MATTHEW 5:29 - LEKHARABU INTHENG (BSI)

²⁹ Khava jâra nachang tinga nahmit in setna amantlo che achang inchu, khersōt inna hlon roh, ajârchu nataksa pumpui hmeikhura hlon manhlut kanek a, nataksa bâk inkhat inhmang kha nang sik a kaṭha jôk.

MATTHEW 5:29 ပူးပေါင်းရင်းမြစ်များ

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

MATTHEW 11:6

Kei chunga malung inkei-chiona kaneimak mi kha heituk a vâng kaṭha mo!” ati.

MATTHEW 16:26

Mi inkhat in vânhnōi ralei pumpui hi chen sona, arathla amanhmang jo’nchu ama sik a heimo ahnemna aka-om? Heite om mak! Rathla inhmang kha chenmale nôkna sik a apektor heite om mak.

MATTHEW 17:27

Kha’num eini’n hiva mihei hi makhe hnōm mak hei me. Nang dîra son vase inna khoi vakei roh. Hma inkeipen nga akhit kha keisōt roh, abei shunga kei leh nangnihei sik bek-inn sêrṭhei akatluk hrep sik sêr leika-om sik. Lo inna eini sêrṭhei kha pek jo hei roh,” ati.

MATTHEW 19:12

Ajârchu mihe’n lu anhông makna ajâr katamtak ka-om: ṭhahrep in khanga ajo’nte ka-om hei, alak he’n khanga mihring tasyem ka-om hei, khana alak he’n marvân Rengram sik a lu kahongmak um ka-om hei. Hiva ṭong hichu akalotor mi khan inlo rasoh.”

MATTHEW 23:15

“Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Mi inkhat malung manthlengna sik tui-ôngpui heia intôr chei, rengram pumpui nanrakan; khana hme nansō jo pha, nangnihei kanek a ama kha tehni kakhea hmeikhur hlutna sik rahōi kasōk nanmanchang!

MATTHEW 23:33

Nangni hrisehei hrise sōnhei! Hmeikhur chen sik a inphut heikhong mo tlânsōt sik a a’nngam chei?

MATTHEW 5:22

Tâk tûn ke’n kahri pek chei kae: tu achang inum asōpui chunga hnuk kana mi kha aṭong a’ntan sik kae. Tu achang inum asōpui kha, ‘Ṭhatna kase’ ati’nchu, Sehmang-pachonghei hmaikunga ṭhōi sik kae; khana tu achang inum asōpui hnemna kase, mikamo ati’nchu, hmeikhur jōnna thinathei shunga aka-om sik kae.

MATTHEW 5:30

Nakut changting in setna amantlo che achang inchu, tansōt inna hlon roh! Ajârchu nataksa pumpui hmeikhura ahlut sik kanek a, nabân inkhat inhmang kha nang sik kaṭha jôk.

MARK 8:36

Mihe’n vânhnōi pumpui chen hei sona tâk anrathla a’nhmang inne, ahnemna heimo aka-om? Ahnemna om mak!

LUKE 12:5

Tu mo ṭit sik kha manhmu chei rong: taksa athatsōa, rathla kha hmeikhura hlon manhlutna ratha kanei, Pathen kha ṭit ruh. Ataksen ruh, nantaṭit sik kha ama kha kae!

ROMANHEI 6:6

Khana eini setna sōk nichang nôk makna sik, nibing set ratha hratna kha manhmangna sik, ni-omchen marō kha thingrake chunga Christa leh thatsap jo hei kae, ti hi eini’n nimanhret.

ROMANHEI 8:13

Ajârchu nangni mihring ngai tamadu dungjuia nanhring inchu, kathi sik chei; tâk Rathla khan nanset ṭōntlohei kha nanmanhai inchu, kahring sik chei.

CORINTHIANHEI INKHATNA 9:27

Milak-hei kha in-erna sik anhei beksō jo hei pha, kei kha kadei mak kachangmakna sik kataksa hi kaman ngara a’nkhîm eng kae.

GALATIANHEI 5:24

Khana Christa Jesu ta kachang mihei seng khan chu antaksa tamadu leh rangei seng kha antathatsō jo kae.

COLOSSIANHEI 3:5

Nanshunga ṭōnkatlo raleichung tamadu leh tarangei hei khachu nantathat nger sik hei kae, khahei khachu: jông leh kik katlo, omchen kase, hur leh êm, ṭhatmak maduna, khana phâmrai kase, (phâmrai kase hi limsyem kamukna inkhat kae) hihei seng hi kae.