MATTHEW 6:9 - LEKHARABU INTHENG (BSI)

⁹ Achang jâra nangni’n hinga nantader sik kae: ‘Marvâna ka-om kan-Pa: Narahming kaja om rasoh;

MATTHEW 6:9 ပူးပေါင်းရင်းမြစ်များ

SAMUEL INHNINA 7:26

Narahming rahnak a inthang sik, mipui he’n ahei tik a anti sik, ‘Chunghnung Rōngpu hi Israelhei Pathen kae.’ Khana nang in pha rakip a ka-innshung hrui nahrungpek sik eng.

RENGHEI INKHATNA 8:43

aderna kha rangei pek roh. Na-omna hmun marvâna heithei pek roh khana Israelhei tatlo kapōa, vânhnōia mi rakip in anmanhret chea anjuina sik che ader che kha tlopek roh. Kha achang inchu, hiva ke’n kasaksōt Bek-inn hi nang kamukna hmun kae tia anhong manhret sik jo.

THUHMINGHEI INKHATNA 17:24

Narahming inthang hêr sik, khana mihring he’n ahei tik a hinga anhri sik, ‘Chunghnung Rōngpu kha Israelhei Pathen kae.’ Khana nang in kei innshung vairônna kha nada ṭhak sik.

THUHMINGHEI INHNINA 20:6

kare inhnaktak a ader, “O Rōngpu kanpu sōnhei Pathen, nang in vânhnōia jât rakip chunga marvâna inphut vai najōng rôn hei. Nang chu ratha hratna leh torna katluk a nanei, tu inkhat in dōi tor mak tin che.

NEHEMIAH 9:5

Athōia Levihei hin Pathen kamukna sik a bekna anleinei hei: Jeshua, Kadmiel, Bani, Hashabneia, Sherebiah, Hodiah, Shebaniah khana Pethahiah hei seng. Anmani’n anti: “Ngir una Rōngpu nan-Pathen kha manpâk ruh; Ahei tik a, ahei tik chenna ama kha manpâk ruh! Mihring manpâkna hi pui atluk mak innum mi rakip in ama rahming kalûr kha manpâk hei rasoh.”

HLAHEI 111:9

Ama’n amihei amasōsōt hei khana kumleikōa intepna aneipui hei. A’ntheng leh akahrat hi ama kae!

HLAHEI 115:3

Kan-Pathen marvâna ka-om; ama’n amadu seng kha atlo.

HLAHEI 72:18

Israelhei Pathen Rōngpu kha choi ka-ân ruh! Ama rōk in hiva det-hla hei hi atlosōt kae!

ISAIAH 37:20

Tûn Rōngpu kan-Pathen, Assyrianheia inphut ahuksōt roh, raleichunga jât rakip he’n nang rōk Pathen nachang kha anmanhret sik jo.”

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 6:3

Anmani inkhat leh inkhat inbek hei: “A’ntheng, A’ntheng, A’ntheng! Chunghnung Rōngpu kha a’ntheng kae! Ama lûrna’n vânhnōi ralei kasip sō,” anti.

ISAIAH 63:16

Nang kanpa che kae. Kanpu ṭhut Abraham leh Jacob in keini amanhret mak hei, tâk Rōngpu, nang kanpa che kae, pha rakip a kan-intlen sōtpa che kae.

ISAIAH 64:8

Tâk-kha nang kanpa, kan-Rōngpu che kae. Keini ralei matlak kapō ung kae, khana nang be kakheng kapō che kae. Nang in keini nasyemsōt ung,

ISAIAH 66:1

Rōngpu’n ahri, “Marvân kalen in-ongna kae, khana ralei kake man ngamna kae. Nangni’n kei sik a heikhong khova inn mo nantasak tor sik, ka-omna sik kha heikhong khova hmun a mo?

EZEKIEL 36:23

Jât-hei kâra hmeset nantapek rahming, kei rahming kalen inthengna hi jât-hei hnenga kamanhmu hei pha, kei hi Rōngpu eng kae tia anmanhret sik jo eng. Chunghnung Rōngpu ke’n kahri jo kae. Jât-hei hneng kei hi intheng eng ti malârna sik nangni kahmang sik chei.

EZEKIEL 38:23

Hing’hin jât rakip hei hneng kei hi kalen eng khana intheng eng ti hi kamalâr sik kae. Kei hi Rōngpu eng kae tia anmanhret sik jo eng.”

LEVI-DÂN 10:3

Khava pha Moses’n Aaron hnenga ahri, “Rōngpu’n hiva chungchânga aleihri kha hinga kae, ‘Kei inzen seng in ka’nthengna hi antakaja sik kae; kamipuihei hneng kalûrna kamalâr sik kae.’ ” Tâk-kha Aaron chu kadai hngera leika-om.

HABAKKUK 2:14

Tâk-kha tui-ôngpui shunga tui akasip tlit kapōa raleichung hinum Rōngpu lûrna manhretna khan kasip sik jo.

ZECHARIAH 14:9

Khava sōa Rōngpu kha raleichung pumpuia reng kachang sik jo; mi rakip in ama kha Pathen kapōa ankamuk sik jo, khana rahming inkhat rōk a manhretna annei sik jo.

