MATTHEW 5:37 - LEKHARABU INTHENG (BSI)

³⁷ ‘Ôk’ a-emak leh ‘Dâng’ ti hnâm ruh, hiva kakhea nahri kha Akaṭhamak Inkhatpa a inphut ahei kasōk kae.

MATTHEW 5:37 ပူးပေါင်းရင်းမြစ်များ

MATTHEW 13:19

Rengram ṭong chu anthei jo hei, tâk-kha manhret theilo mihei kha hlamdunga akatla hmuchi kapō hei kae. Akaṭhamak Inkhatpa kha kahonga anshunga a’nvor hmuchi kha alosōt pek jo hei.

MATTHEW 13:38

hlei kha vânhnōi ralei hi kae; hmuchi kaṭhahei kha rengram a mihei kha kae; kaharhei kha Akaṭhamak Inkhatpa mihei kha kae;

MATTHEW 15:19

Ajârchu alungria inphut lungthim kaṭhamak, mi thatna, jôngna, khana ṭhatmak omchen tlona, inruna, maleisei, mi hrimasetna hei hi ahong kasōk kae.

MATTHEW 5:36

Khan chu nanlu kapan a ṭong sekamna neimak ruh, ajârchu nangni’n nansam rahme inkhat rōk um manbang achangmak leh mandum tor mak chei.

MATTHEW 6:13

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

JOHN 17:15

Anmani vânhnōi raleichunga inphut nalosōtna sik heia dermak che eng, tâk Akaṭhamak Inkhatpa inphut nahrung sik hei hi kader che kae.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

EPHESIANHEI 4:25

Maleisei tlohêr mak jo ruh! Nangni khat leh khat hneng akadik nanta hri nger sik kae, ajârchu eini nikhenga Christa taksa bâk et me kae.

EPHESIANHEI 6:16

Ahei tik a taksen kha pho kapōa inrôn ṭhak ruh; ajârchu Akaṭhamak Inkhatpa khan the hmei kasûk ajōng kâp kha khahei vâng rōk khan nanthat tor sik a kae.

COLOSSIANHEI 3:9

Inkhat leh inkhat maleisei intlo mak ruh, ajârchu nantak marō leh a-omchen ngai kha nantahlonsōt jo kae,

COLOSSIANHEI 4:6

Nanṭongsō ahei tik a rangei akahōi sik khana rangei hnōm akakai sik kae, khana mi rakip kadik a masônje nantamanhret sik kae.

THESSALONIANHEI INHNINA 3:3

Achang ravâng Rōngpu khachu taksen ka-om tak kha kae, ama’n Akaṭhamak Inkhat a inphut ahuksōt sik chei khana nanratha amanngarpek sik chei.

JAMES 5:12

Kasōpuihei, heirakip chunga, nangni ṭong nan-intep pha inhâksêr mak ruh; marvân kapan a, ralei kapan a, heikhat kapan a inhâksêr mak ruh. Nanhnōmna kha “Ôk”, nandana kha “Dâng”, ti hnâm ruh, kha achang inchu nangni Pathen ṭong tanna thōia om mak tin chei.

JOHN INKHATNA 2:13

Pahei, nanhnenga kaheimazet kae ajârchu a’nphutbia aleika-om ama kha nangni’n nanmanhret joa kae. Khangdônghei, nanhnenga kaheimazet kae ajârchu nangni’n Akaṭhamak Inkhat kha nantor joa kae.

JOHN INKHATNA 3:12

Cain intipa kapō kha akachang hêrmak sik me kae; ama chu Akaṭhamak Inkhatpa ta kae khana asōpuikhet Abel kha aleithat a kae. Heisa mo Cain in ama kha aleithat? Ajârchu ama khet ṭōntlo kha leidikmak, tâk asōpuipa ṭōn leitlo khachu kadik a kae.

JOHN INKHATNA 5:18

Pathen sa inkhatbek in setna tlomanjôn mak jo ti eini’n nimanhret, ajârchu Pathen Sapa khan akahuk hei khana akaṭhamak inkhat khan suk manset tor mak hei.