MATTHEW 25:34 - LEKHARABU INTHENG (BSI)

³⁴ Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

MATTHEW 25:34 ပူးပေါင်းရင်းမြစ်များ

HLAHEI 2:6

Ama’n ahri, “Katlâng intheng Zion chunga, kareng kha kaman ong jo,” ati.

ṬONGCHÎK-HEI 11:17

Mi nalungset inchu nabinga a’nlungset che kae. Nahrâng ase inchu nabinga a’nsukset che kae.

ISAIAH 33:22

Khava anrakōng heia pōnzâr makhei kha ahnemna om mak; rakōng intôr theimak ning! Ni-inrepuihei nei rakip nisur sik jo, khangtuk hrep a katam sik, ke kangōi kapha’num chen anei tor sik. Rōngpu kha nireng kachang sik jo; ama’n nichunga vai arôn sik khana ahrung sik me.

ISAIAH 6:5

Ke’n kati, “Kei sik a inhōrna om mak! Kei inhmang jo eng ajârchu kabeia ṭong ahei kasōk rakip setna kasip, khana setna kasip ṭongkahri mihei kâra kei ka-om eng. Kha’num Reng Rōngpu Chunghnung kha kahmu jo!!”

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

DANIEL 9:25

Hivahi chîk roh khana manhret roh: Jerusalem athera sak nôkna sik ṭongpek asôkna khana inphut Pathen takadeisōt hlamkakei ajōng mak hma seng kum 7 et kha vōi 7 kathleng sik. Jerusalem kha hlamlenhei leh rekur kangar tak hei insyemther sik hei, khana kum 62 et kha vōi 7 kangir sik, tâk-kha khavakha inrimna pha sik jo kae.

ZEPHANIAH 3:15

Rōngpu’n nachunga karâkna kha amanbâng jo; Naka-en kada rakip alosōt pek jo che. Rōngpu, Israelhei reng khan a-ompui che; tûnchu ṭitna sik a ajâr om mak jo.

MATTHEW 13:35

Ama’n hiva aleihmang hi sânkathem taleihri kha hui atlungna sik a kae: “Anhnenga ṭong kahri pha tekâk kahmang sik, vânhnōi insyembia ṭong in-ip kha anhnenga kahri pek sik hei.”

MATTHEW 19:29

Khana tu achang inum a-inn, asōpuinu leh asōpuipa, anu leh apa khana asahei leh ahlei, kei sik jâra akadahlon mi khan araja kakhea ahmu sik, khana kumsôt hringna kha achen sik.

MATTHEW 20:23

Ama’n anhnenga, “Kadik, nangni’n kakōklei khachu nan-in sik; tâk kachangtinga leh kaveitinga in-ongna sik kadeina ratha neimak eng. Khava hmun khachu kapa’n amantluk pek hei tachen sik kae,” ati.

MATTHEW 21:5

“Zion khōpui kha manthei ruh, Enroh, narengpa kha nahnenga kajōng! Ama amalung innem khana shakōrtung leh atere aheichōng, la’nhmangtet lo shakōrtung kae.”

MATTHEW 25:21

Akapu khan ahnenga, ‘Kaṭha natlo jo, mikaṭha leh taksen ka-om sōk! Nang aja katlômtek chunga taksenthei kachang che, akatamtak chunga kamanngan sik che kae. Hong roh kei inpâkna hin chen vanei jo roh!’ ati.

MATTHEW 25:23

Akapu khan ahnenga, ‘Kaṭha a natlo jo, mikaṭha leh taksen ka-om sōk! Nang aja katlômtek chunga taksenthei kachang che, akatamtak chunga kamanngan sik che kae. Hong roh kei inpâkna hin chen vanei jo roh!’ ati.

MATTHEW 25:40

Rengpa khan amasôn sik hei, ‘Kadiktak a kahri pek chei kae, hiva ka-innshung mihei kâra akasin pena a’ntei inkhat hneng nanta leitlo kha, kei hneng nantatlo kae!’

MATTHEW 25:41

“Khana veitinga aka-om hei hneng khan ama’n ati sik, ‘Pathen hâksêr kachen hei, kahnenga inphut sesōt ruh! Seitan leh angevahei sik a mantluksa kumsôt hmeikhura sik sesōt ruh!

MATTHEW 27:37

Alu chungdet a, “Ama hi Jehudihei Reng, Jesu,” tia amasetna malârna anmazet a antâra kae.