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

MATTHEW 10:29

Ajârchu peisa inkhat rōk a vasak pum hni nanrachôktor, kha’num nanpa manhretna tei loa vasak inkhatbek um raleia tlamak.

MATTHEW 23:9

Khana hiva raleichunga hin tûte ‘Apa’, timak ruh, ajârchu marvâna nangni’n Pa inkhat rōk nannei.

MATTHEW 26:29

Ke’n kahri pek chei kae, kapa rengram a nangni leh vomhrui tuither kha ni-insap mak kârseng, tuna inphut a hiva vomhrui tui ke’n avea in nôk mak jo ning.”

MATTHEW 26:42

Vōi khat nôk Jesu kasea avader, “Apa, hiva inrengna kōklei hi kei ta-inmak sik a losōtthei achangmak inchu nang racham kha chang jo rasoh.”

MATTHEW 5:16

Khava kapōhrep a nanvâr kha mihei hmaikunga akavâr nger sik kae, khanba nanṭōn kaṭha tlo kha anmani’n anhmu sik a kha marvâna nanpa kha antachoi ka-ân sik kae.

MATTHEW 5:48

Marvâna nan-Pa kha pui katluk kapōa, nangni um pui akatluk nger sik chei kae.

MATTHEW 6:14

“Mi’n nanchunga antaṭhe hei kha nanrangei mandam he’nchu, marvâna nan-Pa’num nangni ṭhenahei kha arangei mandam sik chei.

MATTHEW 6:6

Tâk nangni’n nander pha, innden a hlut ruh, kot inkamsi ruh, hmit a a’nhmu mak nanpa hneng rirûk a der ruh. Khana marûk a naṭōntlo akahmu nanpa khan tloman kha apek sik chei.

MATTHEW 7:11

Nangni mikaṭhamak chei in hmen nansahei akaṭha pekje nanmanhret a kae. Kha achang inchu, marvâna ka-om nan-Pa’n, ahnenga kader hei kha heituk akakhe chet a neinâk kaṭha apek sik chei mo!

LUKE 15:18

Kei thōi eng sona kapa hnenga se jo rong khana vati rong, Apa, nang leh Pathen kadōia ke’n setna katlo jo.

LUKE 15:21

Asapa khan aleiti, ‘Apa, nang leh Pathen kadōia setna katlo jo. Nasapa inti sik a rahōi changmak jo eng.’

LUKE 2:14

“Marvân chung inshângpena Pathen kha lûr rasoh, khana raleia amalung tlaina mihei chunga lung mōngna kha om rasoh!”

JOHN 20:17

Jesu’n amanu hneng, “Asit mak roh, ajârchu kei Pa hneng lasemak hi eng. Tâk-kha nang kasōpuihei hneng vase ina vahri pek hei roh, “Kapa khana an-Pa, ka-Pathen khana an Pathen hneng a’nle sik jo eng kae.”

ROMANHEI 1:7

Khava jâra Pathen talungset, ami kachang sik a abek Rome a ka-om nangnihei seng hnenga kaheimazet kae: Nipa Pathen leh Rōngpu Jesu Christa’n maritna leh lung mōngna kha pek chei rasoh.

ROMANHEI 8:15

Heijâra mo niti’nchu Pathen tapek chei Rathla khan nangni sōk manchang mak chei khana ṭitna amannei mak; khava kanek a Rathla khan nangni Pathen sahei amanchang jo chei. Khana khava Rathla hrat vâng khan eini’n Pathen hneng, “Apa, kapa,” amantitor mea kae.

GALATIANHEI 1:1

Mihringa inphut leh mihring themna vânga changloa, tâk Jesu Christa leh ama thina inphut akakei inthōipa, Pathena inphut sonle inkhat kachang sik a beksōt, Paul ke’n kaheimazet kae.

GALATIANHEI 4:6

Nangni asa nuhngâk leh pase nanchang malârna sik, Pathen in Sapa Rathla kha nimalung shunga ajōng tira, khava rathla khan, “Apa, kapa” tia abek a kae.

TIMOTHY INKHATNA 6:16

Ama rōk akathi theimak kha kae. Tûte tahnai manhlut tor makna vâr shunga ka-om. Ama tûte’n lahmu mak hei; tûte’n hmutorhêr mak hei. Kajana leh ahei tik a vairônna kha atâ changṭhak rasoh! Amen.

PETER INKHATNA 1:17

Mi rakip ama ama ṭōntlo dungjuia in-angtlinga ṭongkatan Pathen hneng nander pha, Apa nantia kae; kha achang inchu, nanhringkhō alaka-om seng hichu ama kajana hmang jo ruh.

ṬONGPHÔNG 4:11

“Kan-Rōngpu leh kan-Pathen! Lûrna leh kajana, khana ratha hratna kachen sik a narahōi kae. Ajârchu nang in heirakip nasyem, khana nalungdoa hringna leh hringkhō napek heia kae,” anti.

ṬONGPHÔNG 5:12

rasa inhnaktak a hla ansak: “Kemōngte ale’nthat kha ratha hratna, neina, singna, khana ratha neina, kajana, lûrna, choi ka-ânna achen sik a rahōi kasōk a kae!”