MATTHEW 6:25 - LEKHARABU INTHENG (BSI)

²⁵ “Hiva jâra kahri pek chei kae, nanhringna sik a nanta rangei sâk leh in hei chunga, a-emak leh nantaksa sik a pōnsi derkeihei chunga nanmalung manrim mak ruh. Hei-achang inum bu kanek a hringkhō man akatam jôk changmak mo? Khana pōnsi derkei kanek a taksa man akatam jôk changmak mo?

MATTHEW 6:25 ပူးပေါင်းရင်းမြစ်များ

HLAHEI 55:22

Na’nrengna hei kha Rōngpu hneng dahlon jo roh, khana ama’n ahrung sik che; malung intheng hei kha hei lai enum mihei tator sik a phemak ning.

JEREMIAH 45:5

Ahlop mônga nang thlop sik chea na-ena aka-om che mo? Kha tlomak roh. Ke’n mi rakip chunga ṭōnse kajōng masō sik, tâk nang chu khova hmun a nasena hmun rakip a, nahringkhō rōk chu inphesōt tor sik che. Rōngpu ke’n kahri jo kae.”

MATTHEW 10:19

Anmani’n anpek sōt chei pha, heimo hri sik khana heikhong mo ṭong sik tia nanmalung manrim mak ruh; apha kha atluk leh nangni’n heimo nanta hri sik kha inpek sik chei.

MATTHEW 13:22

Rahling chap kâra hmuchi invor khachu, aṭong kathei mi, tâk hiva ralei hringkhō malung châmna, nei leh haona khan akabuksia kara nei tor mak.

MATTHEW 6:31

“Khava jâra hing’hin: ‘Khona inphut busâk, tui in sik a-emak leh pōnsi derkei akahong sik?’ tia malung dongna neimak ruh.

MATTHEW 6:34

Khava jâra jîng kani sik malung manrim mak ruh; jîng kania malung inrimpui akatluk hrep leika-om sik. Ani kataia inrimna chunga khan hapsa sik rangei mak.

MARK 13:11

Khana nangni ansur cheia khana ṭongtan hmun a anṭhōi chei pha, heimo hri sik tia ahma inkeia nanmalung mandong mak ruh; apha kha ahong tlung shunga ṭong a’npe chei kha hri ruh. Ajârchu nangni tahri sik ṭong kha nangnia changmak, Rathla Inthenga inphut ajōng kasōk sik kae.

MARK 4:19

tâk hiva hringkhō sik a malung dongna, nei leh hao maduna, khana aralak madu rangeina katamtak hongkahlut a ṭong kha ankabuk sia kara neimak jo hei.

LUKE 12:11

“Anmani intûpna innpuia, vaikarôn leh ṭōnkarônhei hmaikunga ṭong tan sik a anṭhōi chei pha, heikhonga inhrung sik, heimo masôn sik tia malung mandong mak ruh.

LUKE 8:14

Rahling kâra katla hmuchihei khachu aṭong katheihei kae; tâk raleichung hringkhō inrengna, haona leh hōina’n akatōm heia akabuksi hei, khana ankara kha ahei tik a hmintor mak hei.

ROMANHEI 8:32

Ama’n asapa kapha maner loa nikhenga sik a atōksōt jo! Ama’n asapa kha hmen apek sōt jo me achang inchu, heirakip hi mankasea apek mak sik me mo?

CORINTHIANHEI INKHATNA 7:32

Nangni’n malung inrimna inphut masō nanchang sik kamadu. Nuhmei kaneimak mi khan abinga Rōngpu ṭōn kha angeitō, ajârchu Rōngpu mantlai sik amadu.

PHILIPPIANHEI 4:6

Heite inkhat chunga malung inrimna neimak ruh, tâk nanderna rakip a manpâkna malung leh inṭhōia nanta madu rangei kha derṭhak ruh.

TIMOTHY INHNINA 2:4

Sepei re katlo inkhat in achunga ṭong kaneipa malung tlaina sik amandon khana micham hringkhō inrônna leh aṭōn kha manchôm mak.

PETER INKHATNA 5:7

Nanmalung inrimna rakip ahnenga pek ruh, ajârchu ama’n nangni a-ensui ṭhak cheia kae.