MATTHEW 3:2

“Nansetna inphut inhe ruh, ajârchu marvân Rengram kha kahnai jo!” ati.

MATTHEW 5:19

Kha achang jâra tu achang inum hiva ṭongpek kasinpen hei-inkhat ajuimak inchu, khana mihe’m khanga tlo sik a amanthei he’nchu marvân rengram a akasinpen akachang sik kae. Inkhat ting chu, tu achang inum dân kajui khana mihe’m khanga a’nthei khan marvân Rengram a akalen kachang sik.

MARK 10:17

Jesu’n ahlam hro aphut nôk pha, mi inkhat hong katlâna ahmai kunga hong-inkuna, ahnenga ader, “Akaṭha Oja, kumsôt hringna kachen theina sik ke’n heimo katlo nger sik?”

MARK 10:40

Tâk kachangting leh kaveitinga a’n-ong sik kadeina ratha khachu ke’n neimak eng. Amantluk pek hei hnenga khava hmun kapek sik khachu Pathen kae.”

LUKE 11:28

Tâk-kha Jesu’n aleimasôn, “Khava nek a, Pathen ṭong katheia akajuihei kha heituk a akahōi sik hei mo!” ati.

LUKE 11:50

Ralei insyembia inphut a sânkathem thatsōt rakip hei jâra tûnlaia mihei hi karâk sik hei kae,

LUKE 12:32

“Rup katlôm hei, ṭimak ruh, ajârchu nangni rengram pek sik chei hi nanpa lungdo kae.

LUKE 19:38

“Rōngpu rahminga akajōng rengpa kha Pathen in mahâmṭhat pek rasoh! Marvâna mōngna om rasoh khana Pathen kha chunghnung pena lûrṭhak rasoh,” anti.

JOHN 1:49

Nathanael in ahnenga amasôn, “Rabbi, nang Pathen Sapa che kae. Israelhei Rengpa che kae.”

JOHN 12:13

Khava jâra anmani’n kahno bō anchoia intōpui sik a kase heia, “Hosanna! Pathen manpâk rih! Rōngpu rahminga akajōng! Israel Rengpa kha amahâm kaṭha!” tia an-ôna kae.

JOHN 17:24

“Apa! lûrna naleipek eng, khava kalûrna kha anmani’n anhmu theina sik nang in napek jo eng hei kha kei omna hmun a kaman om hnōm hei; ajârchu vânhnōi alei insyem mak hma nalei lungset jo eng.

JOHN 19:15

Anmani’n ka-ông male heia, “That roh, that roh! Ama thingrakea hem mankop roh!” anti. Pilate in ader hei, “Nangni’n nanrengpa Thingrakea kahem mankop sik nanta madu mo?” Thempu kalenhei khan anmasôn, “Caesar rōk kha kanreng kae.”

ṬŌNTLOHEI 15:18

Hmalaia inphut manhretna anikapek Rōngpu’n hinga ati.’

ṬŌNTLOHEI 3:26

Nanṭhat makna inphut nanhe’n hea, nankhenga mahâmṭhat abukna sik chei, Pathen in asōkpa hi akadeia ahma inkeipena nanhnenga ahei tir jo kae.”

ROMANHEI 8:17

Eini Pathen sa nichang jo jâra, amihei sik a ada mahâmṭhatna khana Christa sik a ada mahâmṭhatna kha’m nichensap sik jo; ajârchu tûn eini’n Christa inrengna kha nidepui inchu, alûrna kha’m nichenpui sik kae.

CORINTHIANHEI INKHATNA 15:50

Sōpuihei, hiva kahri hi taksa leh thisena a’nsyem khan Pathen Rengram a chen neimak, khana akathithei khan akathi theimak kha chenthei mak ti hi katina kae.

CORINTHIANHEI INKHATNA 2:9

Achang inum ṭong intheng in ahri: “Tûte inkhat tahmu phungmak leh tathei phung hêrmak, tûte inkhat in kasōk sik tia amandon phungmak, khavatak kha, Pathen in ama inlungset hei sik a amantluk pek heia kae.”

CORINTHIANHEI INKHATNA 6:9

Mikaṭhamak in Pathen rengram kha chenmak ning ti hi inchêna nanmanhret jo. Nanbinga inhōn inthla mak ruh; jông leh kîk katlo, limsyem kabek hei, mikajông, pase leh pase inn kanei,

GALATIANHEI 5:21

anmani in-enkada hei, ju-inruihei, inlensak hei, hinghiva omchen ralak antlo heia kae. Hma inkeia kapōa tûn karakôk nôk chei kae: hinghiva omchen katlo he’n Pathen rengram kha antachen mak sik kae.

