MATTHEW 8:11 - LEKHARABU INTHENG (BSI)

¹¹ Inchêna kahri pek chei kae nisō leh tlaitlâk tinga inphut mi katamtak kahong sik hei, khana Abraham, Isaac khana Jacob leh marvân rengram a revei sâkna in-ongsap sik hei.

MATTHEW 8:11 ပူးပေါင်းရင်းမြစ်များ

A’NPHUTNA 12:3

Vâng nakapek hei kha ke’n vâng kapek sik hei. Tâk-kha nakahâksêr hei kha kahâksêr sik hei, khana nanga inphut jât rakip vângṭhat kapek sik hei kae.”

A’NPHUTNA 22:18

Nang in kaṭong pek najui jâra, nasōn-napâr hei vâng kapek hei kapōa jât rakip he’num vâng chenna sik ander sik eng,” ati.

A’NPHUTNA 28:14

Nasōn-napâr hei kha raleichunga vaiphin kapōhrep a anja katam sik hei. Anmani’n ramkei rakip a anramri anmanlensa sik, khana nang leh nasōnheia inphut jât rakip vâng kapek sik hei.

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 98:3

Israel mihei chunga alumlona leh alungset inthlengmak vâng khan ale’ntepna kha atlosōt pek hei. Hmun rakip a mihe’n ni-Pathen torna kha anhmu jo.

ISAIAH 11:10

David reng hruia inphut rengther inkhat jât-hei sik a mêrchîkna ahong changna sik kani kha kahong. Anmani reng khōpuia intûp sik hei khana ama kajana antapek sik kae.

ISAIAH 49:12

Kamihei kha ram kahlatak a inphut kahong sik hei sak ting leh tlaitlâk a inphut, khana thlang tinga Aswan ram a inphut kahong sik hei.”

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 52:10

Rōngpu’n arathahrat intheng kha ahmang sik; amihei ahuksōt sik hei, khana vânhnōi pumpui in antahmu sik kae.

ISAIAH 59:19

Nisōa inphut tlaitlâk katlunga mi rakip in ama leh aratha hratna kha anṭit sik jo. Ama kha tuidung alōng inhnak leh thlipui inhnaktak kapōa kajōng sik.

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

MATTHEW 21:41

Anmani’n ahnenga, “Ama’n khava mikaṭhamak-hei kha anṭhatmak dungjuia athat sik hei, khana rahōn kha aphahrep a hleisân kapek sik milak hneng apek sōt sik hei,” anti.

MATTHEW 24:31

Pengkun kalen kha antum sik, ama’n angeva ralei rakir manlia atir sik hei, anmani’n akadeisōt seng kekung leh kelera anchom mantûp sik hei.

MATTHEW 3:2

“Nansetna inphut inhe ruh, ajârchu marvân Rengram kha kahnai jo!” ati.

MATTHEW 8:10

Jesu’n athei pha inlak asak joa akahnung kajui mipuihei hneng, “Kahri pek chei kae, hinghrep a taksenna kanei Israel kâra inkhatbek um lahmu mak eng.

LUKE 12:37

Ankapu ajōng inle pha, kahlim senga leh inrin ṭhak a aleika-om sōk-hei kha heituk a mahâm kaṭhahei mo! Kahri pek chei kae, ama’n azakkō kalen kha ahliksōt sik a kha, anmani aman ong sik hei, khana arazen sik jo hei.

LUKE 16:22

“Sarapa kha kathi jo khana marvân ngeva he’n Abraham hneng marvân reveina hmun a anṭhōi jo. Mikahaopa kha’m kathi joa anvûm jo.

ṬŌNTLOHEI 10:45

Jât-hlop hei chunga’m Pathen kutchoi pek, Rathla Intheng ajōng bun mathlâk kha Joppa inphut Peter leh ale’nṭhōipui takkasen, Jehudi he’n anhmu pha inlak anleisak hêr jo.

ṬŌNTLOHEI 11:18

Hivahi anthei pha anṭong masetna kha kahai jo hei khana Pathen anchoi ka-âna, “Pathen in Jât-hlop hei hneng kapha malung thlengna leh hringna pha apek jo hei,” anti jo.

ṬŌNTLOHEI 14:22

Takkasenhei kha anmanhnet hei khana kadik a an-om ṭhakna sik a mathokna anleinei hei. “Pathen Rengram hlutna sik a khōdeng theina hingja nide nger sik kasōk,” tia anleimanthei hei.

ṬŌNTLOHEI 14:27

Antioch antlung jo pha, Bekrup mi rakip ankhôm mantûp heia, anchunga Pathen in atlo pekna hei rakip khana Jât-hlop he’num antaksen theina sik a kot amahlang pekna hei kha anleihri pek jo hei.

CORINTHIANHEI INKHATNA 15:20

Tâk-kha akadiktak khachu Christa kha thina inphut kathōi jo, hivahi akathia akaje hei kha’m kathōisōt sik heitina manchênna kha kae.

CORINTHIANHEI INKHATNA 6:9

Mikaṭhamak in Pathen rengram kha chenmak ning ti hi inchêna nanmanhret jo. Nanbinga inhōn inthla mak ruh; jông leh kîk katlo, limsyem kabek hei, mikajông, pase leh pase inn kanei,

EPHESIANHEI 3:6

Khava ṭong in-ip kha hi kae, ṭong kaṭha jâra hin Jât-hlop he’num Pathen mahâmṭhatna shunga Jehudihei leh chen antaneisap jo kae; anmani taksa pumkhat bâk-hei kae khana Pathen in Christa Jesua asyemsōt intepna shunga chen anneia kae.

COLOSSIANHEI 3:11

Khava jâra, Jât-hlop leh Jehudi, vuntan leh vuntanlo, mikase, akatlasam, sōk leh masōhei, heite in-ang makna om mak; tâk Christa kha heirakip kae, heirakip a Christa kha kae.

THESSALONIANHEI INHNINA 1:5

Hiva rakip hi Pathen ṭongtan kha kadik ti malârna kha kae, khava kara khachu nangni’n malung inrengna kha nanlanei, ama Rengram sik a rahōi akasōk sik chei kae.