MATTHEW 5:22 - LEKHARABU INTHENG (BSI)

²² Tâk tûn ke’n kahri pek chei kae: tu achang inum asōpui chunga hnuk kana mi kha aṭong a’ntan sik kae. Tu achang inum asōpui kha, ‘Ṭhatna kase’ ati’nchu, Sehmang-pachonghei hmaikunga ṭhōi sik kae; khana tu achang inum asōpui hnemna kase, mikamo ati’nchu, hmeikhur jōnna thinathei shunga aka-om sik kae.

MATTHEW 5:22 ပူးပေါင်းရင်းမြစ်များ

A’NPHUTNA 37:4

A-u he’n anmani kanek a anpa khan Joseph kha alungset det ti kha anhong manhret a annaipa kha anlei enkada a kahōi kaṭha leirakôk mak hei.

A’NPHUTNA 37:8

A-uhei khan, “Nang in reng ahong kachang chea kanchunga vai nalahongrôn sik tia namandon mo?” tia ander. Arahmang hei jâra leh khahei seng aleihrina jâra khan anlei en kadachet joa kae.

SAMUEL INHNINA 16:7

Shimei in ahâksêra ati, “Sesōt roh! Sesōt roh! Mikathatpa! Akaṭhepa!

SAMUEL INHNINA 6:20

Khava kahnunga, David in a-innshunghei chibei kapek ase pha, ama intōpui sik a Michal kha heikasōk. Amanu’n ati, “Tuning chu Israel reng in abinga arahming inchoi inshâng jo! Ama’n aṭōnpui karônhei sōk nuhngâk-hei hmit-hmua mi invet inkhat kapōa inlârsōt jo!”

RENGHEI INKHATNA 21:4

Naboth ṭonghri khan Ahab kha malung hōimakna leh hnuknat pum a a-inna kase jo. Ama rakhuma kajea ahmai bang lang ahnget a, bu sâk mak jo.

THUHMINGHEI INHNINA 16:10

Hiva ṭonghri jâra hin Asa kha ahnuk kana hêr joa ama kha akhit a ada joa kae. Hiva phalai hin kae Asa khan mi ṭhahrep êng kasetak a aleirazen hei kha.

THUHMINGHEI INHNINA 19:5

Judah hei kur tukkhum khōpui rakip a ṭongkatan mi akadei hei

NEHEMIAH 5:8

khana kahri, “Nitor lai seng ni-u ninai Jehudihei ram hlop mihei hnenga antajōr sik hei kha katlen hei rih. Tûn hi nan-u nannaihei kha, anmi changpui nangni hnenga anbinga anhei injōrna sik a rumhrat a nantlo jo hei!” Hlamkakeihei kha sip antia ahri sik manhret mak hei.

HLAHEI 109:3

khana kachunga ṭhatmak ṭong anhri, ajâr kasejena anbuhlu eng.

HLAHEI 14:1

Mikamo he’n anbinga, “Pathen om mak,” anti. Anmani ankhenga ṭhamak hei, khana ṭit ka-omtatak ṭōnhei antlo jo; Akadik katlo inkhatbek om mak hei.

HLAHEI 25:3

Nakataksenhei sik a re tor makna om mak, tâk-kha nang kadōia inranga re katlo he’n torna neimak hei.

HLAHEI 35:19

Ka’nrepui malei kaseihei khan kei re tor makna chunga manuisōna amannei mak hei roh. Ajâr kasea ani kahōt hei khan kamalung inrimna chunga amanuisō mak hei rasoh!

HLAHEI 37:8

Malung hōimakna a-emak leh hnuk natna khan inpek sōt mak roh; khava khan bōina rōk a aṭhōi sik che.

HLAHEI 49:10

Akamo leh a’nvet hei thi kapōhrep a mikasinghei thi kha, mi rakip in anhmu. Annei leh hao rakip ansōn leh anpârhei hneng anleidahlon hei.

HLAHEI 69:4

Ajâr kasejena ani kahōt hei khan kalua sam nek a katam jo hei. Kei inrepui he’n kachunga maleisei anjôm; ratha annei, that sik a anmadu eng. Kaleimarûk jenmak neinâk kha anmanpek male eng.

HLAHEI 92:6

Hivahi mikamo tamanhret theimak kha kae; lungri kaneimak mi’n ṭhensōt tor mak:

ṬONGCHÎK-HEI 14:16

Mikasing he’n bōina inphut inpesōtna sik insing thei hei, tâk mikamo he’n heitea sakloa inrangtak a ṭōn anphutbât a kae.

ṬONGCHÎK-HEI 18:6

Mikamo he’n inkhena sik aphut inchu sung sâkna sik ajong kae.

