MATTHEW 6:5 - LEKHARABU INTHENG (BSI)

⁵ “Nangni’n nander pha, a’nṭhatsak hei kapōa changmak ruh! Ajârchu anmani’n mihmuna sik a kamukna innheia leh hlampui rakir heia kangir heia kae. Kahri manchên pek chei kae, anmani tloman inpekdek jo hei.

MATTHEW 6:5 ပူးပေါင်းရင်းမြစ်များ

HLAHEI 5:2

Kareng leh ka-Pathen, inthōpuina sik a kaṭana eirangei pek roh, O Rōngpu nahnenga kader che;

HLAHEI 55:17

Jîngkâr, sûnṭim, khana jân a ka’nphinna leh ka’nkōina kha ahnenga katlung, khana karasa athei pek sik eng.

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

ṬONGCHÎK-HEI 16:5

Rōngpu’n êngkase rakip amater hei; khana anmani kha karâkna antahmu sik a inphut sânsōt mak hei ning.

ISAIAH 1:15

“Nangni’n derna nankut nankalâng pha, ke’n enmak chei ning. Heituk nandera achang inum, theipek mak chei ning, ajârchu nankut hei kha thisen in akatoma kae.

JEREMIAH 29:12

Khava sōa nangni’n kei nanbek sik eng. Nangni kahong sik chei, kahnenga nander sik eng, khana ke’n kamasôn sik chei.

DANIEL 6:10

Daniel in ṭongpek kha rengpa’n sôi atlo jo ti athei pha, ama a-inna kase jo. A-inn chungden a Jerusalem kahnget a thlikot ka-om hei. Khana khan, aleitlo phung kapōa, thlikot-hei inhlangna ting khan inkuna Pathen hneng ni khat a vōi 3 sasâm aleider.

MATTHEW 21:22

Nantaksen inchu, nantader rakip kha nantahmu sik kae,” ati.

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

MATTHEW 23:5

Anmani’n heirakip kha mi tahmu sik hnâma antlo. Enruh anmachea leh anbâna ṭong intheng thingbôm antamakhei heiso, heituk a akalenhei mo! Anpōn hmor antamakhei mathlak so heituk a akasei hei mo manhretsa ruh!

MATTHEW 23:6

Anmani’n revei hmun a in-ongna kaṭhapen khana intûpna inn synagogue a in-ongna apui karônpen anmadu;

MATTHEW 6:1

“Nangni bekṭōn kha mihei tahmu sik a mipui kâra akatlo hnâm nanchang makna sik intluk nger ruh. Mipui hmaikunga nantatlo achang inchu marvâna nanpa a inphut tloman inkhatbek chenmak tin chei.

MATTHEW 6:16

“Nangni’n bu nanhngōi pha, a’nṭhat hlemsak-hei kapōa akachâm hmaisō malârmak ruh. Bu anhngōi tia mihe’n anmanhretna sik a anhmaisō khachu donmak hei. Kahri manchên pek chei kae, anmani tloman kha inpesō jo hei.

MATTHEW 6:2

“Achang jâra akaneimak inkhat hneng nanpek pha, a’nṭhatsak he’n kamukna inna leh hlampui heia kalentak a malârna antatlo kapōa tlomak ruh. Mihei manpâkna chenna sik khanga antatlo kae. Kahri manchên pek chei kae, anmani tloman inpesō jo hei.

MATTHEW 9:38

Asâng kapupa hneng sâng kakhôm sik mi ajōng tîrna sik der ruh,” ati.

MARK 11:25

Khana nangni’n nanngira nander pha, marvâna ka-om nanpa khan nantlo ṭhena rakip arangei mandamna sik chei, tu mo inkhat chunga malung hōimakna nantanei rakip kha rangei mandam hei ruh.”

MARK 12:38

Khanga amanthei lai hei anhnenga ati, “Dân oja heia inphut insing thei ruh, zakkō inse sipuma akalôn hnōm hei, khana jōrna tetlânga kajana chibei antatlo sik a indu hei,

LUKE 11:43

“Nangni Pharisee sik a heituk ṭitpek aka-om chei mo! Intûpna inna in-ongna mantlukpek sik chei leh jōrtlânga mi takamuk sik chei nanmadu.

LUKE 18:1

Khava sōa anmani’n malung tlâklo hêra ahei tik a anderna sik Jesu’n hiva ṭong tekâk hi amanthei heia kae.

LUKE 18:13

“Tâk-kha ramsêr kaṭheipa kha kahlajap a kangira marvânting kapha’m ahmai mahe tor loa, a-ôp akabena, ‘Pathen, kei mikaset eng kae, aheilungset roh!’ ati.

LUKE 20:47

anmani’n renghmeinu hei inn leh annei anchom pek hei, mihei tahmu sik a kasôt tatak a derna annei! Anmani karâkna chen sik kha akakhôk pen sik kae.”

LUKE 6:24

“Tâk-kha tuna akahao nangni sik a heituk ṭitpek ka-om chei mo; nangni’n hringkhō kahōi nanlei hmang joa kae!

JOHN 16:24

Tûn katlunga hin nangni’n kei rahminga heite lader mak hi chei; nan-inpâkna pui atluk theina sik, der ruh, khana nantahmu sik kae.

EPHESIANHEI 6:18

Hiva rakip hi derna leh inṭhōia tlo una, Pathen inthōpuina sik der ruh. Ṭōn kasōk rakip a, Rathla’n hlam akeina sik chei der ruh. Hiva sik a inrin ṭhak a om ruh, masō hêrmak ruh; Pathen mihei seng sik a derṭhak ruh.

THESSALONIANHEI INKHATNA 5:17

pha rakip a derṭhak ruh,

JAMES 4:6

Tâk-kha Pathen tapek maritna kha kangar chet jôk. Ajârchu ṭong intheng in hinga ahri, “Pathen in a’nlensak kha akhar, tâk a’nsinsak kha maritna apek.”