MATTHEW 6:24 - LEKHARABU INTHENG (BSI)

²⁴ “Tûte inkhat in akapu 2 sōk chang tor mak; inkhat a-enkada sik a kha inkhat alungset sik; inkhat arazen sik a kha inkhat donmak ning. Nangni’n Pathen leh karōi kha razensap tor mak chei.

MATTHEW 6:24 ပူးပေါင်းရင်းမြစ်များ

A’NPHUTNA 47:17

Khava jâra anranhei Joseph hneng anheikei hei, khana Joseph in anshakor, ankemōng, anke, ansehrat, anshakortung hei kahlânga sâk leh in aleipek hei. Khava kum a khan anranhei leh inthlengna sâk leh in aleisempek hei.

RENGHEI INKHATNA 18:21

Elijah kha mipui langting kaketoua ahri, “Nanmalung syemsōtna sik a heituk kasôt mo alaka-om sik chei? Rōngpu hi Pathen achang inchu, ama kamuk ruh; khana Baal hi Pathen achang inchu, ama kamuk ruh! Tâk-kha mipui he’n ṭong inkhatbek hrisōt mak hei.

RENGHEI INHNINA 17:41

Khava jâra mihei khan Rōngpu kha anleikamuk, tâk-kha anmani limhei kha’m ankamuksa; tuning katlung khana antu-ansa he’n khang’khan anlatlo ṭhak a kae.

EZEKIEL 20:39

Chunghnung Rōngpu’n ati, “Tûnchu, Israel nankhenga malung katlâia om ruh! Se ina nanlimhei kha razen hei ruh! Tâk-kha ke’n kagîk chei kae khava sō leh kei ṭong nantajui sik eng kae khana nanlimhei hneng kutchoi tōkna nanneia kei rahming hmeset pekna nantatlo khachu akahai sik chei kae.

ZEPHANIAH 1:5

Innphu chunga akakea kani leh thla khana ârsihei kamukna akaneihei kha kamanhmang sik hei. Kei inmuk hei khana kei kajui sik a intepna kaneihei, tâk-kha Molech pathen rahminga intepna kaneihei kha’m kamanhmang sik hei.

MATTHEW 4:10

Khava sōa Jesu’n amasôn, “Seitan, Sesōt roh! Ṭong intheng in hinga ati, ‘Nang in Rōngpu na-Pathen rōk kha nakamuk a narazen sik kae!’”

LUKE 16:11

Khava jâra nangni’n raleichung nei nanhmangna rōk a’m taksenthei nanchangmak inchu, nei kadiktak nanhmangna chunga heikhong mo nganse thei akachang sik chei?

LUKE 16:13

“Mi inkhat in akapupa 2 sōk chang tor mak: ama’n inkhat alungset sik, khana inkhat a-enkada sik. Inkhat ṭong ajui sik, inkhat ṭong juimak ning. Pathen sōk leh sêr sōk akoptōa nangni chang tor mak chei.”

LUKE 16:9

Jesu’n ahrisa, “Khava jâra kahri pek chei kae: raleichung neivâng ṭhōn insyem ruh, sêr kha atlang pha kumsôt inna nang anleiratō sik che.

GALATIANHEI 1:10

Hivahi mihring hnōm pekna jongna kahri mo? Kha changkhet mak! Kamadu khachu Pathen mandikna kae! Kei mipuihei manhretna sik kajong mo? Ke’n tûn katlung hin mipuihei manhretna sik eng kalajong achang inchu, kei Christa sōk inkhat changmak ning.

TIMOTHY INKHATNA 6:17

Hiva hringkhō neinâk a akahaohei kha an-inlensak makna sik, tâk an-inhōrna kha akahnetmak nei leh hao chunga changloa, eini hōina sik a heirakip pek hnōmtak a anikapek Pathen chung jôk a anneina sik ṭong kha pek hei roh.

TIMOTHY INHNINA 4:10

Demas in hiva raleichung hi khôk asak jo jâra, adahlon enga Thessalonicating kase jo. Crescens in Galatiating kase jo, khana Titus in Dalmatiating kase jo.

JAMES 4:4

Eh taksenthei kachangmak mihei! Vânhnōi ṭhōn changna hi Pathen kadōi kae ti manhret mak chei mo? Tu achang inum vânhnōi ṭhōn chang sik indu khan Pathen kadōia a’nsyem hei kae.

JOSHUA 24:15

Ama nanrazen hnōm mak inchu, tu mo nanta razen sik kadei ruh, Tuning hin Mesopotamia nanpu sōnhei taleikamuk pathen mo a-emak leh tuna nan-omna Amorhei pathen mo? Kei innshung leh kei sik a chu, Rōngpu kha kanrazen sik.”

SAMUEL INKHATNA 7:3

Samuel in Israel mipuihei hneng ati, “Nangni’n Rōngpu hneng nanmalung pumpuia nanhong inle’nchu ram hlop hei pathenhei leh pathennu Astarte hei kha nantahlonsōt sik hei kae. Nantaksa pumpui Rōngpu hnenga a’npek sōt sik chei kae khana ama rōk nantakamuk sik kae, khana ama’n Philistihei ratha neina inphut ahuksōt sik chei.”