MATTHEW 6:2 - LEKHARABU INTHENG (BSI)

² “Achang jâra akaneimak inkhat hneng nanpek pha, a’nṭhatsak he’n kamukna inna leh hlampui heia kalentak a malârna antatlo kapōa tlomak ruh. Mihei manpâkna chenna sik khanga antatlo kae. Kahri manchên pek chei kae, anmani tloman inpesō jo hei.

MATTHEW 6:2 ပူးပေါင်းရင်းမြစ်များ

HLAHEI 112:9

Sarahei kha malung kalentak a apek hei, khana alungsetna kha tlâksam hêrmak; ama kha ratha anei sik khana kajana achen sik.

HLAHEI 37:21

Mikaṭhamak in mi hnenga avapûk tâk pek male phungmak, tâk mikaṭhahei chu ankutchoi leh anmalung kalen.

ṬONGCHÎK-HEI 19:17

Sarahei hneng pekna nanei inchu, Rōngpu hneng namanpûk kapō kae, Rōngpu’n apek male sik che.

ṬONGCHÎK-HEI 20:6

Mi rakip in ama hi taksenthei leh ṭong kajui kae tia anhri, taksenthei kachangkhet kha tu mo hmuna sik tlo roh kadiktak kha manhretna sik ensui roh!

MI INTHEIPA 11:2

Hmun hlop-hlop a inveina nei roh, hmun katamtak a, ajârchu raleichunga hei vângsetna mo nachunga ahong kasōk sik nang in manhret mak che.

ISAIAH 10:6

Kahnuk inhnat mihei, khōvel jât-hei re kasō sik a ke’n Assyria kha katir. Anmani mipuihei nei kachom sik, inru sik, leh hlamdunga ankachōn rachi sik a katirhei kae.”

ISAIAH 58:7

Nanbu kha von kaṭâm hneng insempui ruh khana inn kaneimak sara kha nan-inna mathlung ruh. Pōnsi derkei kaneimak hei kha pōn pek hei ruh, khana nan-innkō inthōpui sik a hnōm mak tlomak ruh.

ISAIAH 9:17

Khava jâra Rōngpu’n retherhei kha mantlânsōt mak hei ning, khana renghmei leh nu leh pa kase inkhatbek chunga lungsetna malârmak ning, ajârchu mi rakip Pathen neimak hei, ṭhamak hei, khana antahri rakip akaṭhamak rōk kae. Kha achang inum Rōngpu hnuk natna kha la’nchai mak ning, tâk karâkna pekna sik a abân alakalâng ṭhak sik.

HOSEA 8:1

Rōngpu’n ati, “Pengkun manhring ruh! Inrepuihei kha hmurai kapōa karam shunga jōng kaṭumsuk hei! Kami he’n anmani leh kan-intepna kha ansukkhōia kei mantheina kadōia inphin jo hei.

MATTHEW 15:7

Nangni a’nṭhat hlemsak-hei! Isaiah khan nangni chungchânga aleisânsōt kha heituk a akadik jo mo!

MATTHEW 16:3

Khana jîngkâr hmatak a, ‘Khō kasûr sik ajârchu vânsen leh sumphai kadup kasōk,’ nanti. Nangni’n marvân nan-ena khōsûr khōṭhat sik nansânsōt tor a kae, tâk hiva phahei sik a mêrchîkna hei khachu malesōt tor mak chei!

MATTHEW 22:18

Achang ravâng, anṭhatmakna ṭōnmantluk kha Jesu’n amanhret a, “A’nṭhat hlemsak-hei! Heisa mo kei man-ôk sik a a’ntluk chei?

MATTHEW 23:5

Anmani’n heirakip kha mi tahmu sik hnâma antlo. Enruh anmachea leh anbâna ṭong intheng thingbôm antamakhei heiso, heituk a akalenhei mo! Anpōn hmor antamakhei mathlak so heituk a akasei hei mo manhretsa ruh!

MATTHEW 23:6

Anmani’n revei hmun a in-ongna kaṭhapen khana intûpna inn synagogue a in-ongna apui karônpen anmadu;

MATTHEW 24:51

Akapu khan ama kha abong-bonga atan sik khana a’nṭhat hlemsak-hei vângchen kha ama’m amanchen sik. Khana khan kapenga aha akarôt sik jo.

MATTHEW 5:18

Mandon sōt ruh marvân leh ralei a-omlai seng, Dân rahme khana ajâr kasinpen inkhatbek inhmang mak ning, heirakip a’nchai mak hma seng.