EPHESIANHEI 5:5

Nangni’n hivahi nanmanhret thei sik, mikajông khōza inhret mak, phamhrai kase (ajârchu phamhrai setna hi limsyem kamuk inkhat kae) hei hin Pathen leh Christa Rengram kha chen nei hêrmak hei ning.

THESSALONIANHEI INKHATNA 2:12

Kanmathok chei, lungmōng kanṭhlâk chei, khana a-Rengram leh alûrna kachen sik a nankabekpa Pathen malung tlainating hringkhō kha nanhmangna sik kanngek ṭhak chei.

TIMOTHY INHNINA 2:12

Eini’n nide manrimṭhak inchu, ama leh vai nirônsap sik a kae. Ama nihnōm mak inchu, ama’num eini ahnōm mak ning.

TIMOTHY INHNINA 4:8

Khana tûnchu Pathen leh mandik sapna torna tloman khan ahngâk ṭhak jo eng kae, khava Kani ning khan ṭongtan kadikpa Rōngpu khan apek sik eng, khavakha kei hneng rōk changmak, tâk ama ahon’lâr sik lungset a akahngâk rakip hei hneng um kae.

HEBREWHEI 1:14

Khan chu marvân ngevahei kha heijo heihmen? Anmani ankhenga Pathen inzen rathlahei kha kae, khana hukmanhringna kachen sik senghei inthōpui sik a ajōngtir hei kae.

HEBREWHEI 11:16

Khava kanek a akaṭhachet ram, marvântinga ram kha antarangei jôk kae. Khava jâra Pathen in anmani Pathen a’nti sik kha inzak mak, ajârchu ama’n khōpui inkhat anmani sik amantluk pek jo hei.

HEBREWHEI 4:3

Khava jâra akataksen eini’n Pathen ṭongtep châmhngatna kha nichen jo kae. Hivahi aleihri kapōhrep kha kae, “Kei kahnuk leikana a intepna inkhat kaleinei: Anmani kapek sik hei châmhngatna ram a khan hlut hêrmak hei ning.” Ama’n vânhnōi ralei asyema inphut aṭōn ahongchai joa achang inum hivahi ahria kae.

HEBREWHEI 9:26

khanga achang inchu, vânhnōi ralei insyembia inphut ave-avea inrimna aleide jo akachang sik kae. Kha changloa, tûnchu pha rakip a’nchai sik ting, ama intōksōtna hin setna rakip a’nthengna sik ahei tik a sik a vōi khat rōk ava’nlâr kae.

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.

PETER INKHATNA 1:9

ajârchu nangni’n ama nantaksenna hlopen, nanrathla hukmanhringna kha nanchen jo.

PETER INKHATNA 3:9

Akaṭhamak kha akaṭhamak vâng male mak ruh, a-emak leh hâksêrna anikapek hei kha hâksêrna pek male mak hei ruh; khava kanek a, mahâmṭhat pek jôk hei ruh, ajârchu Pathen in abeklai chei, pek sik cheia ale’ntep kha hiva mahâmṭhatna hi kae.

ṬONGPHÔNG 13:8

Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.

ṬONGPHÔNG 17:8

Ranhring nahmu kha vōi khat leikahring, tâk tûnchu hringmak jo, ama kha suk manhmang theina sik adongna kase dôpkhura inphut ahei kasōkvet jo kae. Ralei ale’nphut mak hma hringna lekharabu shunga rahming ale’nzet inhlutmak raleichunga akahring he’n, ranhring kha anhmu pha inlak hêra anmandon et sik. Khavakha pha khat a leikahring; tûnchu hringmak jo, tâk avea laho’nlâr nôk sik.

ṬONGPHÔNG 19:16

Apōn chunga leh arakō chunga: “renghei Reng leh rōngpuhei Rōngpu,” inti rahming inzet a kae.

ṬONGPHÔNG 21:7

Khava torna kanei mihei khan hivahi keia inphut achen sik: Kei anpa Pathen kachang sik eng, khana anmani kasa kachang sik hei.

ṬONGPHÔNG 5:10

Nang in anmani kha ni-Pathen inzen sik a thempuhei rengram nasyempek jo hei, khana anmani’n raleichung vai antarôn sik kae,” tia hla ansak.”