JEREMIAH 17:11

Malung intheng loa sêr kahao mi kha, ratui chu thlâkloa valak-hei ratui aka-o, va inkhat kapō kha kae. Ahringkhō aṭima anei kha amanhmangsō sik, a’nchaina ama kha heite emak ning, tâk-kha mikamo kachang sik.

ṬAJAISUINA 3:52

“Anhōtna sik eng ajâr omloa inrepui he’n va kapōa chânga anman-ôk eng.

DANIEL 3:13

Khana, rengpa kha ahnuk kana hêr jo khana mi 3 hei kha ahmai kunga heiṭhōina sik a ṭong apek jo hei.

DANIEL 3:19

Khava sōa Nebuchadnezzar kha ahnuk kana inkhâmtor mak jo, khana ama’n Shadrach, Meshach, Abednego chunga hnuknat pum a a-en heia ahmai kasensō jo. Ahnuk kana jo. Khava jâra ama’n hmeipun kha hma a kanek a vōisari kakhe chet a manlumna sik ṭong apek jo hei.

OBADIAH 1:10

“Ajârchu nang in nasōpuihei, nachom hei khana nathat hei nang that manram sik che kae khana ahei tik a kajana pek mak sik che kae.

OBADIAH 1:12

Nasōpui Judah vângsetna chunga khan na-ê namanjo mak sik kae. Anmani suk inhmang ning khan ningṭhatna naneimak sik kae. Anmani inhmangna chunga khan naleimanuisō mak sik hei kae.

MATTHEW 10:17

Insing thei ruh, ajârchu nangni kasur sik leh ṭongtan hmun a nankakei mi hong kasōk sik hei, anmani’n intûpna innheia anvōk sik chei.

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

MATTHEW 12:24

Pharisee he’n kha anthei pha, “Ama hin ramṭai hei vaikarôn Beelzebul rathapekna vâng rōk khan ṭaihei ahnong sōt kae,” anti.

MATTHEW 17:5

Khang’khan ama aṭonglai khan sumtuk kabang hlom inkhat in amakhusi heia khana sumtuk kâra rasa inkhat in, “Ama hi Kasapa marit kae, achunga kamalung katlai, aṭong hri rangei ruh,” ajōng tia kae.

MATTHEW 18:21

Khava sōa Peter Jesu hneng kahonga ader, “Rōngpu, kasōpui in kachunga setna atlo’nchu, vōi heija mo karangei mandam sik? Vōi 7 mo?”

MATTHEW 18:35

Jesu’n ṭongchaina aneia, “Khava kapōa nangni nankâra nansōpui lungria inphut nanrangei mandam mak inchu marvâna ka-Pa’num nangni khang’khan atlo sik chei kae,” ati.

MATTHEW 23:15

“Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Mi inkhat malung manthlengna sik tui-ôngpui heia intôr chei, rengram pumpui nanrakan; khana hme nansō jo pha, nangnihei kanek a ama kha tehni kakhea hmeikhur hlutna sik rahōi kasōk nanmanchang!

MATTHEW 23:33

Nangni hrisehei hrise sōnhei! Hmeikhur chen sik a inphut heikhong mo tlânsōt sik a a’nngam chei?

MATTHEW 25:41

“Khana veitinga aka-om hei hneng khan ama’n ati sik, ‘Pathen hâksêr kachen hei, kahnenga inphut sesōt ruh! Seitan leh angevahei sik a mantluksa kumsôt hmeikhura sik sesōt ruh!

MATTHEW 26:59

Thempu kalenhei leh Sehmang-Pachong he’n Jesu thatna sik maleiseia sâkhi anleijong;

MATTHEW 3:17

Khana marvâna inphut rasâ inkhat in, “Ama hi kasapa marittak kae, achunga kamalung katlai,” ajōng ti.

MATTHEW 5:34

Tâk tûn ke’n kahri pek chei kae: ṭong intepna inkhat nannei pha, ṭong sekamna hmangmak ruh, Marvân pan ina ṭong sekamna tlomak ruh, ajârchu Pathen len in-ongna kae;

MATTHEW 5:44

Tâk tûn kahri pek chei kae: nakadōihei lungset hei roh khana nakasuk inrim hei sik derpek hei roh,

MARK 14:55

Thempu kalenhei leh a’ntûp upahei seng in Jesu that theina sik ajâr anjōnga kae, tâk inkhatbek hmumak hei.

MARK 15:1

Jîngkâr hmatak thempu kalen he’n upahei, Dân ojahei leh Sehmang-Pachonghei ankhenga inrangtak a an-inhmupui hei, khana ṭōn mantlukna annei jo. Anmani’n Jesu thirhruia ankhit a, ankeisōt jo khana Pilate kut chunga anvapek jo.