MATTHEW 6:16

“Nangni’n bu nanhngōi pha, a’nṭhat hlemsak-hei kapōa akachâm hmaisō malârmak ruh. Bu anhngōi tia mihe’n anmanhretna sik a anhmaisō khachu donmak hei. Kahri manchên pek chei kae, anmani tloman kha inpesō jo hei.

MATTHEW 6:3

Tâk nangni’n akaneimak mi nanpek pha, naṭhōn inhnai puipen kha’num amanhret makna sik tlo ruh.

MATTHEW 6:5

“Nangni’n nander pha, a’nṭhatsak hei kapōa changmak ruh! Ajârchu anmani’n mihmuna sik a kamukna innheia leh hlampui rakir heia kangir heia kae. Kahri manchên pek chei kae, anmani tloman inpekdek jo hei.

MATTHEW 7:5

A’nṭhatsak nang! Ahma inkeia nahmit a inkamre ka-om kha losōt hi roh, khava sō leh nasōpui hmit a innim kasintek ka-om kha losōt theina sik inthengtak a nahmuthei sik.

MARK 12:39

khana intûpna inna leh revei hmun a in-ongna kalûrpen indei hei.

MARK 7:6

Jesu’n amasôn hei, “Nangnihei chungchânga ṭong leikasân Isaiah kha heituk a akadik jo mo! Ama tamazet kapōa, nangni hi mi inṭhatsak chei kae: ‘Hiva mihei hin anbei vâng rōk ankaja eng,’ Pathen in ati, ‘tâk anmalung chu keia inphut kahlatak a ka-om.

LUKE 11:41

Tâk-kha kōklei leh thleng shunga ka-om neinâk-hei kha sara hneng pek hei ruh, khan chu heirakip beklanga intheng sik jo.

LUKE 11:43

“Nangni Pharisee sik a heituk ṭitpek aka-om chei mo! Intûpna inna in-ongna mantlukpek sik chei leh jōrtlânga mi takamuk sik chei nanmadu.

LUKE 12:33

Nanneihei jōr una, sara khōdeng kathei pek hei ruh; nanbinga sik a’nhmang theimak sêrkōk hei inda ruh khana akatlasam hêrmak sik marvâna nei leh hao kha manbuk ruh, ajârchu khahei kha inru’n marûk tor mak khana ra-nge’n sâktor mak a kae.

LUKE 12:56

Eh Inṭhat hlemsak-hei! Ralei leh marvân nan-enna ahong kasōk sik omchen nanmanhret tor; khan chu heisa mo tûnlai pha hichu nantamanhret tor mak?”

LUKE 13:15

Rōngpu’n amasôn, “Eh mi’nṭhat hlemsak nang! Nankâra Châmhngat kani ning nansehratche leh shakōrtung kha tui ka-in sik a anrōnga inphut nanmasōa kae.

LUKE 20:46

“Dân ojahei, anzakkō inse annei pum a akalôn hnōm hei, jōrtlâng hmun a mihe’n kajana chibei antapek sik a indu hei, khana intûpna innpui leh reveina hmun a in-ongna kalûrpen indu heia inphut insing thei ruh;

LUKE 6:24

“Tâk-kha tuna akahao nangni sik a heituk ṭitpek ka-om chei mo; nangni’n hringkhō kahōi nanlei hmang joa kae!

LUKE 6:42

Nahmit a innim inkamre ka-om kha hmutorlo chea heikhong mo nasōpui hneng, ‘Sōpui, nahmit a innim kasintek kha losōtpek che rong,’ nati tor sik? Mi inṭhat hlemsak! Hmakakeia nahmit a innim inkamre kha losōt hi roh, khava sō leh nasōpui hmit a innim kasintek kha nahmu tor sik a kae.

JOHN 13:29

Sonle ṭhahrep in Judas kha ansêr katinta sêrkōk kachoi achang jâra reveia hmangchâk sik a-emak leh misarahei pek sik heikhat incho se rasoh ati kachang sik tia anmandon.

JOHN 5:41

“Ke’n mihring tamanpâk sik jongmak eng.

JOHN 5:44

Nangni inkhat leh inkhat a inphut inchoi inshâng sik nanmadu, tâk Pathen inkhat rōk a inphut choimanshângna chen sik khachu madu mak chei; khava jâra nangni’n heikhong mo nanta taksen tor sik?

