkhatbek chenmak tin chei.

MATTHEW 9:30

khana anhmit kha khō ahmu jo. Jesu’n anhnenga, “Hivahi tûte hneng hrimak ruh!” tia inhnaktak a ahri pek hei.

MARK 13:9

“Nangni nanbinga a’nsingthei nger sik chei kae. Nangni ansur sik chei khana ṭong tanna hmun a ankeisō sik chei. Khana intûpna innpui heia anvōk sik chei, kei sik a ṭong kaṭha nanva hripekna heia vaikarônhei leh renghei hmaikunga kangir sik chei.

MARK 3:12

Ama tu mo kae ti hi tûte inkhat hneng anhrimakna sik rathla kaṭhamak-hei hneng ṭong rahnaktak a aleipek hei.

MARK 5:43

Tâk tûte hneng anhrimakna sik Jesu’n ṭong inhnaktak apek hei, khana ama’n “Naipangnu kha sâk sik heikhat pek ruh,” ati hei.

MARK 6:11

Khōpui inkhat a nanhonghlut pha khana khan mihe’n anrahlâng mak cheia nanṭong anrangei mak inchu, khava hmun kha dahlon ruh khana nankebōk vaiphin kathing mathla ruh. Khavakha anmani sik ṭong-gîkna kachang sik!”

MARK 7:36

Khava sōa anmani’n tûte hneng anhrisōt makna sik Jesu’n mipui hneng ṭong apek jo hei; tâk ama’n ṭong apek manhnak chet hei pha akakhe chet a anhrisōt joa kae.

MARK 8:30

Khava sōa Jesu’n ṭong apek hei, “Kachungchâng ṭong hi tûte hneng hrimak ruh.”

MARK 9:9

Anmani tlânga inphut anjōng ṭumsuk lai, “Mihring Sapa kha thina inphut athōisōt mak kârseng, nantahmu kha tûte hneng hrisōt mak ruh,” tia Jesu’n ṭong apek hei.

LUKE 17:14

Jesu’n ahmu hei pha anhnenga aleiti, “Se una thempuhei hneng nangni nanbinga va’nlâr ruh,” ati. Anmani hlam a anselai le’ntheng jo hei.

LUKE 21:13

Hivahi nangni sik a Ṭong Kaṭha hrina sik pha kaṭha kachang sik.

LUKE 4:41

Mi katamtak a inphut ṭai heikasōk heia, “Nang Pathen sapa che kae,” tia anlei-ôn. Jesu’n ṭaihei kha ṭong apek heia manṭong mak hei, ajârchu ama Messiah kae ti kha anmanhret a kae.

LUKE 5:14

Jesu’n ama ṭong apek, “Hivahi tûte hneng hrimak roh, tâk thempu hnenga vasehrek roh, ama’n enmanchên che rasoh. Khana tûnchu intheng jo che ti hi mihei manhretna sik Moses ṭongpek inthoina kha vatōk roh.”

LUKE 8:56

Anu leh apa’n anmandon-hla hêr jo, tâk tûte hneng omchen kha anhrisōt makna sik Jesu’n ṭong aleipek hei.

LUKE 9:21

Khava sōa anmani’n tûte hneng anhrisōt makna sik Jesu’n inhnaktak a ṭong apek hei.

JOHN 5:41

“Ke’n mihring tamanpâk sik jongmak eng.

JOHN 7:18

Mi inkhat abing ratha neina vâng akaṭong khan abing lûrna sik ajong kae. Achang ravâng ajōng katirpa lûrna sik kajōng ama khachu amalung intheng, khana akadik mak heite neimak.

JOHN 8:50

Ke’n kabing lûrna sik jongmak eng. Tâk-kha anijōng kapek inkhat ka-om, ama kha kei langa ṭong anikatanpek kha kae.