LUKE 12:5

Tu mo ṭit sik kha manhmu chei rong: taksa athatsōa, rathla kha hmeikhura hlon manhlutna ratha kanei, Pathen kha ṭit ruh. Ataksen ruh, nantaṭit sik kha ama kha kae!

LUKE 22:66

Khō ahong vâr jo pha, upahei, thempu kalenhei, khana Dân ojahei le’ntûp hei khana Sehmang-pachong ângkunga Jesu kha anleiṭhōi manhlut a kae.

JOHN 11:47

Khava jâra Phariseehei leh thempu kalen he’n Sehmang-pachonghei an-inhmupui jo heia, “Heimo nitlo sik? Hiva mipa hin ṭōn-inlak rakip atlosōt jo heiso va-en ruh!

JOHN 15:25

An-Dân a aleika-om: ‘Anmani’n ajâr kasea anhōt eng,’ tia ale’nzet hi hui atlungna sik a hivahei hi akasōk nger sik kae.

JOHN 7:20

Mipuihei khan anmasôn, “Tu’n mo nang that sik a arei che? Nang ṭai narôn kae!”

JOHN 8:48

Anmani’n Jesu hneng, “Nang Samaria mi che khana ṭai karôn che kae, kanta ti hi dikmak ung mo?” anhongti.

ṬŌNTLOHEI 17:18

Epicure leh Stoic inti hei oja he’num inkhena anleineipui. Ankâra mi ṭhahrep in ander, “Hiva manhretna neiloa inhretsakpa hin heimo hri sik arei?” Alak in anmasôn, “Ramlak Pathenhei chungchânga ahri kachang sik.” Paul in Jesu leh athōisōtna chungchânga mantheina aleinei hei jâra khanga anta leihri kae.

ṬŌNTLOHEI 22:30

Jehudihei khan Paul kha heipena mo antamaher ti kha rehlam kakeipa khan amanhret manchên hnōm; khava jâra ajîng kania Paul inkhōpna thirhrui kha asōt a khana thempu kalenhei leh Sehmang-pachong rakip an-intûpna sik ṭong aleipek hei. Khava sōa Paul kha aṭhōia an-ângkunga aleimanngira kae.

ṬŌNTLOHEI 23:1

Sehmang-pachonghei kha Paul in kasang kanga a-en heia ahri, “Eh kasōpui Israelhei! Pathen hmit-hmua tuning katlunga kahringna hlam hro chungchânga kamalunga dik leh dikmak ṭhen theina hi pui katluk a la’ntlam senga kae.”

ṬŌNTLOHEI 24:20

Achangmak leh hiva mihei hin khava Sehmang-pachonghei kâra kangirlai heitlo setna mo kanei ti kha ahri pek hei rasoh,

ṬŌNTLOHEI 4:15

Khava jâra Sehmang-pachonghei intûpna innden kha pha bongkhat lim andahlonna sik ṭong anpek hei, khava sōa anbibinga ṭong le’nbektō heia kae.

ṬŌNTLOHEI 5:21

Sonlehei khan aṭong kha anjuia, khō avâr pha Bek-inna kahlut heia mihei anmanthei manphut jo. Thempu Kalen leh aloihei khan pui katluktak Sehmang-pachong intûpna a-omtheina sik Jehudi hlamkakei rakip anleibek hei, khava sōa kurkhum a sura antada sonle rakip an-ângkunga anheiṭhōina sik a ṭong anleipek hei.

ṬŌNTLOHEI 5:27

Anmani’n sonlehei kha anheiṭhōi manhlut heia Sehmang-pachong a’ntûp hei hmaikunga anman ngir heia, khana Thempu Kalen khan anmani ṭong ader jo hei.

ṬŌNTLOHEI 6:12

Khang’khan mipui, upahei, khana Dân ojahei kha akadik mak sâkhi ṭong vâng anleimathok jo hei. Stephen kha ansura Sehmang-pachong ângkunga anheiṭhōia kae.

ṬŌNTLOHEI 6:15

Khana a’n-ong Sehmang-pachong rakip in Stephen lang an-enna ahmaisō kha ngeva hmaisō a-ang kha anleihmua kae.

ṬŌNTLOHEI 7:37

Israel mipuihei hnenga, ‘Pathen in kei ajōngtir eng kapōa, nanmikhet shunga inphut Sânkathem inkhat ajōngtir pek sik chei,’ aleikatipa kha Moses hi kae.

