MATTHEW 7:21 - LEKHARABU INTHENG (BSI)

²¹ “‘Rōngpu, Rōngpu’ tia anikabek rakip marvân rengram a hlutmak hei ning. tâk marvâna kapa lungdo katlo rōk hei kha akahlut sik hei kae.

MATTHEW 7:21 ပူးပေါင်းရင်းမြစ်များ

MATTHEW 12:50

Tu achang inum marvâna ka-Pa lungdo katlo kha kasōpuipa, kasōpuinu leh kanuhei kae,” ati.

MATTHEW 16:17

Jesu’n amasôn, “John sapa Simon, nang narevân kaṭha. Ajârchu hiva ṭongdik hi mihring inkhat tamanthei che changmak, tâk marvâna kapa khet tamanthei che kae.

MATTHEW 18:10

“Hiva naipang kasinhei inkhat hmumasi makna sik insing thei ruh. Kahri pek chei kae anngeva he’n marvâna Kapa hmaikunga ka-om ṭhak hei.

MATTHEW 18:19

“Kakhea kahri pek chei kae: raleichunga nangni mi 2-in heikhat der sik chunga inhnōmtōna nannei pha, marvâna kapa’n nangni sik atlopek sik chei.

MATTHEW 18:3

“Ka-diktak a kahri pek chei kae, nangni’n nanmalung nanthlenga naipanghei kapōa nanchangmak inchu marvân Rengram kha hlut hêrmak tin chei.

MATTHEW 18:35

Jesu’n ṭongchaina aneia, “Khava kapōa nangni nankâra nansōpui lungria inphut nanrangei mandam mak inchu marvâna ka-Pa’num nangni khang’khan atlo sik chei kae,” ati.

MATTHEW 19:24

Ke’n kahri nôk: mikahao inkhat marvân Rengram ahlut sik kha ṭimphōi kōr a sharîngsei ahlut sik kanek a intak jôk a kae,” ati.

MATTHEW 25:10

Khan chu akamo nuhmeihei kha thaitui inchôk kase jo hei; khanga anselai, hmōipa kha jōng katlung jo. Khana 5 a’ntlukdek hei kha ama leh inṭhōia revei hmun a kahlut jo hei, khana kot kha ankir joa kae.

MATTHEW 25:21

Akapu khan ahnenga, ‘Kaṭha natlo jo, mikaṭha leh taksen ka-om sōk! Nang aja katlômtek chunga taksenthei kachang che, akatamtak chunga kamanngan sik che kae. Hong roh kei inpâkna hin chen vanei jo roh!’ ati.

MATTHEW 26:39

Hmating ajingte kasea, ahmai raleia kakhup a, “Apa, achangthei sik inchu, hiva inrengna kōklei hi keia inphut alosōt pek roh! Tâk kei racham changmak sona nang racham chang rasoh,” ati.

MATTHEW 26:42

Vōi khat nôk Jesu kasea avader, “Apa, hiva inrengna kōklei hi kei ta-inmak sik a losōtthei achangmak inchu nang racham kha chang jo rasoh.”

MARK 3:35

Tu achang inum Pathen lungdo katlo kha kanaipahei, kanainuhei khana kanu kae,” ati.

MARK 9:47

Khana nahmit inkhat in nataksenna amanhmang inchu, khersōt roh! Hmit 2 pum a hmeikhura hlon manhlut nachang sik kanek a, hmit inkhat rōk leh Pathen Rengram nahlut sik kha kaṭha jôk.

LUKE 11:28

Tâk-kha Jesu’n aleimasôn, “Khava nek a, Pathen ṭong katheia akajuihei kha heituk a akahōi sik hei mo!” ati.

LUKE 13:25

Inn kapupa kha vōi khat chu akathōia kot alakir sik, khava pha nangni vângting kot nanrakia kangir sik cheia kha, ‘Apu, kot amahlang pek roh!’ nanti pha ama’n ahei masôn sik chei, ‘Nangni khona inphut akahong chei mo ke’n manhret mak chei eng!’ ati sik.

LUKE 18:25

Mikahao inkhat Pathen Rengram ahlut sik kanek a ṭimphōi kōr a sharîngsei ahlut sik kabei jôk.”

LUKE 6:46

“Kahri khachu tlolo cheia, heisa mo ‘Rōngpu, Rōngpu,’ nantati eng?

