MATTHEW 6:33 - LEKHARABU INTHENG (BSI)

³³ Khava kanek a heirakip chungchôna Pathen Rengram leh adikna kha jong ruh, khan chu khavahei seng kha apeksa sik chei.

MATTHEW 6:33 ပူးပေါင်းရင်းမြစ်များ

RENGHEI INKHATNA 17:13

Elijah’n ahnenga ati, “Namalung mandong mak roh. Nanei senga inphut buhlom kasintek inkhat ahma inkeia vasyem roh khana kahnenga heichoi roh, khana a’nhleiseng kha nang leh nasapa sik syem jo roh.

HLAHEI 112:3

Ama innshung kha akanei leh akahao khana are-rea kakhang ṭhak sik.

HLAHEI 37:25

Tûnchu kater jo eng, kum kasôttak hongkahring jo eng, tâk Rōngpu’n mikaṭhahei kha adahlon hei a-emak leh asa he’n mi hnenga sâk kader a kalôn lele hei ti hi lahmu hêrmak eng.

HLAHEI 37:3

Rōngpu kha taksen roh khana akaṭha tlo roh; ram shunga khan om ina hringna chen roh

ṬONGCHÎK-HEI 10:3

Rōngpu’n mikaṭhahei kha vonṭâma damak hei ning, tâk mikaṭhamak-hei chu antamadu kha manchen mak hei ning.

ṬONGCHÎK-HEI 28:10

Malung intheng mi kha ṭhatmak mantlona sik narei inchu, nabinga chângkama khan in-ôk sik che. Ṭhenakasehei kha tloman kaṭhatak a inpek sik hei.

ṬONGCHÎK-HEI 8:18

Ke’n mi hnenga pek sik a neina leh lûrna, khangtouna leh hmesōna kanei.

MI INTHEIPA 10:2

Mikasing he’n akadik khana mikamo he’n akadik mak kha antlo phung.

ISAIAH 26:9

Jân a kamalung pumpui in karangei che; raleichung leh amihei ṭong natan pha, anmani seng in ṭongtan kadik kha anmanhret sik jo.

ISAIAH 33:6

khana jât hnenga ngir inhnetna apek sik. Ama’n ahei tik a amipuihei ahrung hei khana singna leh manhret theina apek hei. Anmani karōi manbukna khachu Rōngpu kajana antanei kha kae.

ISAIAH 45:24

“Anmani’n anhri sik, kei hneng rōk a retorna leh hratna ratha kha inhmu sik; tâk-kha kei ani ka-en kada rakip kha masetna anchen sik.

JEREMIAH 23:6

Ama rengchang pha, Judah mihei kha inhuk sik hei, Israel mihei kha kamōng tak a ka-om sik hei. Ama kha ‘Eini Huk manhringna Rōngpu’ inti sik.

MATTHEW 19:28

Jesu’n ahnenga ahri, “Kadiktak a kahri pek chei kae, Khang athera Mihring Sapa khan alûrna leh alen in-ongna chunga a’n-ong pha nangni ani kajui 12 seng um Israel phung 12 hei chunga ṭong katan sik a reng in-ongna chunga a’n-ong sik chei kae.

MATTHEW 19:29

Khana tu achang inum a-inn, asōpuinu leh asōpuipa, anu leh apa khana asahei leh ahlei, kei sik jâra akadahlon mi khan araja kakhea ahmu sik, khana kumsôt hringna kha achen sik.

MATTHEW 3:2

“Nansetna inphut inhe ruh, ajârchu marvân Rengram kha kahnai jo!” ati.

MATTHEW 4:17

Khava pha inphut Jesu’n aṭong ahrile manphut jo, “Nanset tloa inphut hong inhe ruh, ajârchu marvân Rengram kha kahnai jo!”

MATTHEW 5:6

“Pathen lungdo katlo hnōm hei kha anmahâm kaṭha; Pathen in pui katluk a amankhop sik hei!

LUKE 1:6

Anmani 2 Pathen hmit-hmua mikaṭhahei kae, khana Rōngpu ṭongpek leh dân rakip pui katluk a kajuihei kae.

LUKE 12:31

Khava kanek a, arengram jôk kha jong ruh, khahei seng kha’m apeksa sik chei kae.

