MATTHEW 5:24 - LEKHARABU INTHENG (BSI)

²⁴ nakutchoi kha maichâm hma khan da hi roh, inranga se ina nasōpui kha va’nchampui hi roh, khava sō leh hong inle ina nakutchoi kha Pathen hneng vatōk roh.

MATTHEW 5:24 ပူးပေါင်းရင်းမြစ်များ

JOB LEKHARABU 42:8

Tûn nangni’n sehratche 7 leh kemōngche 7 Job hneng heikei ruh, nanbing sik a inthoina vatōk ruh. Job in nangni sik a aderpek sik chei, ke’n ama derna kha kamasôn sik, khana nanrahōi kasōk inzakna kha pek mak chei ning. Kei chungchânga ama’n ṭongdik ahri kapōa, nangni hrimak cheia kae.”

ṬONGCHÎK-HEI 25:9

Innsak inthlang mi leh nanmalung intōk makna a-om inchu, khavakha malârhêr loa nankâra inchampui hei roh.

MATTHEW 23:23

“Dân ojahei leh Phariseehei, heituk a ṭitpek ka-om chei mo! Nangni a’nṭhat hlemsak-hei! Nangni’n reihing, patikhôm, khana maru-marâng sem sôm chu nanpek, tâk nangni’n akakhôk pen Dânhei khachu heitea sakmak chei, khahei khachu akadik, lungset leh malung intheng hei hi kae. Alakseng um heisakmak tlo loa hivahei hi nantatlosōt sik kae.

MATTHEW 5:23

Khava jâra maichâm chunga nang in Pathena tōk sik kutchoi nahei choi inchu, khana khan nasōpui inkhat in nachunga adōina che kha namandonsōt inchu,

MARK 9:50

“Chi hi akaṭha kae. Tâk a-êna kha asep jo’nchu, heikhong mo nantaman-ê thei nôk sik? Nangni ṭhōn inchangna chi kha nanbing kâra nei ruh, khana inkhat leh inkhat kamōnga om ruh.”

CORINTHIANHEI INKHATNA 11:28

Khava jâra mi rakip ama abinga in-ensui sona buhlom kha sâk rasoh, khan chu kōkleia khan in rasoh.

TIMOTHY INKHATNA 2:8

Bekrup kamukna rakip a, Pathena a’npek sōt pase he’n antader sik kha kamadu khana inkhena leh hnuk natna omloa ankut ankalânga andertheia kae.

JAMES 5:16

Khava jâra nangni inkhat leh inkhat nansetnahei inhri sōttō una, nandam theina sik inderpek ruh. Mikadik derna khan ratha kaneitak a ṭōn atlo.