MATTHEW 3:2 - LEKHARABU INTHENG (BSI)

² “Nansetna inphut inhe ruh, ajârchu marvân Rengram kha kahnai jo!” ati.

MATTHEW 3:2 ပူးပေါင်းရင်းမြစ်များ

RENGHEI INKHATNA 8:47

namihei derna che kha rangei pek hei roh. Khava ram a an-insira nahnenga derna annei inchu, khangtuk hrep ansetna leh anṭhatmakna kha anphôngsōt inchu, O Rōngpu anderna kha rangei pek hei roh.

JOB LEKHARABU 39:12

Nasâng khôm kha inna ahei choi pek sik chea nasaphōr hmuchi kha akhôm mantûp sik a na’nhōrpui mo?

JOB LEKHARABU 42:6

Khava jâra kaṭong leihri hei seng chunga inzak jo eng ravut leh vaiphin shunga kamalung kathleng jo.

EZEKIEL 33:11

Manthei hei roh, kei hi Chunghnung Rōngpu kachangkhet jâra, setna karônhei thina en-hnâm sik kha kahōi sakmak eng. Ansetnahei anbâng leh akahring sik hei kha ka-enhnōm. Israel, dikmak natlona kha hai jo roh. Heisa mo akathi hnōm che?

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

MATTHEW 10:7

Se ruh khana ‘Marvân Rengram kha kahnai jo!’ tia vahrile ruh.

MATTHEW 11:20

Jesu’n ṭōn-inlak katamtak atlona khōpui heia khan mi’n anmalung anthleng mak jâra, aleirasei hei.

MATTHEW 12:41

Ṭongtan ning Nineveh mihe’n nanchungchânga kangirsōt sik hei khana anmaset sik chei; ajârchu anmani’n Jonah ṭonghri kha anthei pha anmalung anleithleng; khana kahri pek chei kae Jonah kanek a akalen jôk kha hin ka-om!

MATTHEW 13:11

Jesu’n amasôn hei, “Nangni hnenga marvân Rengram in-ip kha manhretna sik inpek jo chei; tâk anmani chu la’npek mak hei.

MATTHEW 13:24

Jesu’n tekâk hlop inkhat amanthei hei, “Marvân Rengram khachu hiva kapō kae. Pase inkhat in ahleia hmuchi kaṭha avor.

MATTHEW 13:31

Jesu’n tekâk-lak inkhat amanthei nôk hei: “Marvân Rengram kha hiva kapō kae. Mi inkhat in anṭamhmu inkhat aloa ahleia avavor jo.

MATTHEW 13:33

Jesu’n tekâk hlop inkhat ahri pek nôk hei: “Marvân Rengram kha hiva kapō kae. Nuhmei inkhat in chê ajing aloa jâm litre 40 leh akachep a asem manpōrmak kârseng aphi kapō kha kae.”

MATTHEW 13:47

“Khan nôk chu marvân Rengram kha hiva kapō nôk kae. Nga kasur ṭhahrep he’n anlen dîr shunga anvora nga jât rakip ansura kae.

MATTHEW 13:52

Khava jâra amasôn hei, “Hiva tina hichu marvân Rengram a sonle inkhat kachang Dân Oja rakip hei khachu, akarōi manbukna inphut neinâk marō leh neinâk ther aheikakeisōt inn kapu kapō kha kae.”

MATTHEW 18:23

ajârchu marvân Rengram khachu hiva kapō kae. Pha khat a reng inkhat in asōk-hei chunga sêr hisâp tlo sik a aleimadu.

MATTHEW 20:1

“Marvân Rengram khachu hiva kapō kae. Pha khat a mi inkhat in avomhrui rahōna ṭōn katlo sik a mi, nek sik kajonga jîngkâr hmatak a kasōksōt a kae.

MATTHEW 22:2

“Marvân Rengram kha hiva kapō kae. Pha khat a reng inkhat in asapa hmōiṭhōina revei inkhat aleimantluk.

