MATTHEW 27:4 - LEKHARABU INTHENG (BSI)

⁴ “Ṭhena kaneimak inkhat thatna sik a mikut a kapek sōt hi ke’n kaṭhe jo!” ati. Anmani’n anmasôn, “Khavakha keini’n heimo kantamanlo sik? Khavakha nabing ṭōn jo kae!”

MATTHEW 27:4 ပူးပေါင်းရင်းမြစ်များ

RENGHEI INKHATNA 21:27

Elijah’n aṭong hri achai pha, Ahab in apōn akei hlera alosōt a, borapōn a’nsi jo. Bu sâk mak jo, borapōn a’nsi pum a kaje jo, malung kanguitak leh inrengtak a kalôn lele jo.

RENGHEI INHNINA 24:4

kakhôk pena ama’n ṭhenakase mi aleithat hei seng jâra kae. Khava sik a Rōngpu’n Manasseh kha rangei mandam tor mak a kae.

JOB LEKHARABU 13:4

Nang in heite namanhret makna kha maleisei vânga namakhu; nang hichu akana tûte inkhat mandam torlo thempu kapō che kae.

HLAHEI 94:21

mikaṭhahei chunga ṭhatmak ṭōn intluk hei khana ṭhenakase hei thatna sik a ṭong inthlâk ṭongkatanhei kha leh nang hrui heite neimak che.

SŌKSŌT 12:31

Khava jântak a khan rengpa’n Moses leh Aaron mi ava manbek heia, “Nangni leh nanmi Israelhei seng, sesōt jo ruh! Karam dahlon jo ruh; nantader eng kapōa se una nan-Rōngpu kha vakamuk jo ruh.

SŌKSŌT 9:27

Rengpa’n Moses leh Aaron ava manbek heia ahri, “Tûna chunga hin setna katlo jo; Rōngpu kha akadik langa, khana kei leh kamipui he’n akaṭhe langa ka-om jo ung.

ṬONGCHÎK-HEI 12:8

Mi mandon kathem nachang inchu, mi’n anmanpâk sik che; mikamo nachang inchu mi’n anhnōise sik che.

JEREMIAH 26:15

Tâk-kha hiva hichu manhret ruh: nangni’n kei nanthat eng inchu, nangni leh nankhōpui hi ṭhena kaneimak mi nanthat jâra ṭhena nanchen sik, ajârchu hiva ṭong-gîkna hi akahri sik anijōng katir kha Rōngpu kae.”

JONAH 1:14

Khava jâra Rōngpu hneng an-ôna, “O Rōngpu, kander che, hiva mipa hringkhō lona sik natlona shunga keini chunga thina karâkna apek mak roh! O Rōngpu, hiva katlo hi nang che kae.”

MATTHEW 27:19

Pilate kha ṭong tanna den shunga a’n-onglai, anuhmei in, “Tuning karahmanga ama jâra khōdeng theina hingja kaleinei, khava jâra ṭhena kaneimak mi kha heite manlomak roh,” tia ṭong ahei manrôna kae.

MATTHEW 27:54

Rehlam kakeipa leh a-ompui sepei, Jesu kahngâk-hei khan lingnu innok leh omchen kasōk rakip kha anhmu pha kaṭihêr jo heia, “Kadiktak a hiva mipa hi Pathen Sapa kae!” anti.

LUKE 23:22

Pilate in vōi 3 tlukna anhnenga ahri, “Heimo atloṭhe aka-om? Thatna sik rahōi kasōk atloṭhe ke’n heite hmusōt mak eng. Ke’n ama kavōk sik a kha kamasō sik jo.”

LUKE 23:41

Hei-achang inum eini tachen hichu akadik kae, eini’n nitlona rahōi kasōk hrep kha nihmu kae. Tâk-kha ama hichu akaṭhamak heite tlolo kae.”

LUKE 23:47

Sepei ṭōnpui karônpa khan omchen kasōk hei kha ahmu pha ama’n Pathen amanpâk a ati, “Inchêntak a hiva mipa hi mikaṭha kae.”

JOHN 19:7

Mipui he’n anmasôn male, “Keini’n dân inkhat kannei, khava jâra ama akathi nger sik kae, ajârchu ama abinga Pathen Sapa eng kae ati.”

ṬŌNTLOHEI 13:28

Khana anmani’n ama anthatna sik ajâr heite anhmumak inum athatna sik a Pilate hneng ngekna anleinei.

ROMANHEI 3:19

Vânhnōi pumpui hi Pathen ṭong tanna thōia a-omtheina sik, khan chu mihring tûte rangei mandam achang makna sik, Dân thōia ka-om mihei chunga khan Dân shunga ka-om rakip kha mantlo sik a arei ti hi eini’n nimanhret.

TIMOTHY INKHATNA 4:2

Thir kalum tarohlon kapō, mandon ṭhen theina kaneimak hei, malei kasei mikahōn inthla heia inphut khang khava intheina kha ahong kasōk kae.

TITUS 1:16

Anmani’n Pathen kanmanhret anti, tâk anṭōn tlo’nchu hnōm mak. Anmani mater ka-om hei khana ṭongpek juimak hei, heikhat ṭōn kaṭha katlo sik a rahōi changmak hei.

HEBREWHEI 7:26

Khava jâra nirangei anikapek inthluktor Thempu Kalen kha Jesu hi kae. Ama a’ntheng kae. Ama’n setna leh sukṭhena heite neimak; ama mikase heia inphut ahlop a dasōt a ka-om khana marvânhei chunga keitou kachang jo.

PETER INKHATNA 1:19

khavakha masetna kase leh nōrna kase kemōngte inkhat kapō, mankatamtak Christa inpek sōtna kha kae.

JOHN INKHATNA 3:12

Cain intipa kapō kha akachang hêrmak sik me kae; ama chu Akaṭhamak Inkhatpa ta kae khana asōpuikhet Abel kha aleithat a kae. Heisa mo Cain in ama kha aleithat? Ajârchu ama khet ṭōntlo kha leidikmak, tâk asōpuipa ṭōn leitlo khachu kadik a kae.

ṬONGPHÔNG 11:10

Hiva mi 2 hei thi jâra hin raleichung mi rakip inpâk sik hei. Inpâkna kutchoi khat leh khat inpektō sik hei, ajârchu khava sânkathem 2 hei khan raleichunga khōdeng theina katamtak anleimasōa kae.

SAMUEL INKHATNA 15:24

Saul in amasôn, “Ôk, kaset jo eng. Ke’n Rōngpu ṭongpek leh nang mansena juimak jo eng. Ke’n kamihei kaṭit heia anmani tamadu kaleitlo jo.

SAMUEL INKHATNA 15:30

Saul in amasôn, “Kei kaset jo eng. Tâk-kha kamipui hlamkakeihei leh Israel rakip hei hmaikunga bekchu kajana anei roh. Rōngpu na-Pathen kha kamukna kanei theina sik kei leh inṭhōia inle rih.”

SAMUEL INKHATNA 19:5

Goliath athat lai ahringkhō manerlo kae, khana Rōngpu’n Israel sik a torna anei kae. Khan chu heijâra mo ṭhenakase mi inkhat hnenga dikmak natlo hnōm khana ajâr kasea David nathat hnōm?”