MATTHEW 26:28 - LEKHARABU INTHENG (BSI)

²⁸ hivahi Pathena intepna chunga mêrchîkna a’ntat, mi katamtak set rangei mandamna sik a akalōng kathisen kha kae.

MATTHEW 26:28 ပူးပေါင်းရင်းမြစ်များ

JEREMIAH 31:31

Rōngpu’n ahri, “Ke’n Judah leh Israel mihei leh intepna ather inkhat kasyemna sik pha kha kahong jo.

LEVI-DÂN 17:11

Akahring rakip hringkhō hi thisena ka-om, khava jâra mihei setna losōtna sik a thisen rakip hi maichâm chunga bun mathlâk sik kae tia Rōngpu’n ṭong apek kae. Hringna kachang thisen hin setna alosōt a kae.

ZECHARIAH 9:11

Rōngpu’n ahri, “Inthoina thisen vâng mêrchîkna mahôr a’ntatkhum khava nangni leh kei intepna jâra khan, ke’n namihei kha kamasōsōt sik jo hei, rehring surna, tui omakna khura inphut kamasōsōt sik hei.

MATTHEW 20:28

Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

MATTHEW 26:27

Khava sōa ama’n kōklei kha aloa, Pathen manpâkna anei, khana anhnenga apek jo hei. Ama’n ati, “Hi nankhenga in ruh,

MATTHEW 26:29

Ke’n kahri pek chei kae, kapa rengram a nangni leh vomhrui tuither kha ni-insap mak kârseng, tuna inphut a hiva vomhrui tui ke’n avea in nôk mak jo ning.”

MATTHEW 6:12

Keini’n kanchunga akaṭhe hei kantarangei mandam kapōa kanṭhena arangei mandam roh.

MARK 1:4

Khava jâra Tui Inhlutpa John kha nêrdiram a kahonga, tui amanhlut hei khana Pathen ṭong ahrilea kae. “Nansetna inphut hong inhe ruh khana tui hlut ruh khan chu Pathen in nansetnahei arangei mandam sik chei,” tia mipui aleimanthei hei.

MARK 14:24

Jesu’n ati, “Hivahi mi katamtak sik a akalōng kathisen, Pathen intepna chunga mêrchîkna katatna thisen kha kae.

LUKE 22:19

Khava sōa ama’n buhlom kha aloa Pathen manpâkna apek a, har akhōia, anmani apek heia ati, “Hivahi nangni sik a a’npek sōt kataksa kha kae, kei mandonsōtna sik a hi tlo ruh.”

LUKE 22:20

Thlai kha ansâksō pha, khava kapōa kōklei kha apek heia ati, “Hiva kōklei hi nangni sik a akalōng jo kathisen vâng mêrchîkna katetkhum jo, Pathen intepna ather kha kae.

ROMANHEI 5:15

Tâk-kha 2 hei kha thakhat changmak hei ajârchu Pathen kutchoi pek mankase kha Adam setna kapō kha changmak. Mi inkhat set jâra mi katamtak kathi hei ti hi chu akadik kae. Tâk-kha Pathen maritna khachu akalen chet kae, khana mi inkhat ti chu Jesu Christa maritna vânga mi katamtak hei hneng apek mankase kutchoi kha’n kalen chet a kae.

ROMANHEI 5:19

Mi inkhat ṭong juimak jâra mi katamtak mikaset amanchang hei kapōa, mi inkhat ṭongjui jâra mi katamtak Pathen leh amandiksap sik hei kae.

CORINTHIANHEI INKHATNA 11:25

Kha leh in-anghrep a, anmani’n ansâksō pha, ama’n kōklei kha aloa khana ahri, “Hiva kōklei hi kathisenna mêrchîkna kataetkhum jo Pathen ṭongtep ther kha kae, nangni’n nan-in akaia kei mandonsōtna nei ruh.”

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

COLOSSIANHEI 1:14

ama’n eini nining nihnōma amasō jo me, ti chu nisetnahei arangei mandam jo.

COLOSSIANHEI 1:20

Khana Sapa jâra vânhnōi ralei pumpui ahnenga aṭhōi male nôk sik hi Pathen manṭhatna kae. Thingrake chunga Asapa thisen vâng khan Pathen in malung daina asyema khana marvân chunga leh raleichunga heirakip ahnenga aṭhōi male nôk heia kae.

HEBREWHEI 10:29

Kha achang inchu, Pathen Sapa kahnōise hei sik hei mo kachang sik? Khava anset manthengna kapek Pathen intepna thisen kha mankabeitek a akalo hei sik? maritna Rathla manzakna kapek hei sik? Khahei kha heituk-hrep akakhe karâkna mo anrahōi akachang sik mandon ruh!

HEBREWHEI 13:20

Athisen vâng kumsôt intepna chunga mêrchîkna intatkhum Kemōng Kakhem Kalen, ni-Rōngpu Jesu kha thia inphut Pathen in akei mathōi jo. Mōngna Pathen lungdo kha nantlona sik, ama’n akaṭha nanta rangei rakip pek chei rasoh, khana Jesu Christa jâra keini chunga ama tlaina kha intlo rasoh. Khana Christa kha are-rea lûrṭhak rasoh! Amen.

HEBREWHEI 9:28

Khava kapōa Christa kha’m mi katamtak setna kalosōt sik a vōi khat inthoina le’ntōksōt jo. Ama vōi 2 changna, setna chunga ensuina sik changloa, ama kahngâk ṭhak hei kahuk inhring sik a, alajōng inlâr nôk sik kae.

JOHN INKHATNA 2:2

Khana niset inthengna kha Christa ama khet kha kachang jo, einihei setna rōk changmak, tâk mi rakip setna kha’m kae.

ṬONGPHÔNG 7:14

“Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.

ṬONGPHÔNG 7:9

Hivasōa ke’n ka-ena, tûte tatei tor mak sik, mipui katamtak kahmu hei! Anmani kha jât rakip, phung rakip, mi rakip, ṭong rakip a inphut pōn bang ansia kemōngte len in-ongna hmaikunga kahno bō anchoia kangir hei.