MATTHEW 5:8 - LEKHARABU INTHENG (BSI)

⁸ “Malung intheng hei kha anmahâm kaṭha; Pathen antahmu sik kae!

MATTHEW 5:8 ပူးပေါင်းရင်းမြစ်များ

A’NPHUTNA 32:30

Jacob in, “Ke’n Pathen kha hmai leh hmai intōa ka’nhmupui jo, kha’num lakahring ṭhak eng,” ati; khava jâra ahmun kha Peniel aphō jo.

SAMUEL INHNINA 22:27

Malung intheng hei hnenga namalung intheng; tâk mikaṭhamak-hei hnenga na’nrepuihei.

HLAHEI 15:2

Heirakip a Pathen ṭong kajuihei, ahei tik a ṭōn kadik katlohei, malung intheng leh ṭongdik kahrihei,

HLAHEI 18:26

Malung intheng hei hnenga namalung intheng, tâk mikaṭhamak-hei chu nadōi hei.

HLAHEI 24:4

Anmani khachu ṭōn tlona leh mandonna malung intheng hei, limsyem inmukmak hei, khana maleiseia intepna kaneimak hei kha kae.

HLAHEI 51:10

Eh Pathen, kashunga malung intheng asyempek roh, khana kashunga ṭong kajui rathlather adapek roh.

HLAHEI 51:6

Malung intheng leh akadik kha nang in namadu; nasingna kha kashunga ada mansip pek roh.

HLAHEI 73:1

Pathen hi Israelhei sik, malung intheng hei sik a akaṭhatak kha kae.

ṬONGCHÎK-HEI 22:11

Lungsetna ṭongsō khana malung intheng namadu’n chu, rengpa kha naṭhōn kachang sik.

ṬŌNTLOHEI 15:9

Ama’n einihei leh anmani anikhōi ṭhenna heite damak jo, ajârchu anmani’m antaksenna jâra ansetnahei arangei mandam pek jo hei.

CORINTHIANHEI INKHATNA 13:12

Tûna nihmu hichu thle enna lim inhmakrōi kapō kha kae; khava sō leh chu hmai leh hmaia nilahmu sik. Ke’n tuna kamanhret hi ahar hrepte kae; khava sō leh chu pui katluk a, Pathen in pui katluk a amanhret eng kapōa kamanhret sik jo.

CORINTHIANHEI INHNINA 7:1

Kaṭhōn marit hei, hihei seng hi eini hnenga aṭongtep kha kae. Taksa leh rathla a’ntheng makna inphut nibing et a inthengsōt rih. Khava jâra Pathen kaṭittak a om me sona, pui katluktak a inthengna sik jong rih.

TITUS 1:15

Mi intheng hei sik a heirakip intheng; tâk a’nthengmak hei sik a leh akataksenmak hei sik a chu a’ntheng inkhatbek om mak, ajârchu anmanhretna leh anmandon ṭhen theina kha intheng mak a kae.

HEBREWHEI 10:22

Khava jâra mandon ṭhentheinahei themmô rôn kha, sôp mantheng seng jo malung leh, tui intheng vâng rasi mantheng seng taksahei leh, malung inthengtak leh, taksenna inchêntak a Pathen hneng hong rih.

HEBREWHEI 12:14

Mi rakip leh intōk inchamna sik leh hringkhō inthenga omna sik tak intlo ruh, ajârchu khava loa chu tûte’n Rōngpu kha hmutor mak ning.

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.

JAMES 3:17

Tâk-kha chunga inphut a singna khachu, hma inkeipena a’ntheng kae; khan chu mōngna kasip, nunkahōi, ṭhōn changtheina kha kae; hivahin lum lona kasip khana ṭōn kaṭha kara khômna kha amannei; hivahi inṭhat hlemsakna leh ôtum aka-om hêrmak kha kae.

JAMES 4:8

Pathen heihnai ruh, khan chu ama’n ahei hnai sik chei. Eh mikaset-hei; nankut sôp mantheng ruh! Eh a’nhri inṭhat hei, nanmalung mantheng ruh!

PETER INKHATNA 1:22

Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

ṬONGPHÔNG 22:4

Anmachea arahming inzet sik, khana anmani’n Ahmai kha anhmu sik.