MATTHEW 24:9 - LEKHARABU INTHENG (BSI)

⁹ “Khan chu nangni karâkna sik leh that sik a mihe’n ansur sik chei khana mikut chunga anpek sōt sik chei. Kei jâra jât rakip in anhōt sik chei.

MATTHEW 24:9 ပူးပေါင်းရင်းမြစ်များ

ṬONGCHÎK-HEI 29:27

Mikadik in mikadik mak amater, khana mikadik mak in mikadik amater.

DANIEL 11:33

Mipuihei hlamkakei kasinghei khan chu ansingna kha mi katamtak hnenga ansempek sik hei. Tâk-kha pha bongkhat re shunga ṭhahrep chu anthat sik hei a-emak leh hmeia anro hlon sik hei, ṭhahrep chu anchom heia ankhum sik hei.

MATTHEW 22:6

alak he’n asōk-hei kha ansur heia, anvōk hei, khana anthat hei.

MATTHEW 23:34

Khava jâra ke’n kahri pek chei kae sânkathemhei, mikasinghei leh ojahei kajōngtir pek sik chei; ṭhahrep nanthat sik, alak thingrakea nanmakhei sik, ṭhahrep nan-intûpna innpui heia nanrachâk sik, khana khōpui inkhat a inphut inkhat a nanhnong kathek sik hei.

LUKE 11:49

Khava jâra Pathen Singna khan ati, ‘Ke’n sânkathemhei leh sonle kajōngtir pek sik hei; ṭhahrep anleithat sik hei khana ṭhahrep ansuk manrim sik hei,

LUKE 21:12

Hihei seng hi asōk mak hma, nangni ansur sik chei khana anmanrim sik chei; intûpna innheia ṭong tan sik a anpek sōt sik chei khana kurkhum a ankhum sik chei; kei jâra renghei leh vaikarônhei hmaikunga ankeimanhlut sik chei.

JOHN 15:18

“Vânhnōi in nangni anmater chei inchu, hma inkeitak a kei antahōt eng kae, ti hi mandonsōt ruh.

JOHN 15:21

Tâk-kha nangni keita nanchang jâra, anmani’n nanchunga hiva rakip hi anta hongtlo sik kae; ajârchu anmani’n anijōng katirpa kha manhret mak heia kae.

JOHN 16:2

Anmani’n nangni intûpna inna inphut anhnongsōt sik chei. Khana nangni kathat mi khan aṭōntlo kha Pathen karazen kae tia anmandonna pha alakahong sik kae.

ṬŌNTLOHEI 28:22

Tâk-kha namalung mandon kha kanthei hnōm ajârchu hmun rakip a mihe’n hiva nang loiruphei chunga hin dōina ṭong anhria kae.”

ṬŌNTLOHEI 7:59

Khanga andenglai Stephen khan Rōngpu hneng, “O Rōngpu Jesu, karathla arahlâng pek roh!” tia leika-ông.

PETER INKHATNA 4:16

Hei-achang inum Christian chang jâra demanrimna nantade achang inchu, khava sik a inzak mak ruh, tâk Christa rahming nanrôn jâra Pathen manpâk ruh.

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.

ṬONGPHÔNG 2:13

Na-omna hmun kha Seitan len in-ongna hmun achang kha ke’n kamanhret. Taksen ka-om tak kasâkhi kachang Antipas kha, anleithat katlunga nataksenna eng nang in masō mak chea kei sik a akadik kachang che.

ṬONGPHÔNG 7:14

“Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.