MATTHEW 24:31 - LEKHARABU INTHENG (BSI)

³¹ Pengkun kalen kha antum sik, ama’n angeva ralei rakir manlia atir sik hei, anmani’n akadeisōt seng kekung leh kelera anchom mantûp sik hei.

MATTHEW 24:31 ပူးပေါင်းရင်းမြစ်များ

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 67:7

Pathen khan vâng apek jo me; hmuntina mi rakip in ama kha kaja hei rasoh.

HLAHEI 81:3

Thla kha ahongther jo pha, thla kha ahonglir jo pha, reveina pengkun kha tum ruh.

SŌKSŌT 19:16

Ni 3 tluk ning jîngkâra khō inri, khō inphe atloa, sumtuk insâtak ahe’nze tlâng chunga khan inhmu jo, khan chu pengkun mahring inhnaktak inthei jo. Ṭhumhmuna mipui rakip kaṭi jo heia innok jo hei.

ISAIAH 11:12

Ralei rakir manlia ami Israelhei leh Judah mi a’nchek a ka-om hei kha avea aheiṭhōi mantûp sik hei kha Rōngpu’n jât-hei hmun a sik chîkna pōnlek inkhat atârsōt sik.

ISAIAH 13:5

Anmani ram kahlatak ralei inchaina inphut a kahong hei. Ahnuknat a, ram pumpui kasuk inhmang sik a, Rōngpu kha kahong.

ISAIAH 27:13

Khava kani ahong tlung pha, Egypt ram a leh Assyria ram a Israel sahei rekahringa antakei hei seng bekmalena sik a Pengkun inkhat intum sik. Anmani kahong sik heia kha, ahmebung intheng Jerusalema Rōngpu kha ankamuk sik.

ISAIAH 42:10

Rōngpu hneng hlather inkhat sak ruh; ama manpâkna hla raleichung rakip in sak ruh! Tuipuia rakōng katôrhei ama kha manpâk ruh! Tuipui chunga ranhring rakip in ama manpâk ruh! Ram kahla hei leh ashunga ka-om seng in hla sak ruh!

ISAIAH 43:6

Anmani anhei manhongna sik a ke’n sak intong hneng kahri sik khana kamihei ankhâm makna sik thlâng hnenga kahri sik. Ram kahlatak heia inphut kamihei he’nle hei rasoh, ralei rakir rakip a inphut he’nle hei rasoh.

ISAIAH 45:22

“Tûn kahnenga he’nle una inhuksōt ruh, raleichung pumpuia mi rakip hei! Hinahin Pathen inkhat rōk kha kei eng kae.

ISAIAH 49:18

Nakimvea thlir inna heimo akasōk enroh! Namihei intûp jo hei, inting hong inle jo hei! Kei akahring khet Pathen kachang jâra, namihei jâra a’nlensak sik che kae, hmōinu’n asana hrui or jâra a’nlensak kapōa.

ISAIAH 60:4

Nakimve kha enroh heimo akasōk enroh: Namihei kha inna kahong sik a intûp jo hei! Nasahei kha ram kahlatak a inphut kahong sik hei; Nasanuhei kha’m naipang kapōa anheiṭhōi sik jo hei.

DANIEL 7:2

hinahin ka-om: Hmun rakip a inphut thli hong kahrânga tui-ôngpui hmai aheivōk.

ZECHARIAH 14:5

Hiva tlânga her hnia akaṭhensōt phaicham shunga hin nangni akatlânsōt sik chei kae. Judah Reng Uzziah phalaia lingnu innoklai nanpu sōnhei leitlânsōt kapōa nangni akatlânsōt sik chei kae. Rōngpu ka-Pathen kha, ngeva rakip aheiṭhōi heia kajōng sik.

ZECHARIAH 2:6

Rōngpu’n amihei hneng ṭong amanthei hei, “Ke’n ram rakip a kachai kathek jo hei. Tâk-kha tûnchu, nangni rehringa anta heisur hei, Babylona inphut heitlânsōt jo ruh, Jerusalema he’nle jo ruh.

ZECHARIAH 6:5

Ama’n amasôn eng, “Hihei hi thlihrui 4 hei kae; anmani hi raleichung pumpuia Rōngpu hnenga inphut akajōng hei kae.”

ZECHARIAH 9:10

Rōngpu’n ahri, “Israel heia inphut re shakor gâri kha kalosōt sik jo khana Jerusalema inphut Shakor kalosōt sik jo; re tlona saihei kasuk manhmang sik jo. Narengpa khan jât-hei kâra intōk inchamna ajōng rôn sik jo; ama’n tuipui inkhat a inphut inkhat a vai arôn sik, Ephrath tuidunga inphut raleichung inchaina katlung.”

