MATTHEW 5:6 - LEKHARABU INTHENG (BSI)

⁶ “Pathen lungdo katlo hnōm hei kha anmahâm kaṭha; Pathen in pui katluk a amankhop sik hei!

MATTHEW 5:6 ပူးပေါင်းရင်းမြစ်များ

HLAHEI 107:9

Tui kahre hei tuihre amanchim pek hei, khana von kaṭâm hei kha akaṭha sâk thei vâng amankhop hei.

HLAHEI 145:19

Ama kajana kapek hei tarangei rakip apek hei; anṭap rasa athei pek hei khana ahuk hei.

HLAHEI 17:15

Tâk-kha kei chu, ṭhatmak katlomak jâra nang kahmu sik che; khana kahong inṭhang pha na-ompuina eng khan inpâkna amansip phet sik eng.

HLAHEI 63:5

Karathla kahōi sik khana katlâi sik jo, khana nachoi ka-ânna hla kahōi kasak sik jo.

HLAHEI 65:4

Nang in nakadeisōt hei kha, nahmun inthenga aka-om sik a najōngṭhōi hei kha, mikahōihei kae. Na-inn shunga neinâk intheng hei leh nabek-inn intheng shunga vângpekna hei vâng khan, keini katlâi sik ung.

HLAHEI 84:2

Khana khan heituk a aka-om hnōm jo eng mo! Pathen inna khan om sik kahngâk hla. Kamalung rakip leh akahring Pathen hneng inpâkna hla kasak.

ṬONGCHÎK-HEI 10:24

Mikadik he’n antamadu kha anchen, tâk mikaṭhamak he’n antaṭitpen kha anchen sik.

ṬONGCHÎK-HEI 21:21

Mi lungset thei roh malung inthenga om roh; khan chu nahringsei kasôt sik; mihe’n ankaja sik che khana kaṭha anrazen sik che.

HLAHEI HLA 5:1

Karahōn shunga kahlut jo eng kalungdinu, kalômnu. Marim katui kareibō thingbō kakhôm manchun hei; Kakhōihning leh khōithlar hei kasâk hei; Kasene leh kaju ka-in hei. Lungset a nan inrui mak hma seng in ruh, sâk ruh kalungset hei seng.

ISAIAH 25:6

Hina Zion Tlâng chunga Chunghnung Rōngpu’n raleichunga jât rakip sik sâktlâng amantluk sik, akatuipen thlai leh ju sâktlâng kae.

ISAIAH 41:17

“Kami he’n tui in sik anmadu pha, khana tuihre jâra ankadang achar pha, khava sōa Rōngpu ke’n anderna kha kamasôn sik; Israel Pathen ke’n anmani dahlon hêrmak hei ning.

ISAIAH 44:3

“Ke’n ram kachâr hmun a tui kapek sik, ralei chârna kavadung kaman lōng sik. Ke’n nasahei chunga karatha hratna kajōng bun mathlâk sik, khana nasōnhei chunga kamahâm ṭhatna kapek sik hei.

ISAIAH 65:13

Khava jâra kahri pek chei kae, kaṭong kajuia ani-inmuk hei kha sâk leh in anhao sik, tâk nangni chu nanvon kaṭâm sik khana nantui kahre sik. Anmani kahōi sik hei, nangni hmeset nanchen sik.

ISAIAH 66:11

Nangni’n amanu nei leh haona kha nanta hōipui sik kae, naidông anu netui ka-in kapōa.

JEREMIAH 31:25

Ke’n akaṭōiber hei kha kamanngar sik hei khana vonṭâma akatlasam hei kha kamankhop sik hei.

LUKE 1:53

Ama’n von kaṭâm hei kha akaṭha neinâk vâng anvon amankhop pek hei, khana akahaohei kha kut karōk a atirsōt hei.

LUKE 6:21

“Tuna von kaṭâm nangni nanmahâm kaṭha; nangni alakakhop sik chei kae! Tuna akaṭap nangni nanmahâm kaṭha; nangni nantala manui sik kae!

LUKE 6:25

“Tuna von kakhop nangni heituk ṭitpek ka-om chei mo; nanvon alakaṭâm sik kae! Tûnlaia a’nnui nangni heituk ṭitpek ka-om chei mo; alakaṭap cheia ṭajai nantalasui sik kae!

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JOHN 6:27

A’nhmangthei bu jongna sik a ṭōn rahnak a tlomak ruh; khava kanek a, kumsôt hringna bu jongna sik ṭōn rahnak a tlo jôk ruh. Hiva bu hi mihring Sapa’n apek sik chei, ajârchu Pa Pathen khan ama chunga hnōm pekna mêrchîkna adapek jo kae.”

JOHN 7:37

Revei inchai ning alûrpen ning kani khan Jesu kangirsōt a rasa inhnaktak a ahri, “Tui kahre tu achang inum kahnenga akahong sik kae,

ṬONGPHÔNG 7:16

Anmani anvon ṭâmhêr mak jo ning, antui um hrehêr mak jo ning; khan chu kanisat in kâng mak jo hei ning,