MATTHEW 27:31 - LEKHARABU INTHENG (BSI)

³¹ Khanga manuisōna kha a’nchaia, apōn anhlikpek a, ama pōn kha anmansi male jo. Khana thingrakea that sik a anṭhōisōt jo.

MATTHEW 27:31 ပူးပေါင်းရင်းမြစ်များ

RENGHEI INKHATNA 21:10

Ahmai kunga Pathen leh reng kahâksêr che kae tia ama inher sik a mikaṭhamak 2 jongsōt ruh. Khava sōa ama kha khōpuia inphut keisō inna hlung vâng denghlon ruh.”

RENGHEI INKHATNA 21:13

Mikaṭhamak 2 hei khan Naboth kha mipui hma, Pathen leh rengpa ahâksêr hei antia anmaher jo, khava jâra khōpui kalen vângting ama kha ankeisōt a hlung vâng andenghlon jo.

ISAIAH 53:7

“Ama inhnaktak a anleitlo manrim, tâk insinsaktak a aleide; ama’n ṭong beikhat bek um hrimak. That sik a kemōngte kapōa, asam vo sik kemōng kapōa, ama’n ṭong beikhat bek um hrimak.

MIJAHEI 15:35

Khava sōa Rōngpu’n Moses hneng ati, “Mipa hi that nger sik kae; mipui in rephōr kur vângting hlung vâng denghlon sik kae.”

MATTHEW 20:19

khana Jât-hlop hei kut chunga anpek sōt sik, anmani’n anmanuisō sik, anjem sik khana thingrakea ankir mankop sik, tâk ni 3 ning kahringa keimathō akachang sik kae.”

MATTHEW 21:39

Khan chu ama kha ansura, rahōn vângting anhlonsōt a anthat jo.

MATTHEW 26:2

“Nangni’n nanmanhret, ni 2 sōa Rakan Kût sik jo kae, khana Mihring Sapa kha thingrakea makhei hlonna sik antapek sōt sik jo kae,” ati.

MARK 15:20

Manuisōna kha a’nchaisōa, pōn sendup kha anhlikpek a, ama pōn kha anmansi male jo. Khava sōa thingrakea makhei hlon sik a ankeisōn joa kae.

JOHN 19:16

Khava pha Pilate in Jesu kha thingrakea hem mankop sik a ankut chunga apek sōt jo hei. Khava jâra Jesu kha anmani’n anṭhōi jo.

JOHN 19:27

Khava sōa ama’n sonle hneng khan, “Amanu kha nanu kae,” ati. Khava pha inphut a sonle khan amanu kha a-inna ka-om sik a aṭhōi jo.

ṬŌNTLOHEI 7:58

Khōpui vângting annamsōt a, hlung vâng andeng jo. Akadeng he’n anpōnhei kha rether inkhat, arahming Saul intipa hneng, alei-enpek sik heia anleidahlon.

HEBREWHEI 13:12

Khava jâra Jesu’n athisen vâng mihei setna manthengna sik, khōpui sōngkot vângting akathi kae.