MATTHEW 5:19 - LEKHARABU INTHENG (BSI)

¹⁹ Kha achang jâra tu achang inum hiva ṭongpek kasinpen hei-inkhat ajuimak inchu, khana mihe’m khanga tlo sik a amanthei he’nchu marvân rengram a akasinpen akachang sik kae. Inkhat ting chu, tu achang inum dân kajui khana mihe’m khanga a’nthei khan marvân Rengram a akalen kachang sik.

MATTHEW 5:19 ပူးပေါင်းရင်းမြစ်များ

HLAHEI 119:128

Khava jâra namansena rakip kajui; hlam kadikmak rakip kahōt.

HLAHEI 119:6

Naṭongpek rakip a khan malung kamanhlut inchu, heite inzakna chenmak ning.

DANIEL 12:3

Hlamkakei kasinghei khan marvân vârna rakip leh heikasōk sik jo hei. Khana akaṭha tlona sik a mi katamtak hnenga mantheina kaneihei kha ârsihei kapōa ahei tik a ka-om sik jo hei.”

MATTHEW 11:11

Kaman chênpek chei kae ti chu mihring rakip hei kanek a Tui Inhlutpa John hi akalenpen kae. Tâk marvân rengram a akasinpen kha John kanek a kalen jôk a kae.

MATTHEW 19:28

Jesu’n ahnenga ahri, “Kadiktak a kahri pek chei kae, Khang athera Mihring Sapa khan alûrna leh alen in-ongna chunga a’n-ong pha nangni ani kajui 12 seng um Israel phung 12 hei chunga ṭong katan sik a reng in-ongna chunga a’n-ong sik chei kae.

MATTHEW 20:26

Tâk nangni kâra chu hinga changmak ning. Nankâra inkhat in alenhnōm inchu ama khan alak-hei sōk akachang sik kae;

MATTHEW 28:20

khana kaṭong pek chei rakip hi anjuina sik manthei hei ruh. Khana pha a’nchaina katlunga ahei tik a ke’n ka’nṭhōipui ṭhak sik chei.”

LUKE 1:15

Ama kha Rōngpu hmit-hmua akalen inkhat akachang sik kae. Ama’n vomhrui ju leh kahu inhnak inmak ning. Ama anu shunga ajōng intet sōlima inphut Rathla Intheng akasip sik kae.

LUKE 11:42

“Nangni Pharisee sik a heituk ṭitpek aka-om chei mo! Nangni’n reihing, lenghum, patikhôm, apha-pha a anse-hleina sem sôm chu nanpek, tâk Pathen sik a ṭongtan kadik leh lungsetna chu donmak chei. Alak he’m heisakmak tlo loa, hihei hi nantatlo sik kha kae.

LUKE 9:48

khana anhnenga ati, “Tu enum karahminga hiva naipang inhlâng mi khan kei arahlâng eng kae; tu enum kei inhlâng mi khan ani heikatirpa kha arahlâng kae. Ajârchu nangni kâra akasinpen kha akalenpen kae.”

ṬŌNTLOHEI 1:1

Marit ka-om Theophilus: Kalekha hma-inkei shunga khan Jesu’n aṭōntlo aleiphut a inphut marvâna ṭhōisōt a a-om mak kârsenga aṭōn leitlo leh ami leimantheina hei chungchânga kaleimazet jo.

ROMANHEI 3:8

Chu achang inchu, “Akaṭha hongsōkna sik, setna tlo rih,” heisa mo niti mak? Hiva ṭongkhet hi kahri anti enga, mi ṭhahrep in inzak anleipek eng! Anmani rahōi sōkna dungjuia masetna kha a’npe sik hei kae.

ROMANHEI 6:1

Khan chu eini’n heimo nihri sik? Pathen maritna kha apungsana sik setna eini aka-om ṭhak sik me mo?

ROMANHEI 6:15

Khan chu heimo? Eini Dân thōia ni-om mak jo jâra, Pathen maritna thōia aka-om nichang jo jâra, setna nitlo sik mo? Kha changmak!

DÂNRABU INHNINA 12:32

“Ke’n ṭong kapek chei rakip hei kha tlo ruh, heite hapsa leh losōt tlomak ruh.

DÂNRABU INHNINA 27:26

“‘Pathen dân leh mantheina hei kajuimak chunga Pathen hâksêrna tlung rasoh.’ “Khana mipui he’n ‘Amen!’ tia anmasôn sik.’

TIMOTHY INKHATNA 6:11

Achang ravâng Pathen mi kachang nang in, hivahei rakip hi dahlon hei roh. Dikna, bek-ôina, taksenna, lungsetna, dehratna leh nunhōina changna sik tak intlo roh.

TITUS 3:8

Hivahi akadik a’nhri kae. Pathen kataksen he’n mi rakip sik a akaṭha leh hnemna ka-om ṭōn kaṭha tlona sik a anpha anpek sōtna sik hiva chunga inhnaktak a nanta hri sik hi kamadu.

PETER INKHATNA 5:4

Khana kemōng kakhem kalen kha ahon’lâr pha, akaṭōi hêrmak sik lenlukhu kavâr kha nantachen sik kae.

JOHN INKHATNA 3:4

Tu achang inum setna katlo mi kha Pathen dân kavōk-khōi ṭhena kanei kae, ajârchu setna hi dân kavōk-khōi kha kae.

ṬONGPHÔNG 2:20

Tâk-kha nachunga kahnōm makna hi ka-om: Pathen ṭong thangkakōi a’nchang saknu Jezebel kha nahnōm pek. Amanu’n limsyem hnenga inthoina hme kasâk sik a leh ṭhatmak omchen katlo sik a kasōk hei amanthei heia hlam kadikmak a aṭhōi heia kae.

SAMUEL INKHATNA 2:30

Rōngpu Israel Pathen ke’n nang innshung leh nang phungṭhen he’n kumkhōa thempu akachang cheia kei nanta razen sik eng kae tia le’ntep eng. Tâk tûnchu kahri hi kae, khavakha nei hêrmak jo ning. Khava kanek a, kei kajana anikapek hei kha kakaja sik hei, anikahnōise hei kha kahnōise sik hei.