MATTHEW 5:16 - LEKHARABU INTHENG (BSI)

¹⁶ Khava kapōhrep a nanvâr kha mihei hmaikunga akavâr nger sik kae, khanba nanṭōn kaṭha tlo kha anmani’n anhmu sik a kha marvâna nanpa kha antachoi ka-ân sik kae.

MATTHEW 5:16 ပူးပေါင်းရင်းမြစ်များ

SŌKSŌT 34:35

khana anmani’n ahmai kavâr kha anleihmua kae. Khava sōa ama’n abâna Rōngpu hneng ṭongkahri sik a Pōn-inn ahlutmak hma seng ahmai kha amakhu ri.

ṬONGCHÎK-HEI 4:18

Mikadik tahro hlam khachu kani ahong kasōk a, sûn pha ahong tlung mak kârseng ahong kavâr chet-chet kapō kha kae.

ISAIAH 58:8

“Khava sōa kalungsetna chei kha jîng nisō kapōa nanchunga jōng kavâr sik, khana nannatbi kha inranga kadam sik jo. Nangni kahuk sik a ka-ompui ṭhak sik chei; kei om khan nangni ramkei rakip a ahrung sik chei.

ISAIAH 61:3

Ziona ṭajai kasui hei hneng Inrengna kahlanga inpâkna leh ningṭhatna kapek sik, Inrengna kahlanga manpâkna hlasakna sik a ajōngtir eng. Anmani Rōngpu ama khet in aling mankhang Thingkung kapō kachang sik hei. Anmani ankhenga akadik kha antlo sik jo, Khana Pathen kha atlona hei seng jâra manpâk a ka-om sik jo.

MATTHEW 23:5

Anmani’n heirakip kha mi tahmu sik hnâma antlo. Enruh anmachea leh anbâna ṭong intheng thingbôm antamakhei heiso, heituk a akalenhei mo! Anpōn hmor antamakhei mathlak so heituk a akasei hei mo manhretsa ruh!

MATTHEW 23:9

Khana hiva raleichunga hin tûte ‘Apa’, timak ruh, ajârchu marvâna nangni’n Pa inkhat rōk nannei.

MATTHEW 5:45

khavakha marvâna ka-om nanpa sa nanchang theina sik a kae. Ajârchu ama’n akaṭha leh akaṭhamak chunga kani amansat et, khana akadik leh akadik mak katlo chunga khō amansûrsap a kae.

MATTHEW 6:16

“Nangni’n bu nanhngōi pha, a’nṭhat hlemsak-hei kapōa akachâm hmaisō malârmak ruh. Bu anhngōi tia mihe’n anmanhretna sik a anhmaisō khachu donmak hei. Kahri manchên pek chei kae, anmani tloman kha inpesō jo hei.

MATTHEW 6:9

Achang jâra nangni’n hinga nantader sik kae: ‘Marvâna ka-om kan-Pa: Narahming kaja om rasoh;

MATTHEW 9:8

Mipuihei khan kha anhmu pha kaṭi jo hei, khana mihei hnenga hiva kapō torna ratha kha apek jâra Pathen kha anmanpâk jo.

LUKE 11:2

Jesu’n anhnenga, “Nander pha hing’hin ti ruh: ‘Apa: Narahming intheng kaja om rasoh. Narengram jōng tlung rasoh,

JOHN 15:8

Kara katamtak nannei jâra kapa lûrna kha a’nlâr kae; khang’khan nangni kei sonle akachang chei kae.

ṬŌNTLOHEI 9:36

Joppa hmun a khan Tabitha inti, takkasen nuhmei inkhat leika-om. (Greek ṭonga arahming hi Dorcas kae, “Shakhi” tina kae). Amanu’n aphat nei rakip hi ṭōn kaṭha tlona leh sara khōdeng katheihei inthōpuina aleihmang.

CORINTHIANHEI INKHATNA 14:25

ale’nthup mandonna rakip aphôngsōt pek sik jo hei, khana anmani inkun heia Pathen ankamuk sik jo, “Kadiktak a nankâra hin Pathen ka-om,” tia anbeia anphông sik jo.

CORINTHIANHEI INHNINA 9:13

Nanṭōn tlosōtna khan amanchên jo jâra, nangni’n Christa ṭong intheng nantahrisōt kha nanjui jâra khana pek hnōmtak a anmani leh mi rakip chen nanneipui hei jâra, mi katamtak in Pathen kha lulenna antapek sik kae.

