MATTHEW 5:10 - LEKHARABU INTHENG (BSI)

¹⁰ “Pathen tarangei kha antlo jâra suk manrimna ka-om hei kha anmahâm kaṭha; marvân Rengram kha antâ kae!

MATTHEW 5:10 ပူးပေါင်းရင်းမြစ်များ

HLAHEI 37:12

Mikaṭhamak he’n mikaṭhahei dōina ṭōnse anmantluk, khana enkada leh inṭhōia êngset a antlo hei.

ISAIAH 66:5

Nangni aṭong kajui leh akaṭit hei Rōngpu’n heimo ahri hi rangei ruh: “Nangni kei hneng taksenthei nanchang jâra, nanmi ṭhahrep in anhōt chei, khana nangni leh heite tlosap mak hei. Anmani’n anmanuisō cheia anhri, ‘Keini’n nan-inpâkna kha kanhmuna sik a Rōngpu’n alenna malâr sona, huksōt chei rasoh.’ Kha’num, anmani jôk hmesetna antachen sik kae.

MATTHEW 10:23

Khōpui inkhat a ansuk manrim chei inchu, abâna khōa tlân ruh. Ajârchu Mihring Sapa ajōngmak kâra Israel khōpui rakip a nanṭōn chaitor mak tin chei ti ke’n kahri manchên kae.

MATTHEW 19:14

Jesu’n anhnenga, “Naipanghei kha kahnenga heimanhong hei ruh, khâm mak hei ruh, ajârchu marvân Rengram kha anmani kapō hei ta kae,” ati.

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

MATTHEW 5:3

“Rathla a antlâksamna inhret hei anmahâm kaṭha; marvân rengram kha antâ kae!

MARK 10:14

Jesu’n kha amanhret pha, ahnuk kana a, asonlehei hneng ati, “Naipanghei kha kahnenga heimanhong hei ruh, khâm mak hei ruh, ajârchu Pathen Rengram kha anmani kapō hei ta kae.

MARK 10:30

tuna khanga hin kakhe chet a arahlâng sik. Ama’n araja kakhea inn, sōpui, sêr leh sa, nu leh pa, sha leh hleihei achen sik, khana suk manrim na’m ahmu sik; khana akahong sik khanga ama’n kumsôt hringna kha achen sik a kae.

LUKE 21:12

Hihei seng hi asōk mak hma, nangni ansur sik chei khana anmanrim sik chei; intûpna innheia ṭong tan sik a anpek sōt sik chei khana kurkhum a ankhum sik chei; kei jâra renghei leh vaikarônhei hmaikunga ankeimanhlut sik chei.

LUKE 22:29

kapa’n kei vairônna sik ratha apek jo eng kapōa, khava ratha khet kha ke’n nangni kapek sik chei kae.

LUKE 6:20

Jesu’n asonlehei a-en heia ahri: “Sara kachang nangni nanmahâm kaṭha; Pathen rengram kha nanta kae!

LUKE 6:22

“Mihring sapa sik jâra, nangni mi’n anhōt cheia, anhnōm mak cheia, inzak anpek chei pha, khana mikaṭhamak anti chei pha, nanmahâm kaṭha!

JOHN 15:20

“Sōk-hei kha ankapuhei kanek a akalen jôk changmak hei,” tia kalei manthei chei kha mandonsōt ruh. Anmani’n kei antloset enga achang inchu, nangni’m antasukset sik chei kae; anmani’n kaṭong anjuia achang inchu, nangni ṭong um antajui sik kae.

ṬŌNTLOHEI 5:40

Sonlehei kha anbek manhlut heia anleivōk hei, khana Jesu rahming him-hima ṭong anhrimakna sik a ṭong pekna annei heia anmasō jo hei.

ṬŌNTLOHEI 8:1

Khana Saul um antathat kha leikahnōm. Khava ning tak a inphut Jerusalema ka-om Bekrup-hei chunga êngset a tlo manrimna inphut jo. Sonlehei teilo takkasen rakip kha Judea leh Samaria pumpuia inthekchek jo hei.

CORINTHIANHEI INHNINA 4:17

Khana hiva pha bongkhat inrimna ajingte kantathōk hin pha kasôttak a akakhe chet lûrna sik aṭhōi sik ung kae, kan-inrimna kha mahâmṭhatna khan hingja akhe sik kae.

PHILIPPIANHEI 1:28

Nan-inrepuihei kha ṭitmak hei ruh; ahei tik a inngamtak a om ruh, hivahin anmani katlu sik hei khana nangni’n nantor sik hei tina kha amanchên pek sik hei kae, ajârchu torna anikapek kha Pathen kae.

TIMOTHY INHNINA 2:12

Eini’n nide manrimṭhak inchu, ama leh vai nirônsap sik a kae. Ama nihnōm mak inchu, ama’num eini ahnōm mak ning.

TIMOTHY INHNINA 3:11

kei inrim thōkna, leh kei inrengna hei nahmu jo. Khan chu Antioch a, Iconiuma, Lystra a ṭit ka-om tak suk manrimna kalei thōk kha namanhret. Tâk-kha heirakip a inphut Rōngpu’n alei huksōt eng.

JAMES 1:12

Enmansinna shunga taksenthei kachang ṭhak kha mikahōihei kae, ajârchu enmansinna kha anrakan tor inchu, Pathen in alungset hei hneng pek sik a aṭong tepsa hringna lenlukhu kha tloman antarahlâng sik kae.

JAMES 5:11

Anmani’n andehrat jâra mikahōi niti hei. Job dehratna kha nangni’n nanthei jo, khana achaina Job sik heimo Rōngpu’n apek kha’m nanmanhret. Ajârchu Rōngpu kha maritna leh lum lona akasip kae.

JOHN INKHATNA 3:12

Cain intipa kapō kha akachang hêrmak sik me kae; ama chu Akaṭhamak Inkhatpa ta kae khana asōpuikhet Abel kha aleithat a kae. Heisa mo Cain in ama kha aleithat? Ajârchu ama khet ṭōntlo kha leidikmak, tâk asōpuipa ṭōn leitlo khachu kadik a kae.

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.