MATTHEW 6:10 - LEKHARABU INTHENG (BSI)

¹⁰ narengram jōng tlung rasoh; marvâna nalungdo a’ntlo kapōa raleichunga’m intlo rasoh.

MATTHEW 6:10 ပူးပေါင်းရင်းမြစ်များ

NEHEMIAH 9:6

Khava sōa Israel mipui he’n hiva derna hi anleider: “Rōngpu nang, nang rōk Rōngpu che; marvâna ârsihei leh nang in marvânhei khana bōirōk a ârsihei nasyem hei. Nang in ralei leh tuipui khana ashunga aka-om rakip nasyem hei; nang in ankhenga hringna kha napek hei. Marvân ratha kanei he’n inkun heia nang ankamuk che.

HLAHEI 2:6

Ama’n ahri, “Katlâng intheng Zion chunga, kareng kha kaman ong jo,” ati.

HLAHEI 40:8

Ka-Pathen, nalungdo tlo sik kha heituk-hrep kamadu jo mo! Naman theina eng kha kalungria ka’nvona kae,” kalei ti.

ISAIAH 2:2

Akahong sik kani heia Bek-inn ngirna tlângbung kha tlâng rakip kâra a’nshângpen hongkachang sik, hmebung rakip amakhupet sik hei. Jât katamtak kahong inhlut sik hei,

JEREMIAH 23:5

Rōngpu’n ahri, “David sōn mikadik inkhat reng sik a kakadeina sik pha kha kahong jo. Khava reng khan ram pumpui chunga kasing tak a akaṭha leh akadik vânga vai arôn sik kae.

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 4:35

Ama’n ralei mihei heite kaemak kapōa a-en hei; marvâna ngevahei leh raleia mihringhei ama ratha neina thōia ka-om hei. Tûte inkhat in ama lungtup chunga inrepui tor mak hei. a-emak leh ama ṭōntlo chunga ṭongder nei tor mak hei.

DANIEL 7:13

Hiva jân a hmangtalâra hin ke’n mihring kapō inkhat kaleihmu. Ama kha sumtuk in akake khuma kahnenga ajōng hnai eng, khana ama khan ahei tik a akahring ṭhak hneng kasea inpek inhlut a kae.

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

ZECHARIAH 9:9

Inpâk ruh, hōi ruh, Zion mihei. Jerusalem mihei inpâk a ông ruh! Enruh, nanrengpa kha nanhnenga kajōng jo! Ama khan chung sōkna leh torna aneia kahong tâk-kha insinsak tak a shakōrtung aheichōng– shakōrtung tere inkhat aheichōng.

MATTHEW 12:50

Tu achang inum marvâna ka-Pa lungdo katlo kha kasōpuipa, kasōpuinu leh kanuhei kae,” ati.

MATTHEW 16:28

Kadiktak a kahri pek chei kae Mihring Sapa kha Reng inkhat a ajōng ṭum anhmumak kârseng akathimak sik ṭhahrep hinahin ka-om hei.”

MATTHEW 26:42

Vōi khat nôk Jesu kasea avader, “Apa, hiva inrengna kōklei hi kei ta-inmak sik a losōtthei achangmak inchu nang racham kha chang jo rasoh.”

MATTHEW 3:2

“Nansetna inphut inhe ruh, ajârchu marvân Rengram kha kahnai jo!” ati.

MATTHEW 4:17

Khava pha inphut Jesu’n aṭong ahrile manphut jo, “Nanset tloa inphut hong inhe ruh, ajârchu marvân Rengram kha kahnai jo!”

MATTHEW 7:21

“‘Rōngpu, Rōngpu’ tia anikabek rakip marvân rengram a hlutmak hei ning. tâk marvâna kapa lungdo katlo rōk hei kha akahlut sik hei kae.

MARK 11:10

Akajōng sik nipa Reng David rengram kha Pathen in mahâmṭhat pek rasoh. Pathen manpâk ruh.

MARK 3:35

Tu achang inum Pathen lungdo katlo kha kanaipahei, kanainuhei khana kanu kae,” ati.

LUKE 19:11

Mihe’n aṭong kha anlei rangeilai Jesu’n tekâk inkhat ahri pek hei. Tûnchu ama’n Jerusalem aphâkvet jo, khana anmani’n Pathen Rengram kha a’nlârbei sik joa anleimandona kae.

LUKE 19:38

“Rōngpu rahminga akajōng rengpa kha Pathen in mahâmṭhat pek rasoh! Marvâna mōngna om rasoh khana Pathen kha chunghnung pena lûrṭhak rasoh,” anti.

LUKE 22:42

“Apa, nalungdo achang inchu, hiva inrengna kōklei hi keia inphut alosōt pek roh. Tâk-kha kei lungdo intlo mak sona nang lungdo intlo rasoh,” ati.

