MATTHEW 27:1 - LEKHARABU INTHENG (BSI)

¹ Jîngkâr hmatak thempu kalen rakip leh upahei seng in Jesu thatna sik lungthim antlo jo.

MATTHEW 27:1 ပူးပေါင်းရင်းမြစ်များ

HLAHEI 2:2

Anreng he’n andōi, khana anvaikarôn he’n inchun heia Rōngpu chunga leh ama takadeisōt rengpa chunga marûk a ṭōnhlam ansyem.

HLAHEI 31:13

Ka’nrepui katamtak he’n marûk a antahri sepsop kathei; kasir kapanga ṭitna khan akatōmbit eng! Anmani’n kei kadōia ṭōn anmantluk, kei thatna sik a intluk hei.

HLAHEI 71:10

Kei inrepuihei khan that sik a anmadu eng. Kei dekna sik inbe heia ṭōn anmantluk.

MICAH 2:1

Hmit harpuma akaje khana akaṭhamak ṭōn mantlukna kaneihei sik a heituk a ṭitpek ka-om hei mo! Jîngkâr ahong pha, pha kaṭha anhmutak leh ṭhatmak anmantlukna kha antlosōt a kae.

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

MARK 15:1

Jîngkâr hmatak thempu kalen he’n upahei, Dân ojahei leh Sehmang-Pachonghei ankhenga inrangtak a an-inhmupui hei, khana ṭōn mantlukna annei jo. Anmani’n Jesu thirhruia ankhit a, ankeisōt jo khana Pilate kut chunga anvapek jo.

LUKE 13:1

Galilee mihe’n Pathen hneng inthoina antōklai Pilate in mi athat hei ṭong kha mi ṭhahrep in Jesu hneng anleihri pek.

LUKE 22:66

Khō ahong vâr jo pha, upahei, thempu kalenhei, khana Dân ojahei le’ntûp hei khana Sehmang-pachong ângkunga Jesu kha anleiṭhōi manhlut a kae.

JOHN 18:28

Jîngkâr hmatak a Jesu kha Caiaphas inna inphut ram vaikarôn Pilate innpuia anṭhōi jo. Jehudi hlamkakei he’n Rakan Kût thlai ansâk theina sik bekdân dungjuia anmani inthenga an-om sik anmadua reng-innpui shunga chu hlutmak hei.

ṬŌNTLOHEI 5:21

Sonlehei khan aṭong kha anjuia, khō avâr pha Bek-inna kahlut heia mihei anmanthei manphut jo. Thempu Kalen leh aloihei khan pui katluktak Sehmang-pachong intûpna a-omtheina sik Jehudi hlamkakei rakip anleibek hei, khava sōa kurkhum a sura antada sonle rakip an-ângkunga anheiṭhōina sik a ṭong anleipek hei.

ṬONGKATANHEI 16:2

Gaza mihei khan Samson kha khana khan ka-om ti anmanhret a khava hmun kha ankakebit jo. Khana khōpui kalen kot khan jân kathang anleihngâk jo. Anmani kangamtak a ka-om hei, anbinga anmandon, “Khō ahong vâr katlunga nihngâk sik, khana ama nithat sik.”

SAMUEL INKHATNA 19:11

Khava ning jân a David inn kha anhngâk a ajînga jîngkâra anthatna sik a Saul in mi ṭhahrep atir hei. David nuhmei Michal in gîkna apek, “Tuning jân natlânsōt mak inchu ajînga chu kathi sik jo che.”