ZECHARIAH 9:14

Rōngpu kha amipuihei chunga hong inlâr sik; khō inphe kapōa ama’n the akâpsōt sik. Chunghnung Rōngpu’n pengkun atum sik; thlang tinga inphut thlisip kâra ama kha hong injôk sik.

MATTHEW 13:41

Mihring Sapa khan marvân ngevahei ajōngtir sik hei, khana anmani’n a-Rengram shunga mikasu inpaihei leh ṭhatmak katlo rakip ankhôm mantûp sik hei,

MATTHEW 24:22

Tâk Pathen in kanihei kha amantlôm jo; amantlôm mak inchu, tûte hring tor mak ning. Hei-achang inum ami kadeisōt hei sik jâra Pathen in kanihei kha asukmanbong pek sik hei.

MATTHEW 24:24

Ajârchu Messiah inhlem leh sânkathem inhlem hong kasōk sik hei; khana a-ethei chenna Pathen kadeisōt hei kapha hōn mathlâkna sik det-hla ka-om tak leh ṭōn-inlak antlosōt sik.

MATTHEW 24:32

“Theichangkung in manhretna manthei chei rasoh. Abâk-hei ahong ka-êm heia, hong kadông heia, abō ahongcher jo’nchu khōlum pha kahnai jo ti nangni’n nanmanhret.

MATTHEW 25:31

“Mihring Sapa kha Reng kapōa marvân ngevahei leh inṭhōia ajōng pha, alen in-ongna chunga in-ong sik,

MATTHEW 28:18

Jesu anhnenga kahonga ahri, “Marvân chung leh raleichunga ratha neina rakip anipek jo.

MARK 13:27

Ralei hmor chaina inphut Pathen in kadeisōt mihei kachom intûp sik a ngevahei rakir manlia ajōngtir sik hei.

LUKE 24:47

khana Jerusalema inphut a jât rakip hneng malung thlengna leh set rangei mandamna sik ama rahminga ṭong inhri inthang sik kae.

JOHN 11:52

Khana anmani sik rōk changloa, Pathen sahei seng inthek inchaia ka-om hei kha taksa pumkhat a ṭhōi manchuna sik um kae. 3

ROMANHEI 10:18

Tâk-kha ke’n kader: ṭong hi antathei mak mo kae? Anmani’n antheikhet jo ajârchu Ṭong intheng in ahri: “Anṭonghri karesō raleichung pumpuia kase sō jo; anṭong rahme raleichung inchaina katlung sō jo.”

EPHESIANHEI 1:10

Apha atluk pha, Pathen ṭōnmantluk achaina sik khachu, marvân leh raleia kutsyem rakip akhôm mantûp sōa Christa khan anlu akachang sik kha kae.

DÂNRABU INHNINA 30:4

Ralei rakir kahla pena khan aleikathek jo chei inum, Rōngpu nan-Pathen in amanchun nôk sik chei, aheiṭhōi male sik chei,

DÂNRABU INHNINA 4:32

“Nangni nan-intet mak hma, tenlaia Pathen in raleichunga mihring asyemlaia akathlengsa pha kha jongsōt ruh. Raleichung pumpuia jong ruh. Hiva kapō ṭōn kalen heikhat hmalai khan aleikasōk jo mo? Hiva kapō hi tu inkhat in athei phung jo mo?

THESSALONIANHEI INKHATNA 4:16

Pathen pengkun jōng inhring sik, marvân ngeva kalen ṭongpekna, aka-ông rasa inthei sik, khan marvâna inphut Rōngpu kha ajōng kaṭum sik kae. Christa kataksen aleikathi hei kha hma inkeia kahringa kathōi sik hei;

THESSALONIANHEI INHNINA 2:1

Ni-Rōngpu Jesu Christa ajōngna sik leh einihei inpunkhôma ama leh ni’nchunna sik chungchânga: Sōpuihei, kahei ngek chei kae,

HEBREWHEI 12:19

Nangni pengkun mahring leh kahre rasa inhnaktak leh hongmak chei. Anmani chu rasa hei kha anthei pha, ṭonghlop rasa anthei nôk makna sik anleingek,

ṬONGPHÔNG 1:20

Nang in kakut changtinga kachoi ârsi 7 leh thaihmei matungna kung 7 sana vâng a’nsyem nahmuhei takhing a’nthup khachu: ârsi 7 kha bekrup 7 hei ngevahei kae, khan chu hmeivâr kung 7 hei kha bekrup 7 hei kha kae.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 7:1

Khava sōa raleichung tui-ôngpui chung, thingkung rakip chunga thli heite ahrâng makna sik raleichung thli 4 intu ngeva 4 ralei rakir 4 a akangir kahmu hei.

ṬONGPHÔNG 8:2

Khana Pathen hmaikunga kangir ngeva 7 kahmu hei, anhnenga pengkun 7 anpek heia kae.