MATTHEW 7:15 - LEKHARABU INTHENG (BSI)

¹⁵ “Sânkathem inhlem heia inphut insing thei ruh; avâng pônga chu kemōng kapōa nanhnenga kahong hei, tâk ashungting chu ram thōia kahne kapōtak hei kae.

MATTHEW 7:15 ပူးပေါင်းရင်းမြစ်များ

RENGHEI INKHATNA 13:18

Khana Bethel a sânkathem katerpa khan ahnenga ati, “Kei um nang kapōa sânkathem inkhat eng kae, khana Rōngpu ṭongpek a ngeva inkhat in kahnenga ahri pek eng dungjuia nang hi ka-inna kaṭhōi chea sâk leh in pek sik chea ahei tir eng kae.” Sânkathem katerpa khan maleiseia ahri kae.

JEREMIAH 29:21

“Chunghnung Rōngpu, Israel Pathen in, ama rahminga nanhnenga maleisei akahri Kolaiah sapa Ahab leh Maaseiah sapa Zedekiah chungchânga ahri jo. Ama’n anmani kha Babylon reng Nebuchadnezzar kut a apek manhlut sik hei, nanhmit hmua athatsōt sik hei.

EZEKIEL 13:16

heirakip akaṭhapet achangmak lai, Jerusalem hnenga heirakip kaṭhapet tia aleikahri khava sânkathemhei kha!” Chunghnung Rōngpu’n ati jo.

EZEKIEL 13:22

“Nangni maleisei hrina khan ke’n malung nat kapek hnōm mak hei, mikaṭhahei malung nanmathlâk pek hei. Mikaṭhamak he’n akaṭhamak tlona kha bâng sik leh anhringkhō inhuk sik kha nankhârpek hei.

EZEKIEL 22:25

Hlamkakeihei kha shabakkai in ashathat jâra a’nhrung kapō hei kae. Mi anthat hei, antalo tor seng sêr leh neinâk rakip anchomsōt, khana anmi that jâra renghmeinu katamtak ka-om jo hei.

EZEKIEL 22:27

Ram vaikarônhei kha kahne’n anshathat antakeihler kapō hei kae. Mikahao changna sik a anmani’n mi anthat a kae.

DANIEL 11:34

Inthatna asōklai khan, mi katamtak in binga hnemna anjonga khanga anbôm ravâng, Pathen mihe’n inthōpuina ajingtehrep anhmu sik.

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

ZECHARIAH 13:4

Khava pha kha ajōng pha, sânkathem in hmangtalâr chunga a’nlensak mak sik hei kae, a-emak leh sânkathem inkhat a’nhlem sakmak sik, a-emak leh mihei hōnna sik a sânkathem zakkō a’nvonmak sik kae.

MATTHEW 10:17

Insing thei ruh, ajârchu nangni kasur sik leh ṭongtan hmun a nankakei mi hong kasōk sik hei, anmani’n intûpna innheia anvōk sik chei.

MATTHEW 16:11

Ke’n hivahi buhlom chungchânga kahri changmak ti hi heisa mo nantamanhret mak? Phariseehei leh Sadduceehei chea inphut inhrung thei ruh.”

MATTHEW 16:6

Jesu’n anhnenga, “Insing thei ruh; Phariseehei leh Sadduceehei chêa inphut inhrung thei ruh,” ati hei.

MATTHEW 24:11

Sânkathem inhlem katamtak hong kasōk sik hei, khana mi katamtak anhōn mathlâk sik hei.

MATTHEW 7:14

Tâk hringna kekot kha inchîp khana ahlam jōnna kha intak khava kahmu sōt mi kha katlôm hei.

LUKE 12:15

Khana ama’n anmani hei seng hneng ahri manjôna, “Phâmrai setna rakip a inphut insing thei una inhrung kaṭha ruh; ajârchu heituk anei inum khahei khan mi inkhat hringkhō kadiktak kha antasyemsōt tor changmak,” ati.

LUKE 6:26

“Nangni mi rakip in anhri manṭhat chei pha, heituk ṭitpek ka-om chei mo; anpusōn he’num akadik mak sânkathemhei kha khanga anta leihri manṭhat hei kae.

JOHN 10:12

Kemōng kakhem khet kachangmak khana kemōng kapu kachangmak nikhō ratha hlō a’npek mi khan, kahne ahong ahmu pha, kemōnghei kha adahlona atlânde jo hei; khava jâra kahne khan ahnong kachek heia atlen jo hei.

