MATTHEW 25:46 - LEKHARABU INTHENG (BSI)

⁴⁶ Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

MATTHEW 25:46 ပူးပေါင်းရင်းမြစ်များ

DANIEL 12:2

Aleikathi hei kâra mi katamtak kahring nôk sik hei, khana ṭhahrep chu kumleikōa hmaimôkna kha anchen sik jo.

MATTHEW 13:43

Khana Pathen mihei khachu an-Pa Rengram shunga kani kapōa kavâr sik jo hei. Khava jâra kōr kanei in rangei ruh!”

MATTHEW 19:16

Vōi khat mi inkhat Jesu hneng kahonga ahnenga ahongder, “Oja, ke’n kumleikōa hringna sik ṭōn kaṭha heimo katlo sik?”

MATTHEW 19:29

Khana tu achang inum a-inn, asōpuinu leh asōpuipa, anu leh apa khana asahei leh ahlei, kei sik jâra akadahlon mi khan araja kakhea ahmu sik, khana kumsôt hringna kha achen sik.

MATTHEW 25:41

“Khana veitinga aka-om hei hneng khan ama’n ati sik, ‘Pathen hâksêr kachen hei, kahnenga inphut sesōt ruh! Seitan leh angevahei sik a mantluksa kumsôt hmeikhura sik sesōt ruh!

MATTHEW 25:45

Rengpa’n amasôn sik hei, ‘Kahri pek chei kae, hihei kâra akasinpen inkhat chunga inthōpui sik akada chei kha, kei inthōpui akada chei kae.’

LUKE 16:26

Khava chung nôk a, hintinga inphut nang omnating rakan sik a indu hei, khana nang omna tinga inphut hinting rakan indu hei tûte’n anrakan thei makna sik, nikâra kōk inthûktak inkhat ka-om.’

JOHN 17:2

Ajârchu nang in ama napek sōt mihei seng kha kumsôt hringna apek theina sik hei, mihring rakip chunga ratha neina kha ama hneng napek jo.

JOHN 3:36

Tu achang inum Sapa kataksen mi khan kumsôt hringna anei jo; tu achang inum Sapa kataksen mak mi khan hringna hmuhêr mak ning, tâk Pathen karâkna thōia ka-om ṭhak sik.

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JOHN 5:24

“Akadiktak kahri pek chei kae; tu achang inum kaṭong hri katheia anijōng katirpa kataksen mi khan kumsôt hringna anei jo. Anmani ṭong intanmak jo ning, tâk thina anrakansōt a hringna antaneisa jo kae.

JOHN 5:29

thlânkhura inphut anhong sōkna sik, pha kha jōng katlung jo: ṭōn kaṭha katlohei kha kathōi sik hei khana kahring sik hei, ṭhatmak katlohei kha’m kathōi sik hei khana themmôna inpek sik hei.

JOHN 6:27

A’nhmangthei bu jongna sik a ṭōn rahnak a tlomak ruh; khava kanek a, kumsôt hringna bu jongna sik ṭōn rahnak a tlo jôk ruh. Hiva bu hi mihring Sapa’n apek sik chei, ajârchu Pa Pathen khan ama chunga hnōm pekna mêrchîkna adapek jo kae.”

JOHN 6:40

Ajârchu Sapa kahmua akataksen rakip in kumsôt hringna anneina sik a kae. Khana a’nchai ning kani khan anmani kahringa kamathōi sik hei.”

ṬŌNTLOHEI 13:46

Achang ravâng kangam chet a Paul leh Barnabas in kaṭongsōt jo hei: “Nangni hnenga Pathen ṭong hi hri masa pen sik arangei. Tâk-kha nanrahlâng mak jâra leh kumsôt hringna kachen sik a nanbinga rahōi kasōkmak a nan indon jâra, kantadahlon cheia Jât-hlop hei hnengting jôk akase sik jo ung kae.

ṬŌNTLOHEI 13:48

Khava ṭong kha Jât-hlop he’n anthei pha, inpâk heia Rōngpu ṭong kha anchoi ka-ân jo; khana kumsôt hringna kachen sik a kadeisōt hei khan atakkasen kachang jo hei.

ṬŌNTLOHEI 24:15

Anmani’n Pathena inhōrna antanei kha leh in-anghrep a ke’num kanei, khachu, mikaṭha leh mikase rakip thia inphut lakathōi sik hei.

ROMANHEI 5:21

Khan chu, setna khan thina vânga vai arôn kapōa, ni-Rōngpu Jesu Christa jâra kumsôt hringnating ani kaṭhōi Pathen maritna khan dikna vânga vai arôn.

ROMANHEI 6:23

Ajârchu setna tapek tloman khachu thina kae; tâk Pathen kutchoi pek mankase khachu ni-Rōngpu Jesu Christa leh inchunna shunga kumsôt hringna kha kae.

GALATIANHEI 6:8

Antaksa tamaduna hleia khan hmuchi anvor inchu, khana inphut a anmani’n thina kara antalōk sik kae; khana rathla hleia khan anvor inchu kumleikōa hringna antalōk sik kae.

THESSALONIANHEI INHNINA 1:9

Anmani Rōngpu lûrna kalentak leh ahmai kunga inphut ṭhensōt a ka-om sik heia kha, kumleikōa suk manhmangna karâkna kha antathōk sik kae,

JOHN INKHATNA 2:25

Khana hiva kumsôt hringna hi Christa khan eini pek sik a ṭong aleitep jo kae.

JUDE 1:21

Ni-Rōngpu Jesu Christa lungsetna vâng kumsôt hringna apek sik chei kha hngâkna leh inṭhōia, Pathen lungsetna shunga inhrung una omṭhak ruh.

ṬONGPHÔNG 20:10

Khava pha mikahōn inthlapa, Diabol kha kât kakâng hmei dîr shunga anhlon manhlut jo, khava hmun a khan ranhring leh sânkathem inhlem hei khachu aleika-omsa jo hei kae; khana khan asûn-ajâna khōdengthei are-rea mande sik jo kae.

ṬONGPHÔNG 20:15

Tu achang inum hringna lekharabu shunga arahming aka-om mak mi khachu hmei dîr shunga anhlon manhlut jo hei.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”