MATTHEW 27:19 - LEKHARABU INTHENG (BSI)

¹⁹ Pilate kha ṭong tanna den shunga a’n-onglai, anuhmei in, “Tuning karahmanga ama jâra khōdeng theina hingja kaleinei, khava jâra ṭhena kaneimak mi kha heite manlomak roh,” tia ṭong ahei manrôna kae.

MATTHEW 27:19 ပူးပေါင်းရင်းမြစ်များ

A’NPHUTNA 31:11

Pathen ngeva khan kahnenga, ‘Jacob!’ tia abek eng. ‘Hôi’ tia kamasôn.

A’NPHUTNA 31:24

Khava ning jân Laban rahmanga Pathen kajōnga, “Nang in Jacob kha heijalai a-enum maṭhit makna sik tlo roh,” atipek.

A’NPHUTNA 31:29

Ke’n nang sukset torna ratha kanei, tâk jâning jân khan napa-Pathen khan karahmanga heijalai a-enum maṭhit makna sik chea ṭong apek eng.

ṬONGCHÎK-HEI 29:1

Amandikna che kataia naracham namanse chet-chet inchu, ni khat chu nang anhrop neng sik chea kha heitik che’num ṭhamak jo che ning.

ISAIAH 53:11

Inrengna hringkhō kha a’nchaisōa, avea hōina kha achen sik; hnemna kasea ama’n inrengna athōk changmak ti kha ama’n ahong manhret sik. A’npek sōt kasōkpa chunga kamalung katlai, mi katamtak hei karâkna chen sik kha arôn pek sik hei khana ama jâra anmani kha karangei mandam sik hei.

ZECHARIAH 9:9

Inpâk ruh, hōi ruh, Zion mihei. Jerusalem mihei inpâk a ông ruh! Enruh, nanrengpa kha nanhnenga kajōng jo! Ama khan chung sōkna leh torna aneia kahong tâk-kha insinsak tak a shakōrtung aheichōng– shakōrtung tere inkhat aheichōng.

MIJAHEI 12:6

Rōngpu’n anhnenga ati, “Kaṭong hri sik hi tûn rangei ruh! Nankâra sânkathemhei an-om pha hmangtalâra anhnenga inlâr ri eng, anrahmanga ka’n bekpui ri hei.

MATTHEW 1:20

Khanga amandonlai Rōngpu ngeva kha arahmanga ahnenga hong inlâra, “David sōn Joseph, nalômnu Mary na-inna na’nṭhōi sik ṭimak roh. Ajârchu amanu naivon hi Rathla Inthenga inphut kae.

MATTHEW 2:19

Herod thisōa, Egypt ram a Joseph rahmanga Rōngpu ngeva inkhat inlâra,

MATTHEW 2:22

Tâk Judea ram a Archelus kha apa Herod kathlenga reng kachang ti ṭong Joseph in athei pha, Judea ram a se sik kaṭi jo. Arahmanga akakhe chet mantheina le’npeksa, khava jâra Galilee ramting kasea,

MATTHEW 27:18

Jehudi hlamkakei he’n ahnenga Jesu anta heipek sōt hi achunga anthang set jâra kae ti hi amanhret joa kae.

MATTHEW 27:24

Pilate in aṭong der hei kha ahnemna om mak jo, mipui inchok inhângna kasōkbei sik jo ti kha ahmu pha, tui ajing aloa mipui hmaikunga akut asôp a, “Hiva mipa thina chunga kei chu mô rônmak ning! Hivahi nanbinga nantatlo kae!” ati hei.

MATTHEW 27:4

“Ṭhena kaneimak inkhat thatna sik a mikut a kapek sōt hi ke’n kaṭhe jo!” ati. Anmani’n anmasôn, “Khavakha keini’n heimo kantamanlo sik? Khavakha nabing ṭōn jo kae!”

LUKE 23:41

Hei-achang inum eini tachen hichu akadik kae, eini’n nitlona rahōi kasōk hrep kha nihmu kae. Tâk-kha ama hichu akaṭhamak heite tlolo kae.”

LUKE 23:47

Sepei ṭōnpui karônpa khan omchen kasōk hei kha ahmu pha ama’n Pathen amanpâk a ati, “Inchêntak a hiva mipa hi mikaṭha kae.”

JOHN 19:13

Pilate in hiva ṭong hi athei pha, ama’n Jesu vânga aṭhōisōt a Hlungpheng inti ṭongtan in-ongna (Hebrew ṭonga, “Gabbatha,” inti) chunga in-ong joa kae.

ṬŌNTLOHEI 12:21

Kadeisōt kani inkhat ning Herod khan areng lûrpōn kha a’nsia, alen in-ongna chunga mipuihei hneng ṭong aleihri.

ṬŌNTLOHEI 18:12

Gallio kha Achaia ram a Rome vai karôna matungsōt aheichang pha, khana ka-om Jehudihei kha intûp heia, Paul kha ansura, ṭongtan hmun a anleiṭhōi.

ṬŌNTLOHEI 18:16

Khana ṭongtan hmun a inphut ahnong sōt jo hei.

ṬŌNTLOHEI 18:17

Anmani’n intûpna innpui hlamkakei, Sosthenes kha ansura, ṭongtan hmun hma a khan anleirachâk jo. Tâk-kha khavakha Gallio khan chu heite’m leingeisak mak a kae.

ṬŌNTLOHEI 25:10

Paul in ati, “Kaṭong antanna sik hmun, Rengkalen Caesar ama khet ṭong tanna karôt a khan akangir sik jo eng kae. Nangkhet inum kaṭhatak a namanhret kapōa, ke’n Jehudihei hneng tloṭhe heite neimak eng.

ṬŌNTLOHEI 25:17

Anmani hin anheihong pha ke’n phat manhmang loa, ajîng kanibât a ṭong tanna hmun kahlōa amipa kha anheiṭhōina sik a ṭong kaleipek hei.

ṬŌNTLOHEI 25:6

Festus khan kanikhō 8 a-emak leh 10 anmani leh ahmangsōm sōa Caesarea a inle jo. Ajîng kania ṭongtan hmun a in-onga Paul kha anheiṭhōi manhlutna sik a ṭong aleipek hei.

PETER INKHATNA 2:22

Ama’n setna neimak; abeisōa maleisei ahrina tûte’n theiphung hêrmak.

JOHN INKHATNA 2:1

Kasahei, nanset makna sik a kaheimazet chei kae; tâk tu mo inkhat in setna atlo’nchu Pa hneng ani kahri pek sik Jesu Christa akadik inkhat kha ninei.