MATTHEW 7:16 - LEKHARABU INTHENG (BSI)

¹⁶ Anṭōn tlohei vâng nangni’n nanchîktor sik hei. Rahlingbuk heia vomhrui thei inramak, khana rahling kung heia theichang inramak.

MATTHEW 7:16 ပူးပေါင်းရင်းမြစ်များ

ṬONGCHÎK-HEI 20:11

Naipanghei kapha’m khong khava mihei mo ti kha anṭōntlo khan amalâr; anmalung kaṭha leh intheng ti kha nahri tor.

MATTHEW 12:33

“Thing kara kaṭha chenna sik akung kaṭha nantanei nger sik kae; thingkung kaṭhamak nannei inchu akara kaṭhamak nantachen sik kae. Thingkung hi akara vâng khan a’nhret kae.

MATTHEW 7:20

Kha achang jâra nangni’n sânkathem kadikmak hei kha anṭōntlo vâng nanchîktor sik hei.

GALATIANHEI 5:22

Tâk-kha rathla kara khachu lungset, inpâk, chamna, dehrat, lumlo, ṭhatna, taksenthei kachang,

JAMES 2:18

Tâk-kha mi inkhat in ahri sik, “Mi inkhat in taksenna anei khana inkhat in ṭōn tlona anei.” Kei masônna khachu hi kae, “Ṭōntlo kasea heikhong mo mi inkhat in taksen kha anei tor amanhmu roh. Ṭōntlo vânga kei taksenna chu kamanhmu sik che.”

JAMES 3:12

Kasōpuihei, theichang kunga olive inramak, khana vomhrui jâma theichang inra phungmak; a-emak leh chikhura inphut tuitak sōk theimak a kae.

SAMUEL INKHATNA 24:13

Ṭong marōa a’nhri kha namanhret, ‘Ṭhatmak hi mikaṭhamak rōk in atlo.’ Khava jâra ke’n sukset mak che ning.