MATTHEW 25:32 - LEKHARABU INTHENG (BSI)

³² khana ahmai kunga jât rakip intûp sik hei. Kemōng kakhem inkhat in kemōng leh kehei aṭhen kapōa, anmani kha rup hnia aṭhen sik hei.

MATTHEW 25:32 ပူးပေါင်းရင်းမြစ်များ

HLAHEI 1:5

Mikaset-hei kha Pathen in maset apek sik hei khana ami khet heia inphut ahlop a aṭhensōt sik hei.

HLAHEI 78:52

Khava pha kemōng kakhempa kapōa amihei kha aṭhōisōt jo hei, khana nêrdiram a hlam aleikei hei.

HLAHEI 96:13

raleichung vai karôn sik a Rōngpu kha ajōng pha. Ama’n raleichunga amihei kha kadik leh kaṭhatak a vai arôn sik jo hei.

HLAHEI 98:9

ajârchu ama kha raleichung vai karôn sik a kajōng! Ama’n ralei mi rakip chunga akadik leh akaṭha vâng vai arôn sik.

EZEKIEL 20:38

Nangni kâra racham kase leh setna katlohei kha kalosōt sik hei. Anmani tûnna an-omna ram a inphut kaṭhōisōt sik hei, khana Israel ram a heimanle nôk mak jo hei ning. Khava pha nangni’n kei hi Rōngpu eng kae tia nanmanhret sik jo eng.”

MALACHI 3:18

Ave nôk a kami he’n mikadik leh mikadik mak hei chunga omchen kasōk, kei inzen leh kei inzenmak mihei kâra akasōk kha anhmu sik jo.”

MATTHEW 13:49

Pha a’nchai ning hiva kapōa kachang sik: marvân ngevahei kajōng sik hei khana mikadik mak hei kha mikadik-hei kâra inphut ankhôm mantûp sik hei

MATTHEW 28:19

Nangni mi rakip hnenga, hmun rakip a se ruh, kasonle vasyem hei ruh: Apa, Asa, Rathla Intheng rahminga tui manhlut hei ruh,

MATTHEW 3:12

Ama’n yângjâp akut a achoi, sarahmu ajâp mantheng sik, khana sâng kha sasōr shunga akhum mantûp sik, tâk sarasi hei khachu akathi theimak hmeikhur shunga ahlon manhlut sik hei.”

JOHN 10:14

Kei kemōng kakhem kaṭha eng kha kae. Ke’n Pa kamanhret a, Pa’n kei amanhret eng kapōa, ke’n kakemōnghei kamanhret hei khana kakemōng he’n kei ani manhret. Khana kei anmani sik a kathi ngam eng.

JOHN 10:27

Kakemōng he’n karasa anmanhret, ke’n anmani kamanhret hei, khana anmani’n anijui.

ROMANHEI 2:12

Jât-hlop he’n Moses Dân kha neimak hei; Dân kasea setna antlo khana kathihei. Jehudi he’n Dân annei; setna antlo khana Dân in anṭong atan.

ROMANHEI 2:16

Khava jâra kaṭong hrile Ṭong kaṭha dungjuia, khava kani ning khan Pathen in Jesu Christa ngansena, mihringhei malung shunga a’nthup mandonna rakip kha hing’hin ṭong atan sik kae.

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

CORINTHIANHEI INHNINA 5:10

Nikhenga Christa ṭongtan in-ongna ângshunga ala’nlâr et sik me kae. Ajârchu taksa ralei hringkhō shunga mi rakip in akaṭha leh akase atlo dungjuia rahōi kasōk kha arahlângna sik a kae.

SAMUEL INKHATNA 2:10

Rōngpu kadōihei kha suk manhmang kachang sik hei; marvâna inphut anmani kadôia khōjang jōng kapōk sik. Rōngpu’n vânhnōi pumpui ṭong atan sik, arengpa kha ratha apek sik, areng kadei kha torna amannei sik.”