JOHN 5:4

Ajârchu Rōngpu ngeva inkhat kâklalak leh tuikhura khan jōng kaṭuma tui kha akachok manhling ria kae. Tui inhlinglai hmapena akaṭum mi kha heikhong khova nat achang inum kadam ri.

JOHN 6:27

A’nhmangthei bu jongna sik a ṭōn rahnak a tlomak ruh; khava kanek a, kumsôt hringna bu jongna sik ṭōn rahnak a tlo jôk ruh. Hiva bu hi mihring Sapa’n apek sik chei, ajârchu Pa Pathen khan ama chunga hnōm pekna mêrchîkna adapek jo kae.”

ṬŌNTLOHEI 20:25

“Pathen rengram ṭong kahrilea nankâra leikaleng eng. Khana tûnchu nangni tu inkhat in avea ahmu nôk mak jo tin chei ti hi kamanhret jo.

ṬŌNTLOHEI 28:31

Ning leh hnōmtak a leh kangamtak a Rōngpu Jesu chungchânga mantheina leh Pathen Rengram chungchânga hrilena aleineia kae.

ROMANHEI 1:17

Ajârchu Pathen in heikhong mo ama khet leh inṭhōia mi amandik ti hi ṭong kaṭha hin amalâr: hivahi a’nphutbia inphut a’nchaina katlung taksen jâra kae. Ṭong intheng in hinga ahri, “Taksen jâra Pathen ângshunga dikna kachen mi kha kahring sik,” ati.

ROMANHEI 10:3

Pathen in ama leh kadik a dasapna sik hlam asyem kha anmani’n leimanhret mak hei, khava kahlânga anmani’n anbing tamaduhrep hlam an-insyema insaler hei; khava jâra mihring mandikna sik a Pathen hlam syema khan inpek inhlutmak heia kae.

ROMANHEI 14:17

Heijâra mo niti’nchu, Pathen rengram kha sâk leh in langting khan changmak, tâk Rathla Intheng tapek dikna, intōk inchamna, inpâkna hei hi kae.

ROMANHEI 8:31

Hivaseng chunga hin eini’n heimo nihri ngam sik? Pathen kha nilanga a’nṭang inchu, tu mo anikadōi tor sik?

CORINTHIANHEI INKHATNA 1:30

Tâk-kha nangni chu Pathen in Christa Jesua inchunna shunga aṭhōi manhlut jo chei, khana Pathen in Christa kha eini singna amanchang joa kae. Ama jâra Pathen leh kadik a adasap jo me, eini Pathen mi intheng kachang jo me, khana eini ning leh hnōma amasō jo me kae.

CORINTHIANHEI INKHATNA 3:22

Paul, Apollos, khana Peter; hiva ralei, hringna leh thina, tûn leh hnunga, hihei seng hi nangni tahei kae,

CORINTHIANHEI INHNINA 5:21

Christa khan setna neimak, tâk eini ama leh ni’nchunna shunga khan Pathen dikna kha nichensōm theina sik Pathen in eini setna kha ama chen amanchang jo kae.

PHILIPPIANHEI 3:9

pui katluk a kan-inchun theina sik, heirakip ramhnōk a kalo jo heia kae. Khana Dân juia hnemna, kabinga dikna inkhatbek ke’n neimak jo eng. Tûnchu taksen chunga a’nhnga, Pathena inphut akajōng, Christa taksen jâra a’npek dikna kha ke’n kachen jo.

THESSALONIANHEI INHNINA 1:5

Hiva rakip hi Pathen ṭongtan kha kadik ti malârna kha kae, khava kara khachu nangni’n malung inrengna kha nanlanei, ama Rengram sik a rahōi akasōk sik chei kae.

TIMOTHY INKHATNA 4:8

Taksa resik inthemchûk hi ṭhahrep ahnemna ka-om, tâk rathlatinga resik inthemchûk hinchu ahlam rakip a kahnem jôk, ajârchu tuna leh hnunga pui katluk hringkhō pek sik a intepna anei.

PETER INHNINA 1:1

Jesu Christa sonle leh sōk inkhat kachang, Simon Peter in– Ni-Pathen leh Huk inhringpa Jesu Christa dikna vâng keini kapōa mankatam taksenna inkhat apek jo hei hneng kaheimazet kae.

PETER INHNINA 1:11

Khang’khan ni-Rōngpu leh ani kahuk inhring Jesu Christa kumsôt Rengram hlutna sik pui katluktak ratha kha a’npek sik chei kae.