JOHN 4:34

Jesu’n anhnenga, “Kei bu khachu anijōng katirpa lungdo pui katluk a tlo mathluk sik kha kae,” ati.

JOHN 6:40

Ajârchu Sapa kahmua akataksen rakip in kumsôt hringna anneina sik a kae. Khana a’nchai ning kani khan anmani kahringa kamathōi sik hei.”

JOHN 7:17

Tu achang inum Pathen lungdo tlo sik akatup mi khan kaman theina hi Pathena inphut akajōng a-emak leh kabing ratha neina vâng kahri kae ti hi amanhret sik.

ṬŌNTLOHEI 13:22

Ama kha alosōt sōa, Pathen in David kha reng amanchang. Ama chungchânga Pathen in hing’hin aleihri: ‘Kamantlo hnōm kalungdo rakip akatlo sik, Jesse sapa David kha kami madutak kae,!’

ṬŌNTLOHEI 21:14

Keini’n jôr manhnōm tor mak jo ung, khava jâra kanbânga, “Rōngpu lungdo kha chang jo rasoh,” kanleiti.

ṬŌNTLOHEI 22:14

Ama’n, ‘Nipusōnhei Pathen khan alungdo inhret sik a, akadik Asōkpa akahmu sik a leh akaresōkhet a aṭong hri kathei sik a akadeisōt jo che kae.

ROMANHEI 12:2

Hiva raleichung chônngaia om mak ruh, tâk pui katluk malung inthenga khan Pathen in nanshunga thleng chei rasoh. Khava sōa heimo akaṭha, malung tlaina khana pui katluk, Pathen lungdo hei kha nanmanhret tor sik.

EPHESIANHEI 6:6

Anmani’n anhngâklai rōk cheia, anmani mantlâina sik changloa, Christa sōk kapōa Pathen tamadu hlam a malung kahlut a aṭōn tlo ruh.

COLOSSIANHEI 1:13

Ama’n eini khō inthim ratha hratna inphut ahuksōt jo me, khana asapa marit rengram shunga kahringa aṭhōi manhlut jo mea kae,

COLOSSIANHEI 1:9

Khava jâra keini’n nangni ṭong kanthei lim a inphut derna kanneipek ṭhak chei. Arathla tapek chei manhret theina leh singna rakip leh inṭhōia alungdo manhretna kha amansipna sik chei keini’n Pathen hneng kanderpek ṭhak cheia kae.

THESSALONIANHEI INKHATNA 4:3

Jông leh kîk a inphut pum inthenga nan-inthengseng sik hi Pathen tamadu kha kae.

THESSALONIANHEI INKHATNA 5:18

Heirakip chunga mi manpâk thei ruh. Christa Jesu leh inchunna shunga nanhringkhōa khanga nantatlo sik kha Pathen tamadu kae.

HEBREWHEI 1:14

Khan chu marvân ngevahei kha heijo heihmen? Anmani ankhenga Pathen inzen rathlahei kha kae, khana hukmanhringna kachen sik senghei inthōpui sik a ajōngtir hei kae.

HEBREWHEI 10:36

Pathen ṭongtep chenna sik leh alungdo tlona sik a nantadehrat sik arangei.

HEBREWHEI 10:7

Khana ke’n kahri, ‘Dânrabu a kei chungchânga a’nzet kapōa, nalungdo katlo sik a kei hin ka-om eng, Eh Pathen.’”

PETER INKHATNA 2:15

Mikamo he’n hei manhret loa anhrina kha, nanṭōn kaṭha tlo vâng nantamandai sik hi Pathen in amadu chei.

PETER INKHATNA 4:2

Khava jâra tuna inphut a nanralei hringkhō hi mihring tamadu dungjuia changloa, Pathen lungdo dungjuia akahring nger sik chei kae.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 12:10

Khava sōa marvân chunga rasa inhnaktak inkhat katheia hing’hin ahri, “Tûnchu Pathen huksōtna kha kajōng jo! Tûnchu Pathen in Reng changna aratha neina kha amalâr jo! Tûnchu ama Messiah khan aratha neina kha amalâr jo! Ajârchu asûn-ajâna nisōpuihei masetna kapek ṭhak, Pathen hmaikunga kangirpa kha marvâna inphut hlon mathlâk a ka-om jo.

ṬONGPHÔNG 19:6

Khava sōa mipui katamtak rasa kapōa tôngtui rasa kapō, khōjang kapōk, khō inri rasa kapō ke’n katheia hing’hin ahri, “Hallelujah! Ajârchu ni-Pathen Akahratpen Rōngpu kha Reng kae!

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.