Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATTHEW 5:12 - LEKHARABU INTHENG (BSI)

12 Inpâk ruh khana tlai ruh, ajârchu marvân chunga inpâkman kalen kha dapek jo chei kae. Nanhma aleika-om sânkathemhei kha’m hinga anta leisuk manrim hei kae.

အခန်းကိုကြည့်ပါ။ ကော်ပီ




MATTHEW 5:12
51 ပူးပေါင်းရင်းမြစ်များ  

Khava sōa Abram in hmangtalâr inkhat aneia Rōngpu’n hinga ahri kha athei, “Ṭitmak roh, Abram, ke’n nang thina sik a inphut napho kachang sik eng, khana inpâkman kalentak kapek sik che.”


Jezebel rengnu’n Rōngpu sânkathemhei athat lai khan anmani 100 kha, 50 et a rup hnia hlungkhur shunga kathup hei, khana bu leh tui kaleithak hei kha theimak che mo?.


khana Jezebel in Rōngpu sânkathemhei athat lai hei, Obadiah hin sânkathem 100 aṭhōi heia, 50 et a hlungkōk inhnia athup heia antasâk sik bu leh tui avathak hei.)


Amanu’n Elijah hneng ṭong amanrôn: “Nang in sânkathemhei hneng naleitlo kha in-anghrep a ajîng kania hiva phatak hin nahnenga katlomak inchu pathen he’n avōkthat hei rasoh.”


Ahab in Elijah ahmu pha ati, “Ka’nrepui, nang kahnenga akajōng nôk che mo?” Elijah’n amasôn, “Ôk, kei kahong eng, nang in Rōngpu hmit-enna akadik mak ṭōn tlona sik a nabinga pui katluk a inpek sōt jo che.


Ahab in amasôn, “Imla sapa Micaiah inti inkhat laka-om. Tâk-kha ama chu kahōt, ajârchu ama’n heitikchena kei sik a akaṭha inkhatbek hriphung mak a kae; akaṭhamak rōk aphông.” Jehoshaphat in amasôn, “Khanga nahri mak sik kae!”


Ama’n Elijah kaṭhōi sik a, ṭōnkarôn inkhat leh mi 50 atir hei. Ṭōnkarônpa khan Elijah kha hmebung chunga avaratōa ahnenga anti, “Pathen mi, rengpa’n heihong roh ati.”


Hiva ṭonghri jâra hin Asa kha ahnuk kana hêr joa ama kha akhit a ada joa kae. Hiva phalai hin kae Asa khan mi ṭhahrep êng kasetak a aleirazen hei kha.


Tâk-kha anmani’n Pathen ṭongkarônhei kha sem manlona annei heia anṭonghri donpek mak hei khana asânkathemhei kha anmanuisō pek hei, khana achaina amihei chunga Rōngpu hnuk natna kha inhnak hêr joa inkhatbek tlânsōt tor mak jo hei.


“Tâk-kha namihei khan inphin heia naṭong juimak hei; nadân a khan anmani’n hnung ansungsi jo. Nang hnengting anlei inhena sik a gîkna kanei sânkathemhei kha anmani’n anleithat hei. Pha khakhat leh nang kha inzakna anleipek che,


Khavahei khan nasōk kei singna anpek eng; khahei kha kajui hei jâra tloman kachen.


Mipui he’n anti sik, “Mikadik kha tloman anpek takbak jo hei; raleichunga ṭongkatan Pathen chu ka-om takbak a kae.”


Mikaṭhamak he’n kadiktak a heite hnemna hmumak hei, tâk akadik kha natlo’nchu, soilo jen a tloman narahlâng sik.


Mikadik-hei kha kahōi sik hei, anmani sik a heirakip inzen sik. Anṭōn tlona chunga inpâkna anchenpui sik.


Ke’n karâkna kapek che, tâk ṭhatchôm dekmak; nang mandikna sik a ṭōn amantlo hnōm mak che. Hnuk kase shabakkai kapōa, nasânkathemhei kha nathat heia kae.


Rōngpu’n hri sik a ṭong apek hei seng eng kha kahrisō lim leh, anmani’n ansur enga ka-ông hei, “Hiva jâra nang tha sik chea narahōi kae!


Ke’n kamasôn, “Kha changmak! Kei tlânmak eng.” Tâk-kha Irijah khan kahri kha rangei mak. Khava kanek a, asur enga ṭōnkarônhei hneng aṭhōi eng.


Ajârchu Mihring Sapa kha Apa lûrna leh inṭhōia marvân ngevahei leh akajōng sik kae, khava pha mi rakip anṭōntlo dungjui et a tloman apek sik hei.


“Nangni’n bu nanhngōi pha, a’nṭhat hlemsak-hei kapōa akachâm hmaisō malârmak ruh. Bu anhngōi tia mihe’n anmanhretna sik a anhmaisō khachu donmak hei. Kahri manchên pek chei kae, anmani tloman kha inpesō jo hei.


