MATTHEW 5:3 - LEKHARABU INTHENG (BSI)

³ “Rathla a antlâksamna inhret hei anmahâm kaṭha; marvân rengram kha antâ kae!

MATTHEW 5:3 ပူးပေါင်းရင်းမြစ်များ

THUHMINGHEI INHNINA 33:12

Ama inrengna shunga khan ama hong insinsak jo, apathen hnenga hong inhe jo, khana inthōpuina sik a ader jo.

THUHMINGHEI INHNINA 33:19

Rengpa derna khana Pathen masôna, ama’n amalung athleng mak hma asetna tlohei, ṭhatmak atlo hei, khōvelhei kamukna hmun, khana ama’n aleisyem Asherah pathennu limhei, khana ama’n akamuk limsyem ralak-hei ankhenga Sânkathemhei Thuhming Rabu a inzet heia kae.

THUHMINGHEI INHNINA 33:23

Tâk-kha apa leh in-ang loa, ama kha insinsak mak, khana Rōngpu hneng hong inhe mak a kae; apa kanek a kakhea kasetchet a kae.

THUHMINGHEI INHNINA 34:27

khana ke’n Jerusalem leh amihei karâkna sik a kamaṭhit hei pha, kahma kunga insir chea insinsak jo che, napōn nakei hlera kaṭap che. Naderna ke’n kathei jo,

THUHMINGHEI INHNINA 7:14

anmani’n kahnenga derna anneia, anmalung anthlenga anṭhatmak tlona inphut anhong inhea achang inchu anderna kha marvâna kathei pek sik hei, ansetna karangei mandam sik hei, avea anram kha kara kamanpung pek sik hei.

JOB LEKHARABU 42:6

Khava jâra kaṭong leihri hei seng chunga inzak jo eng ravut leh vaiphin shunga kamalung kathleng jo.

HLAHEI 1:1

Mikaṭhamak-hei mansena inhlângmak, mikaset-hei omchen kajuimak, a-emak leh Pathen sik a hnemna kase hei kâra akatlamak mihei kha mikahōihei kae.

HLAHEI 112:1

Rōngpu kha choi ka-ân ruh! Rōngpu kajana kapek hei kha mikahōihei kae; aṭongpek juia akatlâi hei kha kahōihei.

HLAHEI 128:1

Rōngpu ṭong kajuihei leh aṭongpek a akahring hei kha mikahōihei kae.

HLAHEI 146:5

Anmani inthōpui sik a Jacob Pathen akaneihei khana an-Pathen Rōngpu hnenga a’nngai hei,

HLAHEI 2:12

Ratha innok pum a ahnenga inkun ruh; kha achangmak inchu ahnuk kha inranga hongkana sik, khana nangni inrangtak a kathi sik chei. Ama tahrung sik a ahnenga akase rakip kahōihei!

HLAHEI 34:18

Rōngpu kha inngamna kaneimak jo hei hnenga ka-om; inhōrna kaneimak jo hei kha ahuk hei.

HLAHEI 41:1

Sarahei sik lungkhamna kaneihei kha mikahōihei kae; anmani’n bōina anratō pha Rōngpu’n a’nthōpui sik hei.

HLAHEI 51:17

Eh Pathen, rathla insinsakna kha kei inthoina kae; nang in malung insinsak leh insirna hi hlonsōt mak tin che.

HLAHEI 84:12

Nang kataksenhei kha heituk a akahōi hei mo, Akahratpen Rōngpu!

ṬONGCHÎK-HEI 16:19

Êngkasehei kâra inkhat changa, inru neinâk insempui sik hei kanek a chu sara changa insinsak a om hi kaṭha jôk.

ṬONGCHÎK-HEI 29:23

Racham kase hin thōi tlâkna amannei sik che, tâk na’nsinsak inchu, mi’n ankaja sik che.

ṬONGCHÎK-HEI 8:32

“Tûnchu, khangdônghei, kahri hi rangei ruh. Kahri kapōhrep a tlo ruh, nangni inpâk sik chei.

ISAIAH 30:18

Kha’num Rōngpu’n lungset sik alahngâk ṭhak chei. Ama’n ahei tik a ṭōn kadik atlo ṭhak jâra nangni lumlo sik cheia intluk a kae. Rōngpu chunga taksenna kaneihei kha mahâm kaṭhahei kae.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 61:1

Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

MICAH 6:8

Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

MATTHEW 11:25

Khava pha khan Jesu’n, “Apa, marvân leh ralei Rōngpu, kamanpâk che, ajârchu mikasing leh mikathemhei hneng naleithup kha akathemmak hei hneng namalâr jo.