GALATIANHEI 1:24

Khang’khan anmani’n kei jâra Pathen anmanpâk a kae.

EPHESIANHEI 2:10

Nikahring hi Pathen tasyem me kae, Jesu Christa leh inchunna shunga nihringkhōa tlosōt sik aman tlukdek jo ṭōn kaṭha katlo sik a asyem me kae.

EPHESIANHEI 5:8

Nangni inthim thōia khanga ale’nhmang chei kae, tâk tûnchu nangni Pathen mi nanchang jo jâra, khōvâra ka-om jo chei. Khava jâra vârta akachang hei kapōa aka-om sik chei kae,

THESSALONIANHEI INKHATNA 2:12

Kanmathok chei, lungmōng kanṭhlâk chei, khana a-Rengram leh alûrna kachen sik a nankabekpa Pathen malung tlainating hringkhō kha nanhmangna sik kanngek ṭhak chei.

TIMOTHY INKHATNA 2:10

tâk akaṭha ṭōn tlona vânga, bekṭong kanei nuhmei inkhat tatlo sik rahōi kha atlo sik a madu kae.

TIMOTHY INKHATNA 5:10

omchen kaṭha achen sik kae: asahei kaṭha kavei, a-inna khōhme inthlung, Christian sōpuihei malung innemtak a sepa katlo, malung inrim hei inthōpui khana ṭōn kaṭha rakip tlona sik malung kapek sōt mi akachang sik kae.

TIMOTHY INKHATNA 5:25

Kha leh in-anghrep a ṭōntlo kaṭhahei kha inhmubât a kae, khana a’nlârloimak inum inthup theimak a kae.

TIMOTHY INKHATNA 6:18

Milak-hei hneng malung kalentak a nei leh hao insempui theina sik, ṭōn kaṭha tloa haona sik, akaṭha kha tlona sik a ṭongpek-hei roh.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

TITUS 2:7

Heirakip a omchen kaṭha tekhing inkhat a om roh. Mi mantheina malung intheng leh malung kahlut chang roh.

TITUS 3:14

Nimihei khan antarangeitak kha anchantheina sik a ṭōn kaṭha tlona anpha hmangje a’nchû sik hei; hnemna kasea anhringkhō antahmang mak sik kae.

TITUS 3:4

Achang ravâng ani kahuk inhringpa Pathen lum lona leh lungsetna ahon’lâr jo pha

HEBREWHEI 10:24

Eini khat leh khat inbôm tōna, inlungsetna leh akaṭha tlona sik lum inlo rih.

PETER INKHATNA 2:12

Limsyem inmuk he’n nangni ṭōnse nantlo tia anmaset chei pha, nanṭōn kaṭha tlo kha anmanhretsōt a, ama jōngna Kani ning Pathen anmanpâk theina sik, anmani kâra nan-omchen akaṭha sik kae.

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

PETER INKHATNA 3:1

Khava kapōa nuhmeihei nanpuise hei ṭong thōia om ruh, ajârchu ankâra ṭhahrep in Pathen ṭong antaksen mak inchu, nan-omchen kaṭha vâng anmani’n anta hongtaksen hnōm sik kae. Nangni’n ṭong beikhat nanta hripek sik hei rangei mak,

PETER INKHATNA 3:16

tâk kajatak a leh malung innemtak a tlo ruh. Christa kahnung kajui nanchang jâra nan-omchen kaṭha tlo akahri inset he’n anmanuisō chei pha, anmani’n anṭong hrisōt a khan an-inzakna sik, nangni mandon ṭhen theina kha mantheng seng ruh.

PETER INKHATNA 4:11

Tu achang inum ṭong kahrile khan Pathen ṭong kha ahrile sik kae; mi inzen kha’num Pathen tapek aratha neina dungjuia arazen sik kae, khavakha heirakip chunga Jesu Christa jâra Pathen kha manpâk a a-omtheina sik a kae, lûrna leh ratha hratna ahei tik a Christa ta kae. Amen.

PETER INKHATNA 4:14

Nangni inzakna anpek chei pha inpâk ruh, ajârchu Christa kahnung kajui chei kae; hivahi nanchunga Pathen Rathla, lûrna Rathla kha nanchunga inhnga tina kae.