MATTHEW 25:1 - LEKHARABU INTHENG (BSI)

¹ “Khava pha a marvân rengram kha hiva kapō kachang sik. Pha khat a nuhngâk 10 he’n anthaihmei anchoia hmōipa intōpui sik a leikasesōt hei.

MATTHEW 25:1 ပူးပေါင်းရင်းမြစ်များ

HLAHEI 45:14

Pōnje kanei vâng inret a reng hnengting anṭhōi, aṭhōn nuhngâk he’n akahnung anjui, khana anmani kha’m ahnenga anṭhōi manhlut hei.

HLAHEI HLA 1:3

Nachunga marim katui kha ka-om; narahming kathei pha kamandonsōt. Nuhmei tûte inkhat in nang kalungsetna che kha ating tor mak hei.

HLAHEI HLA 5:16

Ama hner kha nimajôp a kathlum; Ahme achâng rakip in amanhōi eng. Jerusalem nuhmeihei, kalungdipa hme kha hiva kapōhrep kha kae.

HLAHEI HLA 5:8

Jerusalem nuhmeihei, intepna aneipek ruh, khachu kalungdipa kha nan-intōpui inchu, lungset rangeia invōidâk jo eng tia kanhri pek sik ti ruh.

ISAIAH 54:5

Nakasyempa kha nang sik a napuise kapō kachang sik jo, Chunghnung Rōngpu kha ama rahming kae. A’ntheng Israel Pathen khan nang ahuk sik che, ama kha raleichung pumpui vaikarôn kha kae.

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

MATTHEW 13:24

Jesu’n tekâk hlop inkhat amanthei hei, “Marvân Rengram khachu hiva kapō kae. Pase inkhat in ahleia hmuchi kaṭha avor.

MATTHEW 13:31

Jesu’n tekâk-lak inkhat amanthei nôk hei: “Marvân Rengram kha hiva kapō kae. Mi inkhat in anṭamhmu inkhat aloa ahleia avavor jo.

MATTHEW 13:38

hlei kha vânhnōi ralei hi kae; hmuchi kaṭhahei kha rengram a mihei kha kae; kaharhei kha Akaṭhamak Inkhatpa mihei kha kae;

MATTHEW 13:47

“Khan nôk chu marvân Rengram kha hiva kapō nôk kae. Nga kasur ṭhahrep he’n anlen dîr shunga anvora nga jât rakip ansura kae.

MATTHEW 20:1

“Marvân Rengram khachu hiva kapō kae. Pha khat a mi inkhat in avomhrui rahōna ṭōn katlo sik a mi, nek sik kajonga jîngkâr hmatak a kasōksōt a kae.

MATTHEW 22:2

“Marvân Rengram kha hiva kapō kae. Pha khat a reng inkhat in asapa hmōiṭhōina revei inkhat aleimantluk.

MATTHEW 25:7

Khava pha nuhngâk 10 hei kathōi heia anthaihmei andet manphut jo.

MATTHEW 3:2

“Nansetna inphut inhe ruh, ajârchu marvân Rengram kha kahnai jo!” ati.

MATTHEW 5:16

Khava kapōhrep a nanvâr kha mihei hmaikunga akavâr nger sik kae, khanba nanṭōn kaṭha tlo kha anmani’n anhmu sik a kha marvâna nanpa kha antachoi ka-ân sik kae.

MATTHEW 9:15

Jesu’n amasôn heia, “Hmōipa khan ahmelâk-hei leh an-omsaplai anmani kachâma ka-om sik a nantahlamrin mo? Khanga changthei mak ning! Tâk anhnenga inphut hmōipa ṭhōisōtna pha lakahong sik, khava pha bu antahngōi sik kae.

JOHN 18:3

Khava jâra Judas in Rome sepei rup khat, thempu kalenhei, Phariseehei tahei tir Bek-inn kahngâk-hei kha khava rahōna khan aheiṭhōi hei; khana re hmangchâk, thaihmei leh hmeiser invonna kahong hei.

JOHN 3:29

Hmōinu kha hmōipa ta kae; tâk khava hnenga akangir hmōipa ṭhōnpa khan hmōipa rasa kha athei pha, inpâk a kae. Hing’hin kei inpâkna kha pui akatluk jo kae.

ṬŌNTLOHEI 20:8

Kan-inkhômna chunga innden shunga khan thaihmei katamtak le’ndet invâra kae.

CORINTHIANHEI INKHATNA 11:2

Nangni’n kei nanmandon ṭhak eng jâra leh kaman theina chei kha nanjui ṭhak jâra kamanpâk chei.

CORINTHIANHEI INHNINA 11:2

Thangset kanei Pathen achang kapōa, ke’m nan-chunga kathangsetna kana; ajârchu pase inkhat rōk leh lu kahông sik nuhngâk inthengtak inkhat kapōa, Christa leh lu kahông sik a ke’n nangni ṭong ka’nteppui chei kae.

TIMOTHY INHNINA 4:8

Khana tûnchu Pathen leh mandik sapna torna tloman khan ahngâk ṭhak jo eng kae, khava Kani ning khan ṭongtan kadikpa Rōngpu khan apek sik eng, khavakha kei hneng rōk changmak, tâk ama ahon’lâr sik lungset a akahngâk rakip hei hneng um kae.

TITUS 2:13

khanga nikahuk inhringpa Jesu Christa leh akalen Pathen lûrna kha ajō’nlârna pha, vângṭhatna kania ni’nhōrna kha nihngâk a nileiom shung seng sik amanse me kae.

ṬONGPHÔNG 14:4

Anmani kha nuhmei kaneimak leh nuhmei leh ala’ntônmak intheng senga aka-om mihei kae; Anmani’n kemōngte ase sena akahnung anjui. Anmani mihring ralak-hei kâra katlensōtsa hei kha kae. Khana ahma inkeipen kara, Pathen leh kemōngte hneng pek sōt sik hei kha kae.

ṬONGPHÔNG 19:7

Eini katlai senga inpâk rih; alenna choi ka-ân rih! Ajârchu Kemōngte luhôngna sik pha kha kahnai jo, ahmōinu kha abinga intluk jo.

ṬONGPHÔNG 21:2

Hmōinu inkhat apuise intō sik a, a’nret a a’ntlukdek kapōa Jerusalem ther, Khōpui Intheng kha marvâna Pathena inphut ajōng kaṭum kha ke’n kahmua kae.

ṬONGPHÔNG 21:9

Ngeva 7 tlukna khan a’nchaina hrise thlengkam 7 kasip phet achoia kahnenga kahonga ati, “Hong roh, ke’n Kemōngte nuhmei sik hmōinu kha manhmu che rong.”

ṬONGPHÔNG 4:5

Khava len in-ongna inphut a khan khō inphea, khōjang kapōk a, khō inria kae. Khahei kha Pathen rathla 7 hei kae. Len in-ongna hmaikunga khan hmeiser 7 kavâr hei.

ṬONGPHÔNG 8:10

Khava sōa ngeva 3 tlukna khan apengkun atum jo. Hmeiser inkhat kapō ârsi kalentak, hmei akakâng inkhat marvâna inphut jōngkatla, khana khavakha tuidung sem thuma sem khat leh tuihnâr sem thuma sem khat chunga katla a kae.