MATTHEW 11:6

Kei chunga malung inkei-chiona kaneimak mi kha heituk a vâng kaṭha mo!” ati.

MATTHEW 13:16

“Tâk nangni chu heituk a mahâm kaṭha jo chei mo! Nanhmit hei in ahmua nankōrhei in athei jo.

MATTHEW 19:14

Jesu’n anhnenga, “Naipanghei kha kahnenga heimanhong hei ruh, khâm mak hei ruh, ajârchu marvân Rengram kha anmani kapō hei ta kae,” ati.

MATTHEW 24:46

Akapupa inna ajōng pha khanga aleikatlo sōk kha heituk a mikahōi mo!

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

MATTHEW 3:2

“Nansetna inphut inhe ruh, ajârchu marvân Rengram kha kahnai jo!” ati.

MATTHEW 8:11

Inchêna kahri pek chei kae nisō leh tlaitlâk tinga inphut mi katamtak kahong sik hei, khana Abraham, Isaac khana Jacob leh marvân rengram a revei sâkna in-ongsap sik hei.

MARK 10:14

Jesu’n kha amanhret pha, ahnuk kana a, asonlehei hneng ati, “Naipanghei kha kahnenga heimanhong hei ruh, khâm mak hei ruh, ajârchu Pathen Rengram kha anmani kapō hei ta kae.

LUKE 11:28

Tâk-kha Jesu’n aleimasôn, “Khava nek a, Pathen ṭong katheia akajuihei kha heituk a akahōi sik hei mo!” ati.

LUKE 18:14

Jesu’n ati, “Ke’n kahri pek chei kae, Pharisee changloa, ramsêr kaṭheipa kha a-inna a’nle pha Pathen hneng dikna achen jôk a kae. Ajârchu, binga a’nchoi inshâng rakip kha insu-inhnem sik, tâk binga a’nsinsak rakip kha choi manshâng sik kae.”

LUKE 22:29

kapa’n kei vairônna sik ratha apek jo eng kapōa, khava ratha khet kha ke’n nangni kapek sik chei kae.

LUKE 22:30

Karengrama kadokhâng chunga nansâk sik nan-in sik khana Israel phung 12 chunga vai karôn sik a reng in-ongna in-ong sik chei.”

LUKE 4:18

“Rōngpu Rathla kha kachunga ka-om, ajârchu sara khōdeng katheihei hneng ṭong kaṭha kahri sik a akadei jo eng. Sura ka-om hei hneng masōna ṭong avakahri inthangle sik leh hmitkachohei khō hmuna sik atir jo eng; suk manrima ka-om hei masōna sik,

JOHN 20:29

Jesu’n ahnenga, “Nang in kei nahmu eng pha tōa nataksen mo? Kaka hmumak a akataksenhei heituk-hrep a anmahâm akaṭha jo mo!” atipek.

DÂNRABU INHNINA 8:2

Heikhonga mo hiva kum 40 nêrdiram a hlam hro kaseitak Rōngpu nan-Pathen in aheikei chei kha mandonsōt ruh, heimo tlo sik nanta madu khana aṭongpek nantajui nâk sik mo ti manhretna sik, nangni enmansinna intak kha ajōng tira kae.

JAMES 1:10

khana Christian mikahaohei kha Pathen in asuk manhnem hei pha ala’npâk sik hei kae. Ajârchu nei leh hao kha kaharpâr aṭōi kapōa ala’nhmang sik kae.

JAMES 1:12

Enmansinna shunga taksenthei kachang ṭhak kha mikahōihei kae, ajârchu enmansinna kha anrakan tor inchu, Pathen in alungset hei hneng pek sik a aṭong tepsa hringna lenlukhu kha tloman antarahlâng sik kae.

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.

ṬONGPHÔNG 19:9

Khava pha ngeva khan kahnenga ahri, “Hi mazet roh: Kemōngte hmōiṭhōina reveia a’nbek mihei kha mikahōihei kae.” Khana ngeva khan ahri nôk, “Hivahi akadik Pathen ṭonghei kha kae.”

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.

ṬONGPHÔNG 3:17

Nang in, ‘Kei kahao eng khana kanei; kamadu rangei rakip kanei,’ nati. Tâk-kha heituk-hrep a a’nreng che khana lungset aka-om che mo! kha nang in manhret mak che! Nang nahmit kacho, pōnsi derkei kase, sara che kae.