ṬŌNTLOHEI 13:40

Khava jâra sânkathem he’n anta leihri kha nanchunga atlung makna sik, insing thei ruh:

ṬŌNTLOHEI 13:6

Paphos tlungna sik a khava tui takake khum ram kha katlung bit a anleihroa antlung jo pha, Jehudi mi abinga sânkathem eng kati, dôi kachoi, arahming Bar-Jesu inti mi inkhat leh le’nhmutō hei.

GALATIANHEI 2:4

mi ṭhahrep in avun anmantan hnōm tâk inum. Anmani hi, eini Christa leh ni’nchunna shunga nining nihnōma ni-omna hi aka-ensui sik a, aka-en inthlip a ahong kahlut hei kae. Anmani’n eini hi sōk manchang sik anmadu mea kae,

EPHESIANHEI 4:14

Khan chu lungthim kaṭhamak-hei mantheina thli tasêm lelena taṭhōi naipang kha changmak jo me, anmani mihōnna khan mihei ṭhenating anṭhōi heia kae.

EPHESIANHEI 5:6

Ṭong kadikmak vâng tûte’n hōnmathlak mak chei rasoh; ajârchu Pathen ṭong kajuimak hei chunga ahnuk natna ajōng katlung sik kha khava jâr pena kae.

PHILIPPIANHEI 3:2

Khava ṭhatmak katlohei, khava uihei, khava vuntanna sik a mi kajôr heia inphut insing thei ruh.

COLOSSIANHEI 2:8

Khana hivahi en kaṭha ruh, Christa a changloa vânhnōi vaikarôn rathla inphut, mihringhei mantheina inphut, hnemna kase mihōnna singna inphut nangni tûte’n sōk manchang mak chei rasoh.

TIMOTHY INHNINA 3:13

mikaṭhamak-hei leh a’nṭhat hlemsak-hei kha anbinga inhōn inthla sik hei, khana milak um anhōn sik hei, mise anchangna inphut akasechet kachang sik hei.

TIMOTHY INHNINA 4:3

Mihe’n chôn kadik intheina anhong rangei hnōm mak pha kha lakahong sik, tâk anmalung maduna anjuia ankōr tarangei hnōm ṭong ankahri pek sik hei oja katamtatak anbek mantûp sik hei.

PETER INHNINA 3:17

Tâk-kha kaṭhōnhei, nangni chu, hi manhretdek ruh. Dân kaneimak mi kaṭhōi inhmak he’n hlam kaletting anṭhōi makna sik chei, khan chu, nanngirhmun kahnet a inphut nantlûk makna sik inhrung thei ruh.

JOHN INKHATNA 4:1

Kaṭhōn marit hei, Rathla kachen ung kati rakip taksen mak hei ruh; tâk anmani rathla nei kha Pathena inphut mo enmansin hei ruh. Ajârchu sânkathem kadikmak katamtak hmun rakip a kasesōt jo heia kae.

JUDE 1:4

Ajârchu nikâra Pathen inhret mak mi ṭhahrep marûk a hongkahlut jo hei, anmani’n ni-Rōngpu leh mi inthei oja inkhat rōk Jesu Christa kha hnōm mak hei, tâk anhurna omchenhei thuptheina sik a Pathen maritna me ṭong kha aluk-alet a anhmanga kae. Anmani’n antachen sik masetna kha Ṭong intheng in hmalaia inphut aleihrisa jo kae.

ṬONGPHÔNG 16:13

Khava sōa rathla a’nthengmak 3 uṭok kapōa kaleihmu hei. Anmani rihren beia inphut, ranhring beia inphut, sânkathem inhlem beia inphut heikasōk hei.

ṬONGPHÔNG 17:6

Khana Jesu ṭong kadik jui jâra antathat hei leh Pathen mihei thisen ka-inna a’nruinu kha ke’n kahmu. Ke’n khava nuhmei kha, kahmu pha inlak hêra kamandon.

ṬONGPHÔNG 19:20

Khava ranhring kha ahmai kunga ṭōntlo inlak katlo sânkathem inhlempa kha leh inṭhōia ansur heia kura ankhum jo hei. (Khava aṭōntlo inlak tlona vâng khan ama’n ranhring limsyem chîknabi kaneihei leh ranhring inmuk hei kha amathlem mathlâk heia kae.) Hmei kângna dîr shunga ranhring leh sânkathem inhlempa kha anhring pum a anhlon manhlut jo hei.

ṬONGPHÔNG 20:10

Khava pha mikahōn inthlapa, Diabol kha kât kakâng hmei dîr shunga anhlon manhlut jo, khava hmun a khan ranhring leh sânkathem inhlem hei khachu aleika-omsa jo hei kae; khana khan asûn-ajâna khōdengthei are-rea mande sik jo kae.