JOHN 14:7

Tûn nangni’n kei nanmanhret jo eng, kapa kha’m nantamanhret sik kae, khana tuna inphut chu nangni’n ama nanmanhret jo khana nanhmu jo.”

JOHN 15:23

Tu achang inum kei inter mi khan kapa kha’m amater kae.

JOHN 3:5

Jesu’n amasôn, “Kadiktak a kahri pek che kae, tui leh Rathla a a’ntemak tûte inkhatbek Pathen Rengram hlut tor mak ning.

JOHN 5:17

Jesu’n anmani amasôn hei, “Kapa’n ṭōn atlo ṭhak achang jâra ke’num katlo sik kasōk.”

JOHN 6:40

Ajârchu Sapa kahmua akataksen rakip in kumsôt hringna anneina sik a kae. Khana a’nchai ning kani khan anmani kahringa kamathōi sik hei.”

JOHN 7:17

Tu achang inum Pathen lungdo tlo sik akatup mi khan kaman theina hi Pathena inphut akajōng a-emak leh kabing ratha neina vâng kahri kae ti hi amanhret sik.

ṬŌNTLOHEI 14:22

Takkasenhei kha anmanhnet hei khana kadik a an-om ṭhakna sik a mathokna anleinei hei. “Pathen Rengram hlutna sik a khōdeng theina hingja nide nger sik kasōk,” tia anleimanthei hei.

ROMANHEI 12:2

Hiva raleichung chônngaia om mak ruh, tâk pui katluk malung inthenga khan Pathen in nanshunga thleng chei rasoh. Khava sōa heimo akaṭha, malung tlaina khana pui katluk, Pathen lungdo hei kha nanmanhret tor sik.

ROMANHEI 2:13

Ajârchu Dân ṭong theina jâra mi kha Pathen hneng akadik changmak; tâk Dân ṭongpek tlo jâra kae.

EPHESIANHEI 6:6

Anmani’n anhngâklai rōk cheia, anmani mantlâina sik changloa, Christa sōk kapōa Pathen tamadu hlam a malung kahlut a aṭōn tlo ruh.

COLOSSIANHEI 4:12

Nanloi kâra mi inkhat Jesu Christa sōk Epaphras in chibei ahei pek chei. Ama’n nangni Pathen lungdo katluktak a akajui, pui katluk leh akahnōm inchên jo Christian, akangir inhnet nanchangna sik a Pathen hneng angêk a, nangni sik a malung kahluttak a derna aneia kae.

THESSALONIANHEI INKHATNA 4:3

Jông leh kîk a inphut pum inthenga nan-inthengseng sik hi Pathen tamadu kha kae.

THESSALONIANHEI INKHATNA 5:18

Heirakip chunga mi manpâk thei ruh. Christa Jesu leh inchunna shunga nanhringkhōa khanga nantatlo sik kha Pathen tamadu kae.

TITUS 1:16

Anmani’n Pathen kanmanhret anti, tâk anṭōn tlo’nchu hnōm mak. Anmani mater ka-om hei khana ṭongpek juimak hei, heikhat ṭōn kaṭha katlo sik a rahōi changmak hei.

HEBREWHEI 4:6

Hma inkeia Ṭong kaṭha akathei he’n châmhngatna kha leichen tor mak hei ajârchu taksen mak heia kae. Khava jâra akachen sik a milak hnōmpek a leika-om jo hei.

JAMES 1:22

Ama ṭong nantathei hnâm vâng khan nangni nanbinga inhōn inthla mak ruh.

PETER INKHATNA 2:15

Mikamo he’n hei manhret loa anhrina kha, nanṭōn kaṭha tlo vâng nantamandai sik hi Pathen in amadu chei.

PETER INKHATNA 4:2

Khava jâra tuna inphut a nanralei hringkhō hi mihring tamadu dungjuia changloa, Pathen lungdo dungjuia akahring nger sik chei kae.

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.

ṬONGPHÔNG 3:5

Torna kaneihei kha hiva kapōa pōn kachek an-invon sik, khana hringna lekharabu shunga inphut anrahming losōtpek mak hei ning. Khana kapa hmaikunga leh angevahei hmaikunga anmani keita hei kae tia inlârtak a kaphông sik.