MATTHEW 7:11 - LEKHARABU INTHENG (BSI)

¹¹ Nangni mikaṭhamak chei in hmen nansahei akaṭha pekje nanmanhret a kae. Kha achang inchu, marvâna ka-om nan-Pa’n, ahnenga kader hei kha heituk akakhe chet a neinâk kaṭha apek sik chei mo!

MATTHEW 7:11 ပူးပေါင်းရင်းမြစ်များ

A’NPHUTNA 6:5

Raleichunga ka-om mihringhei ṭōntlo khana anmalung mandon leh ngeitō akaṭhamak langting rōk ka-om ti hi Rōngpu’n ahong manhret pha,

A’NPHUTNA 8:21

Inthoina marim khan Rōngpu malung kha katlâi joa abinga, “Mihringhei tloset jâra avea ralei hi hâksêr mak jo ning; ansinlaia inphut anmandonna hei kha ṭhaphung mak ti hi kamanhret. Ke’n tuna katlo kapōa ahei tik a’m akahring hei hi suk manram mak jo ning.

SAMUEL INHNINA 7:19

Kha’num Chunghnung Rōngpu, tûn katlung akakhe chet a nalatlo pek eng; akahong sik pha kasōn leh pârhei sik a intepna nasyempek eng. Khana Chunghnung Rōngpu, hihei hi mi inkhat hneng nala manhmua kae.

JOB LEKHARABU 15:16

Tui kapōa mihe’n akaṭhamak kha an-in; kadik, anmani intheng mak hei, hnemna kase hei kae.

HLAHEI 84:11

Rōngpu hi eini kahuk leh reng kalûr kha kae, lungset leh manlûrna pum a vâng apek me. Akadik katlohei sik a akaṭha neinâk pek sik kha heite maner mak.

HLAHEI 85:12

Rōngpu’n eini mikahao amanchang sik me, niram hin kara katamtak ahong majōr sik.

HLAHEI 86:15

Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

ISAIAH 49:15

Khava jâra Rōngpu’n amasôn hei, “Nu inkhat in asa khet kha amahngi tor mo, khana amatet asa kha lungset mak eng atitor sik mo? Nu inkhat in asa amahngi jo’num, ke’nchu nangni mahngi hêrmak chei ning.

ISAIAH 63:7

Ke’n Rōngpu lungsetna akatlasam mak kha kahri sik; Ama’n eini sik a atlopek me rakip jâra kamanpâk. Ama’n Israel mihei kha katluk set a mahâmṭhat apek jo hei ama maritna leh a’nthleng mak lungsetna jâra khan.

JEREMIAH 17:9

“Tu’n mo mihring malung amanhret tor sik? hiva kapō mikahōn alak heite om mak, hiva nat mandam sik hi inri hêr jo.

JEREMIAH 33:14

Rōngpu’n ahri, “Ke’n Judah leh Israelhei hnenga ka’ntepna kha katlo mathlukna sik pha kha kajōng jo.

HOSEA 14:2

Rōngpu hneng ho’nle ruh, hiva derna hi ahnenga inthoina chang rasoh: “Kansetna rakip arangei mandam roh, kanderna arahlâng pek roh, khana kanṭong intepna kapōa nang kanchoi ka-ân sik che.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

MALACHI 1:6

Chunghnung Rōngpu’n thempuhei hneng ati, “Sapa’n apa kajana apek, khana sōk in akapu kajana apek. Kei nanpa eng kae, heijâra mo kajana nantapek mak eng? Kei nankapu eng kae, heisa mo nantakaja mak eng! Nangni’n adonmak chei, kha’num nander eng, ‘Heikhonga mo kantadon mak che?’ nanti.

MATTHEW 23:9

Khana hiva raleichunga hin tûte ‘Apa’, timak ruh, ajârchu marvâna nangni’n Pa inkhat rōk nannei.

MATTHEW 7:10

Achangmak leh nga ader che pha mari napek sik mo?

JOHN 3:16

Ajârchu Pathen in vânhnōi ralei hi hingtuk hrep alungset jâra Asapa inkhat rōk kha apek jo, tu achang inum ama kataksen kha thimak ning, tâk kumleikōa hringna anei sik kae.

ROMANHEI 3:19

Vânhnōi pumpui hi Pathen ṭong tanna thōia a-omtheina sik, khan chu mihring tûte rangei mandam achang makna sik, Dân thōia ka-om mihei chunga khan Dân shunga ka-om rakip kha mantlo sik a arei ti hi eini’n nimanhret.

ROMANHEI 3:9

Khan chu kaṭha jo, eini Jehudi me hi, Jât-hlop hei kanek a ni-omje akaṭha jôk me mo? Kha chang hêrmak! Jehudi mi achanga, Jât-hlop achanga, mi rakip set ratha neina thōia ka-omsō jo hei ti hi kaleimalâr jo kae.

ROMANHEI 8:32

Ama’n asapa kapha maner loa nikhenga sik a atōksōt jo! Ama’n asapa kha hmen apek sōt jo me achang inchu, heirakip hi mankasea apek mak sik me mo?

GALATIANHEI 3:22

Tâk-kha ṭong intheng in ahri khachu vânhnōi hi setna ratha neina thōia ka-om; khana Jesu Christa taksen jâra intepna kutchoi kha akataksenhei hnenga a’npek kae.

JAMES 1:17

Kutchoi kaṭha rakip leh kutchoi pui katluk rakip marvâna inphut kae; khavakha marvâna vârhei kasyem, inthlengtik kaneimak khana ahmai amahea inthim insōmak, Pathena inphut kae.

JOHN INKHATNA 3:1

Enruh, Pa’n heituk-hrep a alungset me mo! Alungsetna kha hingtuk hrep kalen khachu eini hi Pathen sa ati jo me, khava jâra kadiktak a asa kha kachang jo me. Vânhnōi in Pathen kha anmanhret mak jâra eini antamanhret mak me kae.

JOHN INKHATNA 4:10

Lungset kha hi kae: eini’n Pathen nilungset jâra changloa, ama’n eini alungset mea nisetnahei rangei mandam theina sik a Sapa kha ajōngtir kha kae.