ROMANHEI 12:10

Christa a inkhat leh inkhat sōpui kapōa marittak a inlungset ruh, khana inkhat leh inkhat injatō chetna sik malung manhlut ruh.

CORINTHIANHEI INKHATNA 6:10

mikachom, phâmrai kase, ju inrui, mi kateitôm khana mi inru tûte inkhat in Pathen rengram kha chenmak hei ning.

CORINTHIANHEI INKHATNA 6:6

Khachu changloa, Christian inkhat in inkhat maherna sik ṭongtan hmun a avakase cheia khōvelhei kha nanṭong nantamantan hei mo!

DÂNRABU INHNINA 15:11

Sara khōdeng kathei Israel ṭhahrep nankâra hong ka-om ṭhak sik hei, khava jâra anhnenga pek themna sik ṭong kapek chei kae.

DÂNRABU INHNINA 16:18

“Rōngpu nan-Pathen in apek chei khōpui heia vaikarôn leh ṭongkatan alak kadei hei ruh. Hiva mihei hin ôtum neilo jen a ṭong antatan sik kae.

THESSALONIANHEI INKHATNA 4:6

Hiva chunga hin, tûte’n asōpui Christian inkhat chunga akadik mak omchen atlo mak sik khana hnemna ajong mak sik kae. Hiva chungchânga ṭōnse katlo mihei kha, Pathen in karâkna apek sik hei ti hi hma inkeia inhnaktak a kanleihri jo.

TITUS 3:2

Tûte’n ṭhatmakna anhrimakna sik, tâk nun-innem, mi leh inthlop thei changa khana mi rakip hneng malung kadai malârna sik manthei hei roh.

HEBREWHEI 12:25

Khava jâra ṭong kahripa ṭong kha nanthei kada makna sik insing thei ruh. Raleichunga rathla ṭong kapekpa inngeimak kha leitlânsōt tor mak. Kha achang inchu marvâna inphut ṭong jōng kahripa ṭong kha nirangei mak inchu heituk kakhe chet a tlânsōt a’ntak sik mo!

HEBREWHEI 5:9

Ama pui katluk achang sō pha, ama kataksen rakip sik kumleikō hukmanhringna kung kha kachang jo,

JAMES 2:20

Eh mikamo! Ṭōn kase taksen khachu ahnemna om mak ti malârpek sik che namadu mo?

JAMES 3:6

Khana malei hi hmei kapō inkhat kae. Hivahi akaṭhe omna hmun inkhat kae, nitaksa shunga hmun ahlōa akaṭhamak kha nihringkhō katlung bit a asemsōt kae. Hivahin nihringkhō katlung bit a kathi hmeikhura inphut ahong kasōk hmei leh inthoia kakânga kae.

PETER INKHATNA 2:23

Mi’n inzakna anpek pha ama’n tûte manzak male mak, inrengna ade pha mi maṭhitna neimak, tâk ṭongtan kadikpa Pathen chunga inhōrṭhak a ka-om.

PETER INKHATNA 3:9

Akaṭhamak kha akaṭhamak vâng male mak ruh, a-emak leh hâksêrna anikapek hei kha hâksêrna pek male mak hei ruh; khava kanek a, mahâmṭhat pek jôk hei ruh, ajârchu Pathen in abeklai chei, pek sik cheia ale’ntep kha hiva mahâmṭhatna hi kae.

JOHN INKHATNA 2:9

Vâra ka-om ung kati hei, tâk ansōpuihei chu aka-en kadahei kha, tûn katlunga hin khō inthim shunga alaka-om hei kae.

JOHN INKHATNA 3:10

Hivahi Pathen sa leh Diabol sa inkârna inchêntak a inlârna kha kae; tu achang inum ṭōndik katlomak leh mihlop inlungset mak mi kha Pathen sa changmak hei.

JOHN INKHATNA 5:16

Nang in nasōpui inkhat set-tlo nahmua, aset tlo kha thinathei katluk achangmak inchu, hringna kapek sik Pathen hneng naderpek sik kae. Hivahi thina setna akatlomak hei sik a kae. Tâk-kha thina katluk setna ka-om, khava sik a derpek ruh kati chei changmak.

JUDE 1:9

Ngeva kalenpen Michael kapha khan hmen hinga tlomak. Moses taksa kalōng chenna sik Diabol leh an-inchu pha khan hnōisena ṭong vâng raseiloa, “Rōngpu khan rasei che rasoh!” atihrep kae.

ṬONGPHÔNG 20:14

Thina leh thina ralei kha hmei dîr shunga anhlon manhlut jo hei. (Hiva hmei dîr hi vōi 2 tlukna thina kha kae.)