“Jerusalem, Jerusalem! Nahnenga Pathen tajōngtir tirlehei hlung vâng nadeng hlon hei, sânkathemhei nathat hei! Ârpui in atehei amathla hnōia aka-unsi hei kapōa ke’n namihei vōi heija mo kabân vâng ka-unsi sik heia kamadu, tâk amantlo mak che.


Khang’khan antlo chei pha, inpâk a lâm ruh, ajârchu inpâkman kalentak nangni sik a marvâna dapek jo chei kae. Ajârchu anpusōn he’num khava kapōhrep a sânkathemhei kha anleitlo heia kae.


Kha changmak! Nanka-en inda hei kha lungset hei ruh, khana anṭhatna sik tlo ruh, khan chu anhnenga inphut hmu nôkna sik a mandon loa nanneinâk manpûk hei ruh. Kha achang inchu nangni’n vâng kalentak nanchen sik, khana A’nshângpen Pathen sa kachang sik chei. Ajârchu ama kha mikaṭhamak-hei leh mi kanimak hei sik a akaṭha kae.


Jân ṭhangṭim vena Paul leh Silas khan derna anneia Pathen manpâkna hla anleisak, khana alak khum mihei khan anleirangei hei.


Sonlehei kha Sehmang-pachong inn andahlona, Pathen in Jesu sik jâra hinghiva hmumasitak a suk manrimna kachen sik rahōi kasōk inkhat a anihnōmpek jo ung antia, le’npâk hêr hei.


Khana nikhōdeng theina kha’num in-or me, ajârchu khōdeng theina khan dehratna amasō,


Akalingpa leh atui kasôpa kha an-in angmakna heite om mak; ama ama ṭōntlo dungjui et a Pathen in tloman apek sik hei kae.


Khana hiva pha bongkhat inrimna ajingte kantathōk hin pha kasôttak a akakhe chet lûrna sik aṭhōi sik ung kae, kan-inrimna kha mahâmṭhatna khan hingja akhe sik kae.


Ajârchu nangni’n ama nantaksen jâr rōk a changloa, ama sik khōdeng nanthei jâra, Christa razenna sik pha kaṭha kha nangni a’npek jo chei kae.


Nangni’n Pathen hneng taksenna vâng nantatōksōt inthoina kapōa kahringna thisen hi akalōng sik a inhui. Kha achang inchu, kei inpâk eng khana nangni seng hneng ka’npâkna hi kasem pek chei kae.


Tûn ke’n nangni sik jâra khōdeng kathei hi inpâk eng, ajârchu kataksa khōdeng theina vâng hin ataksa kachang bekrup kahlanga Christa khōdeng theina sik alaka-om kha pui mathlukna sik ka’nthōpui kae.


Rōngpu khan amihei sik chen amantluk tloman kha nangni apek sik chei, mandonsōt ruh. Ajârchu razenna nantatlo akapu kadiktak kha Christa hi kae.


Rōngpu Jesu leh asânkathemhei anleithat hei, khana keini’m ansuk manrim ung. Anmani heituk-hrep a mi rakip kadōi akachang hei mo! Pathen malung heituk-hrep a khangtuk hrep antamannat mo!


Kurkhum a ka-om hei kha chen nanneipui hei, nannei rakip ankasut jo chei pha inpâk a nandetor, ajârchu ahei tik a aka-omsôt sik akaṭhachet heikhat nantalanei kha nan-inhret a kae.


Egypt karōi rakip nei sik kanek a Messiah sik jâra sungde sik khan man anei jôk ti hi ahong mandonsōt, ajârchu ahmit khan hnunga tloman achen sik kha a-en ṭhak a kae.


Taksenna inphut anmani’n ram pumpui re antuk a antorsō. Anmani’n akadik kha anleitlo khana Pathen ṭongtep pekna hei kha anleichen. Anmani’n shabakkaihei bei anleihip,


Taksen kasea tûte’n Pathen mantlai tor mak, ajârchu tu enum Pathen hneng akahong khan Pathen hi kahring ṭhak, ama kajong hei kha tloman apek sik hei, ti hi antataksen nger sik kae.


Kasōpuihei, mathlemna rakip nanchunga ahong tlung pha leh kanmahâm kaṭha tia mandon ruh,


Sōpuihei, Rōngpu rahminga ṭongkahri sânkathemhei kha mandon hei ruh. Anmani kha dehrat leh thōk-hratna tekâk a lo hei ruh.


Khava kanek a inpâk jôk ruh, ajârchu alûrna kha ajōng inlâr pha nan-inpâkna kha pui atluk theina sik Christa demanrimna kha nangni’n nantachenpui kae.


Naṭōntlo jâra Rōngpu’n vâng pek che rasoh. Ahrungna sik chea nahonghnai, Israelhei Rōngpu Pathena inphut pui katluk tloman nahmu chang rasoh!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