MATTHEW 23:23 - LEKHARABU INTHENG (BSI)

²³ “Dân ojahei leh Phariseehei, heituk a ṭitpek ka-om chei mo! Nangni a’nṭhat hlemsak-hei! Nangni’n reihing, patikhôm, khana maru-marâng sem sôm chu nanpek, tâk nangni’n akakhôk pen Dânhei khachu heitea sakmak chei, khahei khachu akadik, lungset leh malung intheng hei hi kae. Alakseng um heisakmak tlo loa hivahei hi nantatlosōt sik kae.

MATTHEW 23:23 ပူးပေါင်းရင်းမြစ်များ

ṬONGCHÎK-HEI 21:3

Akadik leh akaṭha kha tlo roh; Rōngpu hneng neinâk tōk sik heichoi kanek a ama tlaina sik kha tlo roh.

ISAIAH 28:25

Ama’n ralei akhōisōa reihing leh jira, anse-hleina hmuchi avora kae. Ama’n Gehu leh bunim hei avor hei, khana hlei hnōmkea hmuchi ralak atuk a kae.

JEREMIAH 22:3

“Rōngpu, ke’n akadik leh a’ntlun kha nantlona sik ṭong kapek chei. Mi tahōn mathlâk inkhat kha akahōn inthlâkpa inphut huksōt ruh. Miram mihei, nu leh pa kaneimak hei, renghmeihei kha êngset a tlomak hei ruh; khana hiva hmun inthenga hin ṭhena kaneimak hei kha that mak hei ruh.

HOSEA 6:6

Nanlungset inhling mak kha kamadu, nanran inthoinahei kha changmak. Kahnenga ran ro-inthoina kanek a kami he’n kei anmanhretna eng kha kamadu jôk.

LEVI-DÂN 27:30

Ram shunga kasōk rakip hmuchi leh thing kara, sem sôma sem khat Rōngpu tâ kae.

MICAH 6:8

Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

MATTHEW 12:7

Ṭong intheng in, ‘Kei tamadu khachu lum lona kae, ran inthoina kha changmak,’ ati. Hivahi heitina mo nanlei manhret inchu, nangni’n ṭhena kaneimak hei kha nantalei masetmak sik hei kae;

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

MATTHEW 9:13

‘Kei tamadu kha lum lona kae, ran inthoina kha changmak,’ tia ṭong intheng tahri hi heitina mo se una vajongsōt ruh. Kei mi kalûrhei kabea akajōng changmak eng, tâk mikasehei kabea akajōng eng kae.”

LUKE 11:42

“Nangni Pharisee sik a heituk ṭitpek aka-om chei mo! Nangni’n reihing, lenghum, patikhôm, apha-pha a anse-hleina sem sôm chu nanpek, tâk Pathen sik a ṭongtan kadik leh lungsetna chu donmak chei. Alak he’m heisakmak tlo loa, hihei hi nantatlo sik kha kae.

LUKE 18:12

Kani vekhat a vōi 2 thlai kahngōi, kanei rakip sem sôm kapek a kae,’ ati.

SAMUEL INKHATNA 15:22

Samuel in ati, “Khō kha mo Rōngpu’n amadu: ṭongjui mo a-emak leh tōkna leh inthoina mo? Ahnenga kemōng kaṭhapen inthoina natōk kanek a chu aṭong najui kha kaṭha jôk.