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

MATTHEW 25:1

“Khava pha a marvân rengram kha hiva kapō kachang sik. Pha khat a nuhngâk 10 he’n anthaihmei anchoia hmōipa intōpui sik a leikasesōt hei.

MATTHEW 25:14

“Khava pha khan marvân Rengram kha hiva kapō kachang sik. Pha khat a ram kahlatak a khōhmea akase sik pase inkhat leika-om; asōk-hei abek heia akarōi chunga aleinganse hei.

MATTHEW 4:17

Khava pha inphut Jesu’n aṭong ahrile manphut jo, “Nanset tloa inphut hong inhe ruh, ajârchu marvân Rengram kha kahnai jo!”

MATTHEW 4:23

Galilee ram pumpuia Jesu kalôna, Intûpna innheia amanthei hei, Rengram chungchânga Ṭong kaṭha ahrile, khana mihei natna hei seng amandama kae.

MATTHEW 5:10

“Pathen tarangei kha antlo jâra suk manrimna ka-om hei kha anmahâm kaṭha; marvân Rengram kha antâ kae!

MATTHEW 5:3

“Rathla a antlâksamna inhret hei anmahâm kaṭha; marvân rengram kha antâ kae!

MATTHEW 6:10

narengram jōng tlung rasoh; marvâna nalungdo a’ntlo kapōa raleichunga’m intlo rasoh.

MATTHEW 6:33

Khava kanek a heirakip chungchôna Pathen Rengram leh adikna kha jong ruh, khan chu khavahei seng kha apeksa sik chei.

MARK 1:15

Ama’n, “Aphatak kha katluk jo khana Pathen Rengram kha kahnai jo! Nansetna inphut inhe una Ṭong kaṭha hi taksen ruh,” ati.

MARK 1:4

Khava jâra Tui Inhlutpa John kha nêrdiram a kahonga, tui amanhlut hei khana Pathen ṭong ahrilea kae. “Nansetna inphut hong inhe ruh khana tui hlut ruh khan chu Pathen in nansetnahei arangei mandam sik chei,” tia mipui aleimanthei hei.

MARK 6:12

Khava jâra anmani kasesōt jo hei khana mihei khan ansetna inphut anhong inlena sik anhrile joa kae.

LUKE 1:16

Ama’n Israel mi katamtak Rōngpu an-Pathen hneng aheiṭhōi male sik hei.

LUKE 11:20

Changmak, ke’n Pathen ratha hratna vâng jôk a ṭai kha kahnong sōt hei kae, hivahin Pathen rengram kha nanhnenga kajōng jo ti hi amanchên jo kae.

LUKE 13:3

Kha changmak! Kahri pek chei kae, nanmalung nanthleng mak inchu, nankhenga anmani kapōa akathi sik chei kae.

LUKE 13:5

Kha changmak! Kahri pek chei kae, nanmalung nanthleng mak inchu, nankhenga anmani kapōa akathi sik chei kae.”

LUKE 15:10

Kha leh in-anghrep a mikaset inkhat malung thleng jâra Pathen ngevahei inpâk hei ti hi ke’n kahri pek chei kae.”

LUKE 15:7

Kha leh in-anghrep a, malung thleng sik inngeimak kajathei 99 kanek a mikaset inkhat in amalung athleng jâra marvân chunga inpâkna ka-om chet sik ti hi ke’n kahri pek chei kae.”

LUKE 16:30

Mikahaopa khan amasôna, ‘Apa Abraham, kharōk khan chu tlukmak a kae! Mi inkhat akathia inphut athōisōt a anhnenga avase’nchu anmalung anthleng sik,’ ati.

LUKE 21:31

Kha leh in-anghrep a, hivahei hi ahon’phut jo’nchu, Pathen rengram kha jōng katlungbei sik jo ti nanmanhret sik.

LUKE 24:47

khana Jerusalema inphut a jât rakip hneng malung thlengna leh set rangei mandamna sik ama rahminga ṭong inhri inthang sik kae.

