MATTHEW 25:24 - LEKHARABU INTHENG (BSI)

²⁴ “Khava sōa sêr 1,000 kachenpa sōk kha’m kahonga, ‘Apu, nang mi kakhôktak inkhat nachang kamanhret che; hmuchi navor makna hmun a na-ât, khan chu nakathek makna hmun a nakhôm mantûp a kae.

MATTHEW 25:24 ပူးပေါင်းရင်းမြစ်များ

ISAIAH 58:3

Mihei kha’n inder heia, “Rōngpu’n athei hêrmak sik me achang inchu heisik a mo thlai nihngōi sik? Ama’n heitea ateimak sik me achang inchu heisik a mo bu sâk loa akase sik me?” anti. Rōngpu’n anhnenga ahri, “Akadik khachu nangni’n thlai nanhngōi pha, nanbing maduna nanjonga nanṭōn katlohei nanmanrim hei.

JEREMIAH 2:31

Israel mihei, kaṭong hri hi rangei ruh. Kei hi nanhnenga nêrdiram kapō, a’nthim leh thinathei ram kapō kha akachang jo eng mo? Kha achang inchu heijâra mo nangni’n nanracham hrep a nanchônna sik leh kei hnenga nanhong inle hêrmakna sik a nanta hri jo?

MATTHEW 18:24

Ama’n khanga aphut pha, sêr hingja kabat mi inkhat ahnenga anheiṭhōi jo.

MATTHEW 20:12

‘Hnung kakhôrpen nami nek he’nchu pung khat rōk ṭōn antloa, keini sûnilun kani kalum kadea ṭōnkatlo leh naman-ang ung,’ anti.

MATTHEW 25:25

Ke’n kalei ṭit chea, nasêr kha kase enga ralei thōia kathup a kae. Enroh! Nata kha hi kae,’ ati.

MATTHEW 25:26

“Akapu’n amasôn, ‘Mikaṭhamak leh ratha kase sōk!’ Ke’n kavor makna hmun a ka-ât leh kakathek makna hmun a kakhôm mantûp namanhret mo?

MATTHEW 7:21

“‘Rōngpu, Rōngpu’ tia anikabek rakip marvân rengram a hlutmak hei ning. tâk marvâna kapa lungdo katlo rōk hei kha akahlut sik hei kae.

LUKE 15:29

Tâk-kha ama’n apa kha amasôna, ‘Enroh, kum hiseng sōk kapōa ṭōn kahei tlo jo, naṭong inkhatbek um juilo tlomak eng. Heimo napek jo eng? Kete inkhatbek um kaṭim kare hei leh revei tlona sik apek mak che!

LUKE 19:13

Ama ase mak hma asōk 10 abek heia sana sêr cheng khat et apek hei, anhnenga, ‘Kasesōt shunga hivahin invei theina lei-en ruh,’ ati.

LUKE 6:46

“Kahri khachu tlolo cheia, heisa mo ‘Rōngpu, Rōngpu,’ nantati eng?

ROMANHEI 8:7

Khava jâra anmihring ngai tamadu vairôn hei khachu Pathen kadōi hongkachang hei; ajârchu Pathen Dân kha juimak heia kae, khana inchêntak a ajui um juitor mak hei.

ROMANHEI 9:20

Tâk-kha, Eh kaṭhōn, Pathen hnenga ṭong insôn sik, nang kha tu che mo? Ralei bephu inkhat in akasyem hneng, “Heisa mo hinga nasyem eng?” tia ader thei sik mo?