JOHN 7:18

Mi inkhat abing ratha neina vâng akaṭong khan abing lûrna sik ajong kae. Achang ravâng ajōng katirpa lûrna sik kajōng ama khachu amalung intheng, khana akadik mak heite neimak.

ṬŌNTLOHEI 10:2

Ama kha beklang tinga malung kahluttak inkhat kae; ama leh a-innshung mi pumpui in Pathen anleikamuk. Sara khōdeng kathei Jehudihei kha atlo theina chenna ale’nthōpui hei khana Pathen hneng um aleider ṭhak.

ṬŌNTLOHEI 10:31

‘Cornelius! Naderna kha Pathen in athei pek jo che khana nami bômna hei kha’m amanhret pek jo che.

ṬŌNTLOHEI 10:4

Ṭitpum a ngeva kha a-en kanga, “Heimo kae, apu?” aleiti. Ngeva khan ati, “Naderna leh nami bômna ṭōn chunga Pathen malung katlai jo, khana masôn sik chea intluk jo.

ṬŌNTLOHEI 11:29

Khava pha Sonlehei khan Judea a ka-om ansōpui, takkasenhei inthōpuina sik a antator kakham manrônna nei sik a inhnōmtō et jo hei.

ṬŌNTLOHEI 24:17

“Kum kasôtjap Jerusalem kaleidahlon sōa, kamihei hneng sêr kalo sik leh inthoina tōkna sik a leikase eng.

ṬŌNTLOHEI 9:36

Joppa hmun a khan Tabitha inti, takkasen nuhmei inkhat leika-om. (Greek ṭonga arahming hi Dorcas kae, “Shakhi” tina kae). Amanu’n aphat nei rakip hi ṭōn kaṭha tlona leh sara khōdeng katheihei inthōpuina aleihmang.

ROMANHEI 12:8

milak-hei mathokna sik achang inchu, mathok sik hei kae. Tu achang inum milak chen aneipui hei kha, malung kalentak a chenpui hei rasoh, tu achang inum ratha kaneihei khan ṭōntlo hrat rasoh; tu achang inum milak chunga lungsetna kanei sik khan katlai senga lungset rasoh.

CORINTHIANHEI INKHATNA 13:3

Ke’n kanei rakip kapek sōt a khana kataksa hi ro mankhutna sik kapha katōksōt tor inum, ke’n lungsetna kaneimak inchu kaṭhatna heite om mak.

GALATIANHEI 2:10

Anmani rup kâra sara khōdeng katheihei kha kanta’nthōpui sik hei hi anmani taleider kha kae, hiva ṭōnkhet hi tlo sik a kalei hngâk-hla kha kae.

EPHESIANHEI 4:28

Malung inthenga anbinga hringtheina anhmuna sik leh sara khōdeng katheihei an-inthōpui torna sik a, inru katlo ṭhak mi kha, inru akabâng sik kae khana ṭōn atlo sik kae.

THESSALONIANHEI INKHATNA 2:6

Mi inkhat a inphut leh nangnia inphut, a-emak leh mihlop-heia inphut manpâkna antapek sik jongmak ung,

TIMOTHY INKHATNA 6:18

Milak-hei hneng malung kalentak a nei leh hao insempui theina sik, ṭōn kaṭha tloa haona sik, akaṭha kha tlona sik a ṭongpek-hei roh.

PHILEMON 1:7

Sōpui marit, nang lungsetna khan, mathokna katamtak leh inpâkna kalentak amannei eng! Nang in Pathen mi rakip hei malung namanhōi pek heia kae.

HEBREWHEI 13:16

Khat leh khat inbômtōa ṭōn kaṭha tlo sik mahngi mak ruh; ajârchu Pathen malung tlaina sik inthoina kha hi kae.

PETER INKHATNA 4:11

Tu achang inum ṭong kahrile khan Pathen ṭong kha ahrile sik kae; mi inzen kha’num Pathen tapek aratha neina dungjuia arazen sik kae, khavakha heirakip chunga Jesu Christa jâra Pathen kha manpâk a a-omtheina sik a kae, lûrna leh ratha hratna ahei tik a Christa ta kae. Amen.

SAMUEL INKHATNA 15:30

Saul in amasôn, “Kei kaset jo eng. Tâk-kha kamipui hlamkakeihei leh Israel rakip hei hmaikunga bekchu kajana anei roh. Rōngpu na-Pathen kha kamukna kanei theina sik kei leh inṭhōia inle rih.”