LUKE 6:20

Jesu’n asonlehei a-en heia ahri: “Sara kachang nangni nanmahâm kaṭha; Pathen rengram kha nanta kae!

LUKE 9:2

Khava sōa Pathen Rengram ṭong kahrile sik leh akanahei indam sik a,

ṬŌNTLOHEI 11:18

Hivahi anthei pha anṭong masetna kha kahai jo hei khana Pathen anchoi ka-âna, “Pathen in Jât-hlop hei hneng kapha malung thlengna leh hringna pha apek jo hei,” anti jo.

ṬŌNTLOHEI 17:30

Mihring he’n Pathen anleimanhret mak laia pha kha Pathen in-enmak jo, tâk tûnchu hmun rakip a mi rakip hneng anṭhatmakna hlam a inphut anhong inhena sik ṭong pekna anei jo hei.

ṬŌNTLOHEI 2:38

Khava pha Peter in hing’hin aleihri pek hei: “Nansetna rakip a inphut rangei mandam nanchena, Pathen kutchoi pek Rathla Intheng nanchenna sik; nansetna heia inphut nanbing et a he’nhesōt ruh, khana Jesu Christa rahminga tui kahlut chang ruh.

ṬŌNTLOHEI 20:21

Jehudihei leh Jât-hlop hei hneng in-angtlinga ansetna inphut Pathen langa anhong inhena sik leh ni-Rōngpu Jesu antaksenna sik a khôk saktak a kaleihri pek hei.

ṬŌNTLOHEI 26:20

Ahma inkeia Damascus leh Jerusalem khana abâna Judea pumpui leh Jât-hlop hei kâra ke’n ansetna inphut an-insira Pathen langa anhong inhena sik leh an-insir malârsōtna ṭōn antlona sik a kaleihrilea kae.

ṬŌNTLOHEI 3:19

Nansetnahei rangei mandam achangna sik, insir una, Pathen langa he’nhe ruh. Hivahi nantlo’nchu

CORINTHIANHEI INHNINA 7:10

Ajârchu Pathen tahmang malung inrimna khan hukmanhringna sik a malung thlengna kha amasō, khana khan insirna sik om mak! Tâk-kha raleichung malung inrimna khan chu thina amasōa kae.

COLOSSIANHEI 1:13

Ama’n eini khō inthim ratha hratna inphut ahuksōt jo me, khana asapa marit rengram shunga kahringa aṭhōi manhlut jo mea kae,

TIMOTHY INHNINA 2:25

nakadōihei kha nun innemtak a namandik sik hei kae, ajârchu Pathen in anmani kha malung thlengna pha apek heia akadik kha heimanhret um aja a kae.

HEBREWHEI 6:1

Khan chu, Christian ṭong a’nphutna bia mantheina hei kha ni kahnungting dahlon jo me sona pui katluk mantheina langa hmating nam me sona se rih. Eini ṭōn kahnemmak ting avea inhena sik leh Pathen taksen makna sik hlam kha syem nôk mak jo rih;

PETER INHNINA 3:9

Rōngpu kha aṭong tepsa chunga insum tia, mi ṭhahrep in antamandon kapōa inranga tlosōt mak, khava kanek a ama’n amadosōt pek chei kae, ajârchu tu inkhat inhmang sik madu mak, tâk mi rakip in ansetna inphut anhei inhe theina sik amadu kae.

ṬONGPHÔNG 2:21

A-omchen kadikmak a inphut amalung athlengna sik ke’n pha kapek, tâk amanu’n amalung thlenghnōm mak.

ṬONGPHÔNG 2:5

Mandon roh natlûkna kasôt jo! Namalung thleng ina hma naleitlo kha tlo nôk roh. Nang in namalung nathleng mak inchu, nathaihmei vâr matungna kha ahmun a inphut akalosōt sik a nahnenga kei akajōng sik eng kae.